Stjórnarskrá til friðar, ekki sundrungar

Illa fer á því að stjórnvöld noti ógnarorðræðu þegar breytingar á stjórnarskrá lýðveldisins eru til umræðu. Stjórnarskrá er sáttmáli þjóðar um stjórnskipun sína. Jóhanna Sigurðardóttir notar umræðuna um breytingar á stjórnarskránni til að slá pólitískar keilur um fiskveiðistjórnunarkerfið sem hún átti þátt í að móta á sínum tíma.

Stjórnarskráin virkar prýðilega í þágu lýðræðis og almannavilja upp á síðkastið. Ákvörðun forseta Íslands fyrir ári um að vísa  Icesave II til þjóðarinnar reyndist happadrjúg. Ef frá er skilin kverúlantaorðræða trúargemsa af ýmsum sortum og hjárænuliðið í Samfylkingunni er sátt um stjórnarskrá lýðveldisins. 

Þegar Egill Helgason tekur undir leiðara Baugsmiðils um meira fútt í stjórnarskrárumræðuna er hann að biðja um meiri sundrungu í samfélaginu. Og það er ekki á annað bætandi. 

Athugasemdir

[Anna Sigríður Guðmundsdóttir, 7.3.2011 kl. 23:54]

Páll. Stjórnarskrá þarf að virka alla daga jafnt, en ekki bara upp á síðkastið.

 Aðalatriði stjórnarskrár-breytinganna er að aðskilja löggjafavald, þing og dómstóla. Það er mín skoðun.

 Í dag er þetta allt í sama potti og ógerlegt að nota Íslenskt réttarkerfi, sem er fjarstýrt af þingi og þingi fjarstýrt af dómurum og dómurum af mafíu! Og spillingin BLÓMSTRAR ÁFRAM og allir eru að svíkja sína þjóð, og því miður sjálfa sig í leiðinni?

 M.b.kv.

[Anna Sigríður Guðmundsdóttir, 8.3.2011 kl. 00:04]

Gleymdi að taka fram að ráðherrar eru valdaminnstu menn á Íslandi, því mafía bankanna stjórnar þeim c.a.100%!  Alla vega ef þjóðin stendur ekki með þeim á torgum og ekki síst BRYGGJUM LANDSINS!!! Nú hefjast fiskveiðar heiðarlegra Íslendinga og ekki seinna vænna, ef við ætlum ekki öll að drepast með van-nýtta fiskinum! Máli mínu til stuðnings bendi ég á síðu Jóns Kristjánssonar: fiski.is.

M.b.kv.