Hæstiréttur staðfesti þjóðarvilja

Þjóðin hafnaði stjórnlagaþingi Samfylkingarinnar með því að sitja heima þegar kosið var í nóvember. Aðeins um þriðjungur kosningabærra manna lét sjá sig á kjörstað. Dómur Hæstaréttar staðfestir þjóðarviljann sem sniðgekk kosninguna.

Markmið Samfylkingarinnar með stjórnlagaþinginu var að slá ryki í augu almennings með því að gefa til kynna að stjórnskipun lýðveldisins væri aðili að hruninu. Almeningur sá við ríkisstjórn Jóhönnu Sig. og galt lausung við lyginni.

Ríkisstjórnin ber ábyrgð á stjórnlagaþingsfloppinu og á að segja af sér.

Stjórnlagaþingskosning ógild

Athugasemdir

[Sigurður Gunnarsson (IP-tala skráð) 25.1.2011 kl. 16:43]

Heyr! Heyr!

[anna (IP-tala skráð) 25.1.2011 kl. 17:08]

Sammála! og ég er viss um að 98% af þjóðinni er sammála! Þ.e.a.s. Allir sem ekki styðja Sundrungarfylkinguna og Stjórnina.

[Ragnhildur Kolka, 25.1.2011 kl. 17:12]

Þvílík handabaka ríkisstjórn. Það hlýtur að vera einsdæmi í veröldinni að takast að klúðra svona öllum málum.

[jonasgeir (IP-tala skráð) 25.1.2011 kl. 17:19]

Þau hafa verið dugleg við að auka ýmsar álögur á venjulega fólkið, svona í krónum og aurum. Og búa til alls konar nýja gjaldaliði og skatta.

En hvað hefur annað tekist hjá þeim?

Þetta er bara alveg frábært!  Ekki einu sinni "aðalmálið". ....Sem svo sem var auðvitað algjör vitleysa og hristingur í vatnsglasinu..

[Agla (IP-tala skráð) 26.1.2011 kl. 11:52]

Fyrirsögnin á færslunni  þvælist svo lítið fyrir mér.                                         Ég hélt nefnilega að hlutverk hæstaréttar hefði einfaldlega verið að kanna hvort "gjörningurinn" Stjórnlagaþingkosning  hefði verið lögum samkvæmur.

Er hugsanlegt að dómstólar okkar fái nú fleiri mál tengd þessari kosningu til meðferðar?  

[Páll Vilhjálmsson, 26.1.2011 kl. 11:58]

Sammála þér Agla, ég hefði átt að velja aðra fyrirsögn. Í færslunni er ég að reyna að segja að almenningur hafi sniðgengið kosningarnar vegna þess að þær héldu ekki máli, voru dæmi um kapp en ekki forsjá. Hæstiréttur ógilti kosningarnar þar sem þær stóðust ekki kröfur.