Eyjan smalar atkvæðum fyrir Samfylkingu

Stjórnlagaráð er um það bil að deyja drottni sínum degi eftir að Jóhanna Sig. og Steingrímur J. tilkynntu um þá ætlun sina að ómerkja Hæstarétt með því að gera 25 ógilda stjórnlagaþingmenn að 25-manna umboðslausu ráði. Skötuhjúin eru komin í æfingu að klúðra málum og stjórnlagaráðið gæti orðið ein mistökin enn.

Eyjan er orðið að formlegu málgagni Samfylkingar og reynir hvað hún getur að safna liði fyrir einangraða umsóknarflokkinn. Lilja Mósesdóttir þingmaður Vg er helsti skotspónn samfylkingarfólks og Eyjan ætlar að vera trú sinni köllun og kallar Lilju kött.

Einangrun Samfylkingarinnar í íslenskri pólitík verður æ átakanlegri og sambræðsla Eyjunnar við auðrónaútgáfuna Pressan.is sýnir hver staða flokksins er orðin.