Spunaverk Samfylkingar og æra blaðamanns

Samfylkingin kom því á framfæri fyrir tveim dögum að forysta Framsóknarflokksins væri með tilboð um nýtt atvinnuvegaráðuneyti. Af hálfu Samfylkingarinnar þjónaði spuninn tvíþættum tilgangi. Annars vegar að setja þrýsting á hugsjónafólk í þingliði Vinstri grænna sem staðið hefur upp í hárinu á ríkisstjórninni og hins vegar að kanna hvaða áhrif ráðuneytisbeita hefði á Framsóknarflokkinn.

Sigmundur Davíð Gunnlaugsson formaður Framsóknarflokksins benti á samfylkingartenginguna, bloggarann Gísla Baldvinsson og blaðamanninn Val Grettisson.

Valur ber sig illa undan orðum Sigmundar Davíðs og birtir yfirlýsingu um málið. 

Valur andmælir því að vera spunasveinn Samfylkingarinnar. Blaðamaðurinn á Baugsmiðlinum er spaugari og skrifar þetta: ,,Ég er engum háður nema lesendum Vísis."

Gísla þáttur Baldvinssonar er enn óupplýstur. Jóhanna Sig. kallað hann sögusmettu og Gísli þegir sem fastast.

 

Athugasemdir

[Gísli Baldvinsson (IP-tala skráð) 30.12.2010 kl. 20:36]

Fyrirgefðu Pálll sá þetta ekki fyrr en nú. Ég sé hvergi að forsætisráðherrann kalli mig "sögusmettu". Hitt er ljóst að menn töluðust við á fleiri stöðum en Café Paris. Spurðu bara Atla Gíslason.

Hvernig er það, Páll. Ef ég væri félagi í BlÍ, væri ég blaðamaður en ekki sögusmetta. Mér þykir rétt að segja frá hugleiðingum manna. Þetta kom samt illa við SDG enda tók hann ekki þátt í umræðunni - nema hvað.

[Páll Vilhjálmsson, 30.12.2010 kl. 20:46]

Sæll Gísli, Jóhanna segir það söguburð að Framsóknarflokknum hafi verið gert tilboð. Þú segir í bloggi þínu að þú hafir tvær heimildir fyrir tilboðinu. Ég trú þér en ekki Jóhönnu.

[jonasgeir (IP-tala skráð) 30.12.2010 kl. 21:26]

Ég hugsa að margir séu hér frekar sama sinnis og þú Páll, að trúa heldur bloggi Gísla en orðum Jóhönnu.

 Það segir nú töluvert mikið um glæsileika þessarar ríkisstjórnar okkar.

[fridrik indridason (IP-tala skráð) 30.12.2010 kl. 21:27]

og þú kallar þig blaðamann páll. hefur kosið að ýta undir skítlegt eðli steingríms snævars og vænisýki sigmundar davíðs á kostnað heiðarlegs blaðamanns. heiðarlegur blaðamaður er starfsheiti sem þú hefur fyrir löngu glatað páll. þú ættir að gera okkur hinum þann greiða að hætta að titla þig sem slíkann.

[Páll Vilhjálmsson, 30.12.2010 kl. 22:12]

Friðrik, þeir sem eru á kaupi hjá Jóni Ásgeiri og slekti eru baugsblaðamenn, punktur.