Frjálslyndi, ábyrgðarleysi og vanmetakennd

Ríkisstjórn Sjálfstæðisflokks og Samfylkingar var frjálslynd. Umburðarlyndi gagnvart auðmönnum var takmarkalaust, efnahagspólitík gerði ráð fyrir að Ísland yrði einn stór vogunarsjóður, landsmenn lögðu sig helst ekki niður við verkleg störf heldur fluttu inn útlendinga til þess arna.

Frjálslyndi er enn aðalsmerki Samfylkingarinnar og útrásarhópar í Sjálfstæðisflokknum sjá enn samstarf við Samfylkingu sem fyrsta kost. Siv Friðleifsdóttir vill gera Framsóknarflokkinn frjálslyndari.

Útrásin var helsta framlag frjálslyndra stjórnmála til íslenskra stjórnmála. Eftir að útrás þraut með hruni sameinast íslenska frjálslyndið um að gera Ísland aðila að Evrópusambandinu.

Í útrásinni vildum við helst ekki vinna heiðarlegt starf; helsta röksemdin fyrir aðild að Evrópusambandinu er að við eigum að láta aðra um stjórn okkar mála.

Frjálslyndi í íslenskum stjórnmálum er að taka ekki ábyrgð. Vanmetakennd er rót ábyrgðarleysisins. Öll höfum við orðið vitni að hvernig vanmetakenndin brýst fram sem hömlulaus frekja og yfirgangur hér heima en undirlægjuháttur þegar komið er út fyrir landsteinana.

Frjálslyndur hópur finnur sig ekki í flokknum

Athugasemdir

[Lúðvík Júlíusson, 17.4.2011 kl. 19:23]

Frjálslyndi þýðir frelsi með ábyrgð.

Fæstir Íslendingar aðhyllat frjálslyndi.  Flestir aðhyllast annað hvort frelsi án ábyrgðar eða stjórnlyndi.

Ein sönnun á því eru gjaldeyrishöftin.  Hvað eru margir sem treysta því að markaðurinn muni gefa "rétta" mynd af stöðu Íslands?

Flestir treysta því að handstýring(stjórnlyndi) nái betri árangri en markaðurinn(frjálslyndi)

Önnur sönnun á því er að við höfum Seðlabanka sem stýrir markaðsvöxtum með breytingu á peningamagni í umferð og stýrivöxtum.  Það er engum(eða fáum) sem dettur í hug að hugsanlega væri betra að láta markaðinn ráða ferðinni og ákveða markaðsvexti.

.. Frjálslyndi er orð sem fólk notar án þess að vita hvað það er.

[Jón Ármann Steinsson, 17.4.2011 kl. 20:32]

Það vottar fyrir trausti á íslenskum pólitíkusum í þessum skrifum þínum:

"Í útrásinni vildum við helst ekki vinna heiðarlegt starf; helsta röksemdin fyrir aðild að Evrópusambandinu er að við eigum að láta aðra um stjórn okkar mála."

Er ekki niðurstaða hrunsins og áratuga aðdraganda þess að okkur er ekki treystandi til að viðhalda REGLUVERKI sem gerir okkur mögulegt að stjórna okkar málum sjálf? Ertu ekki sammála því að allar helstu lagabætur í átt til nútíma þjóðfélags hafi komið til fyrir þrýsting og/eða áhrif Evrópubandalagsins? Undanlátssemi okkar meðan vígin féllu eitt af öðru eigum við að þakka þörfinni fyrir að selja þeim fisk. Nú er komið að bændum og sjávarútvegi. Við vitum öll hvar lagaramminn fyrir þær greinar var saminn. Hlutlausir aðilar komu þar hvergi nærri enda engar EES reglugerðir til að hindra hagsmunapotið.

[JR (IP-tala skráð) 17.4.2011 kl. 22:03]

Væri ekki gott núna að Páll Vilhjálmsson segði frá hagsmunum sínum með kvótaeigendum og eigendafélagi bænda ???

Páll Vilhjálmsson reynir bara að segja lygi um ESB !!!

[jonasgeir (IP-tala skráð) 17.4.2011 kl. 22:17]

Alveg merkilegt hvað margir trúa á eitthvað sem á að vera regluverkið stórkostlega.  Hvar er það í heiminum þeim arna.  Var ekki Írland í regluverki ESB? Eða Sósíalistaríkin Grikkland, Spánn og Portúgal?  Þar ætti nú að vera nóg af regluverkjunum...

Kína kanski?  Meira að segja þar féll fasteignaverð um 30% síðasta mánuð.  Meiriháttar fasteignabóla í þeirra regluverkjum.

Málið er bara að ríkið á ekki að setja kostnaðin af prívathagnaði yfir á skattgreiðendur, eins og mikið er unnið að í dag á okkar ágæta landi og svo sem líka inna hinna fínustu regluverkja.

...Og regluverkir ESB hjálpa ekki.  Alls ekki.  Það þarf ekki annað en að skoða í kring um sig til að sjá það.  Það eru ekki "nema" 2000 km yfir hafið.

[jonasgeir (IP-tala skráð) 17.4.2011 kl. 22:41]

Orðið frjálslyndur er líka alveg stórkostlegt fyrir hana Siv og Guðmund í framsókninni!

Hvað í ósköpunum er svona frjálslyndislegt við að vilja binda Íslendinga undir reglugerðaskrímsli ritað á 10.000 blaðsíður Evrópusambandsins.  

Það er alveg stórfurðulegt hvað getur verið frjálslynt við það!

[Hrafn Arnarson (IP-tala skráð) 17.4.2011 kl. 23:34]

Það er því miður ljóst að Páll hefur ekki minnsta grun um hvað það er að vera frjálslyndur í stjórnmálum. Í yfirlýsingu frá samtökum frjálslyndar flokka má lesa eftirfarandi:Freedom, responsibility, tolerance, social justice and equality of opportunity: these are the central values of Liberalism, and they remain the principles on which an open society must be built. These principles require a careful balance of strong civil societies, democratic government, free markets, and international cooperation. Sem sagt frelsi, ábyrgð, umburðarlyndi og jöfn tækifæri eru gundvallargildi liberalisma. Páll virðist hins vegar halda að frjálslyndi sé afskiptaleysi, ábyrgðarleysi,vilji til að gera landið að vogunarsjóð og vilji til að ganga í ESB. Allt þetta einkennir svo flokkinn sem hann er með á heilanum sem sagt Samfylkinguna. Skrif Páls eru langur og þreyttur brandari. langavitleysa.

[Jón Valur Jensson, 18.4.2011 kl. 01:46]

Nei, þetta var frábær pistill hjá Páli. Hann mælir ekki á móti raunverulegu frjálslyndi, en gerir grín að afkáralegum birtingarmyndum "frjálslyndis" Samfylkingar á bóluárunum og sér ekkert alvöru-frjálslyndi í því að beygja sig fyrir erlendu yfirvaldi, heldur kallar þankaganginn, sem það grundvallast á, sínum réttu nöfnum: vanmetakennd og undirlægjuhátt.

Guðmundur og Siv eru ekki frekar frjálslynd með því að vilja láta okkur sogast inn í erlent Großmacht sem myndi hrifsa af okkur allt æðsta löggjafarvald heldur en Vidkun Quisling hafi verið "frjálslyndur" með því að reyna að gera land sitt að leppríki Þriðja ríkisins.