Glæpamenn eru góðir, þeir borga skatta

Útrásarlögmaðurinn Sigurður G. Guðjónsson telur til skjólstæðinga sinna Jón Ásgeir Jóhannesson, Pálma í Fons, Sigurjón fyrrum Landsbankastjóra og hér áður Jón Ólafsson sem kenndur var við Skífuna. Sigurður fer á kostum í málsvörn fyrir skjólstæðinga sína.

Eftir Sigurði er haft á Pressunni, sem er viðurkennt auðmannamálgagn, að offors sérstaks saksóknara í rannsókn á glæpum útrásarauðmanna sé komið á það stig að  skatttekjur ríkissjóðs finni fyrir.

Hér er Sigurður að biðla til Steingríms J. fjármálaráðherra sem er orðinn auðmannadindill eftir að hann gafst upp á grasrótinni í flokknum. Fyrst leyfir Steingrímur J. Jóni Ásgeiri að eiga 365 miðla áfram og næsta skref er að veita útrásarauðmönnum sakaruppgjöf - til að þeir borgi skatta.