Samfylkingarmenn allra flokka sameinist

Í öllum stjórnmálaflokkum eru tækifærisinnar. Jú, líka Vinstri grænum sjáiði bara Árna Sigurðsson SPRON-braskara. Tækifærissinnar réðu ríkjum í flestum stjórnmálaflokkum á tímum útrásar - Guðlaugur Þór var á hátindi ferlis síns í Sjálfstæðisflokknum árið 2007 og það sama má segja um Þorgerði Katrínu Gunnarsdóttur.

Eftir hrun fylktu tækifærissinnar sér á bakvið nýja kreddu, sem er aðild að Evrópusambandinu.fSamfylking, sem er annað orð yfir tækifærismennsku, er miðstöð tækifærissinna í íslenskum stjórnmálum.

DV segir að Guðmundur Steingrímsson, sem einu sinni var í Samfylkingunni, íhugi stofnun samfylkingardeildar í Framsóknarflokknum sem síðan hóti flokksforystunni að kljúfa flokkinn ef þegjandi samþykki fæst ekki fyrir aðlögunarferli að Evrópusambandinu.

Leikur Guðmundar Steingríms í Framsóknarflokknum er hliðstæður við brölt samfylkingardeildarinnar innan Sjálfstæðisflokksins. Þar hóta þeir Benedikt Jóhannesson, Ólafur Stephensen, Þorsteinn Pálsson og fleiri stofnun nýs stjórnmálaflokks sem hefði inngöngu í Evrópusambandið á stefnuskrá.

Er ekki kominn tími til að standa við stóru orðin og stofna Stór-Evrópuflokkinn?

Athugasemdir

[Guðmundur 2. Gunnarsson (IP-tala skráð) 22.8.2011 kl. 16:27]

Það er mun meira framboð en eftirspurn af ESB leiðtogum og boðuðum flokksstofnunum miðað við þá broslegu útreið sem þjóðin hefur veitt Brusselbrölti Össa, Jóhönnu og gólftuskunni þeirra Steingrími J. í öllum könnunum sem hafa verið gerðar.  Stefnir í að eitt framboð verði á hverja 10 inngönguóða.  Þau hljóta síðan að klofna fyrr en seinna... 

.

[Sigurður (IP-tala skráð) 22.8.2011 kl. 16:57]

Frábært, ef Guðmundur Steingrímsson fer úr Framsókn. Þá yrði flokkurinn enn trúverðugri.