Vg styðji þjóðaratkvæðagreiðslu um ESB-umsókn

Lýðræðið gæti bjargað ríkisstjórninni frá strandi. Með því að leggja aðlögunarferlið sem Ísland er í gagnvart Evrópusambandinu í þjóðaratkvæði er hægt að sætta þær fylkingar sem standa gráar fyrir járnum í Vinstri grænum.

Vigdís Hauksdóttir þingmaður Framsóknarflokksins hefur lagt fram þingsályktunartillögu um að þjóðaratkvæði fari fram um aðlögunarferlið ekki síðar en í maí næstkomandi. 

Þingflokkur Vinstri grænna getur samþykkt að styðja tillögu Vigdísar sem á jafnframt vísan stuðning Sjálfstæðisflokksins og framsóknarhluta Framsóknarflokksins.

Það stendur ekkert um það í stjórnarsáttmála Vinstri grænna og Samfylkingarinnar að ekki skuli aðlögunarferlið fara í þjóðaratkvæði. Þvert á móti eru lýðræðissjónarmið eru gegnumgangandi í orðaframleiðslu vinstristjórnarinnar.

Með því að fara með umsóknina og aðlögunina í þjóðaratkvæði áður en frekari skaði hlýst af er hægt að leggja grunn að sátt í þjóðfélaginu.  

Pirringurinn eykst innan VG