Baugslögmaður trúnaðarmaður ríkisstjórnar

Baugsveldið er hrunið en ríkisstjórn Jóhönnu Sig. reynir endurlífgun á líkinu. Landsbankinn, sem er ríkisbanki, heldur lífi í Baugsútgáfunni til að ríkisstjórnarflokkarnir hafi málssvara. Í viðkvæma nefnd um erlendar fjárfestingar kýs ríkisstjórnin að setja Helga Jóhannesson lögmann sem var stjórnarformaður Fjárfars en það félag var svikamylla Jóns Ásgeirs Baugsstjóra.

Helgi mun einnig hafa veitt lögfræðilega þjónustu í REI-málinu þegar Jón Ásgeir, Hannes Smára og félagar ætluðu að sölsa til sín orkuauðlindir OR.

Vinstristjórnin hleypir handlangara útrásarauðmanna i lykilstöðu til að meta t.d. erlenda fjárfestingu í orkufyrirtækjum.

Hvaða hagsmunum er ríkisstjórn Jóhönnu Sig. að þjóna? Ekki almannahagsmunum, svo mikið er víst.

Leiðrétting kl. 8:55

Í símaskránni eru tveir lögfræðingar sem báðir heita Helgi Jóhannesson. Annar þeirra er með baugsferil en hinn ekki. Mér sýnist ég hafa ruglað þeim saman og biðst velvirðingar á því, sem og óréttmætum ávirðingum á ríkisstjórnina í þessu bloggi.

Helgi í nefnd um erlenda fjárfestingu

Athugasemdir

[Karl (IP-tala skráð) 14.10.2010 kl. 08:08]

Nýtt þing sem bráðum verður kosið hlýtur að hefja rannsókn á Þeim stuðningi sem ríkisstjórn Jóhönnu og Steingríms veitir Jóni Ásgeiri.

[Ingvar, 14.10.2010 kl. 08:16]

Þetta er ekki rétt hjá þér Páll. Helgi Jóhannesson lögmaður sem skipaður var í nefnd um erlenda fjáfestingu hefur aldrei unnið fyrir Baug né Jón Ásgeir . Það er reyndar til annar lögmaður með sama nafni og sá hefur verið skósveinn Baugsmanna um árabil.

http://mbl.is/mm/frettir/innlent/2010/10/13/helgi_i_nefnd_um_erlenda_fjarfestingu/

[Páll Vilhjálmsson, 14.10.2010 kl. 08:29]

Á lista Lögmannafélags Íslands, sjá að neðan, er aðeins einn Helgi Jóhannesson gefinn upp. Ef þeir eru tveir ætti sá saklausi að tilgreina sig sem ekki-baugslögmaður. 

http://www.lmfi.is/logmannalisti/?page=2&letter=H&pnr=&action=&hrl=&tungumal=

[Raggi (IP-tala skráð) 14.10.2010 kl. 08:41]

Helgi Jó stjörnulögmaður hjá LEX lítur svona út: http://www.lex.is/library/5617

Myndín í fréttinni er af allt öðrum manni

[Matthías (IP-tala skráð) 14.10.2010 kl. 08:44]

Hvaða hagsmunum er svona rangfærsla að þjóna? Ekki almannahagsmunum, svo mikið er víst.

[Páll Vilhjálmsson, 14.10.2010 kl. 08:54]

Í símaskránni eru tveir lögfræðingar sem báðir heita Helgi Jóhannesson. Annar þeirra er með baugsferil en hinn ekki. Mér sýnist ég hafa ruglað þeim saman og biðst velvirðingar á því, sem og óréttmætum ávirðingum á ríkisstjórnina.

[starkaður (IP-tala skráð) 14.10.2010 kl. 09:05]

Sé þetta svona í pott búið þá eftirfarandi: Allir eru sekir þar til annað sannast, er meginstefið hér. Merkilega ómerkileg færsla umsjónarmanns. Og segir allt sem segja þarf um hvað hann telur sjálfan sig mikinn yfirburðamann; að þurfa ekki að tékka á heimildum áður en migið er fram af svölunum. Og kallar sig blaðamann og kemur ekki á óvart.

[Páll Vilhjálmsson, 14.10.2010 kl. 09:13]

Ég átti þetta inni hjá þér Starkaður hugumstóri sem breiðir úr sér nafnlaust.

[Heimir Lárusson Fjeldsted, 14.10.2010 kl. 09:39]

Hann gæti bætt við nafn sitt í símaskrá: EB.

[Erlendur Fjármagnsson (IP-tala skráð) 14.10.2010 kl. 11:27]

Nú kvað lítið um að börn hljóti nöfn sem sum hver voru algeng áður, svo sem Jóhannes, Jón,, Ásgeir, Finnur, Sigurjón, o.s.frv.

[Elín Sigurðardóttir (IP-tala skráð) 14.10.2010 kl. 11:44]

Mjög skiljanlegur misskilningur. Mér skilst hins vegar að Vilhjálmur Þorsteinsson móti orkustefnu stjórnvalda.

http://www.idnadarraduneyti.is/frettir/frettatilkynningar/nr/2962

[Elín Sigurðardóttir (IP-tala skráð) 14.10.2010 kl. 11:51]

Vilhjálmur situr í fjárfestingarráði Bjarkar sem nú gagnrýnir stjórnvöld hvað harðast fyrir stefnu í orkumálum.

http://www.audurcapital.is/fjarfestingar/fjarfestingarferlid/fjarfestingarrad/

[Guðmundur 2. Gunnarsson (IP-tala skráð) 14.10.2010 kl. 12:53]

Ekkert er er rangt af því sem þú segir um ríkisstjórnina, svo ástæðulaust er að draga það til baka.

[Elín Sigurðardóttir (IP-tala skráð) 14.10.2010 kl. 15:31]

Gæðastimpillinn samsinnir Björk og rýkur svo burt a la Ingibjörg Sólrún.

http://www.smugan.is/frettir/frettir/2010/10/13/nr/4173