Joly, Cox og aðildarsinnar

Eftir því sem þeim fækkar á Íslandi sem vilja inn í Evrópusambandið eykst innflutningurinn á erlendu fólki sem aðildarsinnar telja málstað sínum til framdráttar. Eva Joly sagðist vilja Ísland inn í Evrópsambandið og Pat Cox frá Írlandi er hér til að hvetja Íslendinga til inngöngu.

Skiljanlega þurfa aðildarsinnar að leita út fyrir landsteinana að talsmönnum inngöngu Íslands i Evrópusambandið. Afgerandi meirihluti þjóðarinnar er andvígur aðild að ESB og helstu atvinnuvegir landsins eru mótfallnir inngöngu. Samfylkingarsöfnuðurinn sem vill inngöngu átti einu sinni hauk í horni Samtaka iðnaðarins - þar ríkir nú skömmustuleg þögn.

Ríkisstjórnin stefnir ekki á inngöngu, aðeins sá hluti ríkisvaldsins sem er í höndum Samfylkingarinnar ætlar í Evrópusambandið. Pat Cox og félagar eru steinhissa á því að Ísland hafi sótt um inngöngu með þetta bakland. Einhver þarf að kynna Cox fyrir Össuri Skarphéðinssyni.  

Athugasemdir

[Karl (IP-tala skráð) 20.10.2010 kl. 11:01]

Merkilegt að Jón Bjarnason skuli hafa rætt við erlenda þingmenn.  Það er hrein hörmung að hlýða á manninn halda ræður eða tala við fjölmiðla á eigin tungu.

Hugsunin er þokukennd í besta lagi og framsögnin afleit.

Ætli hann hafi notað túlk? Ég hef enga trú á því að Jón Bjarnason geti rætt flókin álitaefni á erlendum tungumálum þar sem hann er ófær um það með öllu á íslensku.  

Það segir allt um ástandið hér á landi að Jón Bjarnason skuli vera ráðherra í ríkisstjórn.

[jonasgeir (IP-tala skráð) 20.10.2010 kl. 11:05]

Karl.

Hvað finst þér þá um að Jóhanna sé forsætisráðherra?

[Karl (IP-tala skráð) 20.10.2010 kl. 13:42]

Jonasgeir

Mér finnst Það segja allt um algjört gjaldþrot íslensku þjóðarinnar og hörmulega stöðu hennar.

Jóhanna er næstversti forsætisráðherra í sögu þjóðarinnar.

Sagan mun reynast henni, Steingrími og fleirum grimm og óvægin.

Fullkomnlega óhæft fólk.