Samevrópskt fjármálaráðuneyti - eða dauði

Evru-kreppan dýpkar og valkostum til að bregðst við henni fækkar. Bankastjóri Commerzbank, Martin Blessing, skrifar grein í Welt am Sontag, og Viðskiptablaðið greinir frá, þar sem hann segir lausnina á evru-kreppunni vera samevrópskt fjármálaráðuneyti.

Allir sem kunna Litlu gulu hænuna í stjórnmálum vita að samevrópskt fjármálaráðuneyti verður ekki ekki til án samevrópsks ríkisvalds. Stór-Evrópa getur ein bjargað evrunni, segir Blessing. Í lokaorðunum tekur hann af öll tvímæli

Blessing segir í grein sinni að upptaka eigin þjóðargjaldmiðla sé eina svarið gegn því að setja á stofn samevrópskt fjármálaráðuneyti. Hann bætir því þó við að fari svo að evran verði aflögð muni það valda bæði efnahagslegu og stjórnmálalegu hruni í Evrópu.

Þegar menn eins og Blessing taka að skipta sér afgerandi af stjórnmálum er augljóst að verulega mikið er í húfi.

Evrópusambandið lifir ekki óbreytt af evru-kreppuna. Verði lausn Blessing og fjármálamarkaðarins ofan á með stofnun Stór-Evrópu utanum evruna mun Bretland standa þar utan og leita sér bandamanna til að stemma stigu við ofurvaldi Evrulands.

Á hinn bóginn eru litlar líkur að stofnað verði til Stór-Evrópu. Með Hitler misstu Þjóðverjar áhugann á að stýra álfunni með valdboði. Þýskum er meira annt um peningana sína en völd yfir grannríkjum.  

Athugasemdir

[jonasgeir (IP-tala skráð) 21.8.2011 kl. 09:42]

Þetta ESB er algjör farsi.

Ég verð að viðurkenna að ég hef örlítið gaman af að fylgjast með þessu.

Svo sorglegt dæmi um valdasjúka pólitíkusa sem loksins eru farnir að vinna fyrir launum sínum.  Það er nóg að gera við að reyna að halda ósköpunum rúllandi í nokkra daga til....

Á meðan sér maður því miður hvernig óráðsía og skelvilegar lausnir þessara sömu pólitíkusa safnast stöðugt á herðar vinnandi fólks.