Íraksstríðið, fíflaðir blaðamenn og Össur

Blaðamenn hoppa og skoppa í kringum Össur Skarphéðinsson þessa dagana. Utanríkisráðherra sagðist eiga í fórum ráðuneytisins skjöl sem vörpuðu ljósi á tildrög þess að Ísland komst á lista ,,viljugra þjóða" og studdi þar með innrás í Írak fyrir sex árum.

Í gær kom á daginn að flest skjölin voru ljósrit af blaðagreinum sem embættismenn ráðuneytisins lásu til að glöggva sig á ástandi mála. Össur kom ábúðamikill fram í Sjónvarpsfréttum og sagðist ekki hafa áttað sig fyrr á alvöru málsins. Ef það er mælistika á hversu stórt eða smátt tiltekið mál er hvort Össur fattar eða ekki er jafngott að láta flokksskrifstofu Samfylkingarinnar sjá um fréttamat fjölmiðla.

Á meðan Össur vefur fjölmiðlum um fingur sér í mestu ekki-frétt haustsins kemst utanríkisráðherra upp með að kippa stjórnarskránni úr sambandi þegar honum hentar. Og fjölmiðlar þegja. 

 

Athugasemdir

[Helga Kristjánsdóttir, 12.11.2010 kl. 14:11]

    Mér er skemmt!!!!  Allir orðnir fyndnir!!! Össur,blaðamenn,allstaðar grínarar, allt frítt. Takk fyrir að draga frá tjöldin Páll,er enn í hláturskasti.                                                         

[Gunnar Heiðarsson, 12.11.2010 kl. 14:15]

Það er fróðlegt að vita hvaða klandur Össur hefur komið sér í.

Össur er búinn að vera á þingi í tæp tuttugu ár eða frá árinu 1991. Þetta er í raun tuttugu árum of lengi en það er önnur saga. Hann hefur oft komið sér í einhverskonar klandur á þessum tíma, bæði í orði sem og með athöfnum. Þá hefur hann oftar en ekki gripið til spuna og reynt að koma kastljósinu frá sér og sínum mistökum yfir á einhverja aðra. Sjaldnast hefur þetta tekist hjá honum, sannleikurinn hefur þá áráttu að koma í ljós, þó seint sé á stundum.

Því er von að maður velti fyrir sér hvaða klandur Össur er kominn í núna.

[Ragnhildur Kolka, 12.11.2010 kl. 14:53]

Klandur, spyrð´u Gunnar. Kallast það ekki klandur að sniðganga stjórnarskrána þegar sótt var um að kíkja í ESB dótakassann?

[Sigurður Haraldsson, 12.11.2010 kl. 15:51]

Komið þið sæl hvers vegna er Össur enn á þingi og ráðherra?

[Elín Sigurðardóttir (IP-tala skráð) 12.11.2010 kl. 15:54]

Hann Össur ætlar að troða sér inn í Evrópubandalagið án þess að spyrja kóng né prest út í málið. Þar eru kræsingarnar. Þar vill hann vera. Allir aðrir geta étið það sem úti frýs.

http://www.pressan.is/Frettir/Lesafrett/ossur-skarphedinsson-a-ad-gera-olaf-ragnar-grimsson-ad-kongi-yfir-islandi

[Guðmundur 2. Gunnarsson (IP-tala skráð) 12.11.2010 kl. 20:24]

Íraks farsi ESB stjórans var og er svo augljóslega fýlubomba spunatrúða sem átti að beina óþægilegu kastljósinu frá klúðrum hjá stjórnvöldum og ESB ruglinu sem er í gangi, en sprakk framan í Össur sjálfan. 

Gleymdi ekki Össur utanríkis að segja að hann er að reyna að draga þjóðina inn í Evrópusambandið sem meirihluti landa innan þess eru líka á lista hinna "staðföstu og viljugu þjóða" með Íslandi?  Meira en fjórðungur árásaþjóðanna eru "óvart" í Evrópusambandinu sem væntanlega er ekki alveg það stórkostlega "friðarbandalag" eins og snákaolíusölumenn eins og Össur reyna að halda fram.   Saga sem passað er vandlega að segja ekki frá frekar en svo margt annað þegar þessir heiðarlegu aðilar eru annars vegar.  Miðað við hversu mikinn þokulúðurinn rammfalski Össur hefur farið vegna okkar þátttöku í óhæfuverkinu þá er merkilegt að hann hafi ekki verið samkvæmur sjálfum sér og bent á þessi blóðugu fingraför Evrópusambandsþjóðanna, og ekki síður að jafnvel þátttakan náði hjá sumum inn á blóðuga vígvelli Íraks. 

Evrópusambandið er meðal annars argasta hernaðarsamband, enda þarf ekki að leita lengi á netinu til að fá nákvæmar upplýsingar um hvað er í gangi hjá Breusselskum í þeim efnum.   Össur hlýtur að fordæma þátt meirihluta þjóða Evrópusambandsins í hernaðarbröltinu í Írak ef hann er nægur maður til.  En reynslan segir að hann er argasta "kelling" eins og Steingrímur á Suðurnesjum.

[Halldór Egill Guðnason, 14.11.2010 kl. 05:53]

"Íslenskir fjölmiðlar þegja." Er það ekki nákvæmlega það sem trúðar eins og urriðakynlífsfræðingurinn, Þistilfjarðarkúvendingurinn og Grána gamla gera út á þessa dagana? Þvílíkt og annað eins samanasafn af eiginþjóðfélagsóvinum. Gegnrotnir stjórnmálamenn og steingeldir fjölmiðlar eru sennilega verri uppskrift en kínverskt stál og 1000 tonn af gleri í forljóta Hörpu, mitt í bölmóðnum.