Já við Icesave er já við ríkisstjórninni

Forysta vinstri grænna sendir félögum sínum ávarp þar sem undir rós segir að ríkisstjórnin falli ef Icesave-samningurinn verður ekki samþykktur á laugardag. Lykilssetningin í ávarpi Steingríms J. og Katrínar Jakobs er eftirfarandi: ,,Hér er um afdrifaríkar kosningar að ræða."

Ríkisstjórnin nýtur aðeins stuðnings þriðjungs þjóðarinnar og fylgi stjórnarflokkanna er langt fyrir neðan kjörfylgi, samkvæmt könnun.

Með því að segja félögum sínum að Icesave-já sé stuðningur við ríkisstjórnina er forysta Vg að opinbera leynda ósk um að losna úr fjötrum ríkisstjórnar Jóhönnu Sigurðardóttur. Er ekki sjálfsagt að verða við þeirri ósk og segja nei á laugardaginn kemur?

Litlar breytingar á fylgi flokka

Athugasemdir

[Óskar Guðmundsson (IP-tala skráð) 4.4.2011 kl. 08:37]

Ríkisstjórnin? er í raun liðið lík, svona eins og Brúsi Willis í Sixth Sense en hefur ekki gert sér grein fyrir því enn.

[Elín Sigurðardóttir (IP-tala skráð) 4.4.2011 kl. 09:14]

Ríkisstjórnin er ræfilstuska. Já við Icesave er já við hryðjuverkamönnum.

[Hólmsteinn Jónasson (IP-tala skráð) 4.4.2011 kl. 09:52]

ERU ÞEIR SEM HVETJA TIL FYLGNI VIÐ SAMNING með pantaða dóma og því svona handvissir um að sú breyting neyðarlaganna að færa innlánskröfur úr flokki almennra krafna í flokk forgangskrafna standist hjá Hæstarétti og / eða Mannréttindadómstól Evrópu !

[Björn Emilsson, 4.4.2011 kl. 12:11]

Steingrímur greyið skilur ekki sinn vitjunartíma.Hann hefur setið 38 ár á Alþingi, þar af 2 ár verið fjármálaráðherra Hann hefur séð draum sinn rætast um verðandi Sovét Ísland og skilur ekki að menn séu ekki sammála honum um ágæti sitt.