Tilfallandi athugasemdir

Fimmtudagur, 7. október 2010

Skúrkar stjórna Reykjanesbæ

Árni Sigfússon bæjarstjóri og hirð í kringum hann keyrði Reykjanesbæ í þrot. Á meðan Árni ræður ríkjum er engin von til þess að bæjarfélagið rétti úr kútnum. Árni er rak ríkissósíalisma þar sem þar versta úr kapítalisma og sósíalisma var tvinnað saman og útkoman er eftir því.

Einkavinavæðing, skefjalaus skuldsetning, brask með opinberar eigur, bókhaldsbrellur og annað sem tilheyrir siðlausum stjórnmálum er að finna í ríkum mæli í Reykjanesbæ.

Áður en peningar úr ríkissjóði renna suður með sjó þurfa heimamenn að taka sig á og setja af skúrkana.

	Reyknesingar hóta aðgerðum
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Páll komdu niður á jörðina. Ef þú hefðir heyrt í forsvarsmönnum þessara fyritækja sem eru á koppnum virðist allt stranda og fara endalausa hringi í stjórnsýslunni. Það skapar engin störf að reka bæjarstjórann.

Adda Þorbjörg Sigurjónsdóttir, 7.10.2010 kl. 18:55

Skúrkar stjórna landinu.... skúrkar eru yfirleitt þeir sem nenna að bíða eftir valdi í stað þess að koma sér á framfæri og taka það!

Óskar Guðmundsson, 7.10.2010 kl. 18:57

Ja hérna.

Guðmundur Ingi Kristinsson (IP-tala skráð) 7.10.2010 kl. 18:57

Páll - skúrkarnir sem stjórna Reykjanesbæ eru búnir að ganga sig uppað hnjám í þeirri viðleitni sinni að koma atvinnulífi svæðisins á eðlilegt ról -

Svandís (f.h. ríkisstjórnarinnar ) og Björk stórkjafta hafa sett málin í hnút - Suðurnesjamenn eru ekki að biðja um neina ölmusu - aðeins það að ríkið hætti að þvælast fyrir.

Ólafur Ingi Hrólfsson, 7.10.2010 kl. 19:14

Árni gæti mögulega komið minni Jóhönnu í lag,

en hún lofaði þjóðinni Frjálsum Handfæra Veiðum.

Aðalsteinn Agnarsson, 7.10.2010 kl. 19:44

Plís fólk: ÞAÐ ER EKKI HÆGT AÐ KENNA BARA STJÓRNMÁLAFLOKKUM UM ÞETTA. Þó svo þeir séu jú allir hálfvitar og bera hálfa ábyrgðina og eiga allt skítkast skilið.

En þetta er miklu dýpra en það. Það var ekki bara tap á valdabraski Árna, fullt fullt af jakkafataplebbum græddu tá á fingri og eru enn að út af rískiskapítalismanum hans Árna. Erlend stórfyrirtæki sem láta skattgreiðendur greiða öll útgjöldin en hyrða allann gróðann eru að byrja starfsemi á Suðurnesjum. Kvótakónga, arðræningjar, eru líka stórtækir á Suðurnesjum. Þannig að VG, XD eða hvaðeina, skiptir eingu. Þetta er allt samheiti yfir kapítalisma, valdfrekju og yfirgang. Losum okkur við það og þá kannski er fyrst hægt að fara að tala saman

Rúnar Berg Baugsson (IP-tala skráð) 7.10.2010 kl. 19:57

Ég er farinn að halda að þjóðin öll séu skúrkar og óalandi. Spurningin er hvort að eitthvað af kerfinu fellur eða kerfið í heild sinni. Það er nokkuð öruggt að ástandið á eftir að versna til muna næstu árin og jafnvel áratugina. Eina vitið er að reyna að koma sér úr landi áður en verður um seinan. Veit ég um fjölmargar fjölskyldur sem þó ekki eru í neinum vandræðum vegna hrunsins og eru að undirbúa brottflutning áður á meðan tækifæri er að forða sér.

Sveinn (IP-tala skráð) 7.10.2010 kl. 19:58

Hættið nú alveg, það vantar bara að koma þessum verkefnum í gang en þau eru öll stopp niðri á alþingi......Árni þetta og Árni hitt óþolandi að lesa þetta.

Gunna (IP-tala skráð) 7.10.2010 kl. 20:09

Nú er ég, aldrei þessu vant, algerlega sammála Páli. Um málefni Reyknesinga verður að tala tæpitungulaust.

Ómar Harðarson (IP-tala skráð) 7.10.2010 kl. 20:13

Þvílíkir fordómar og fáviska! Já endilega tölum tæpitungulaust um málefni Reyknesinga......endilega láttu allt flakka ef þú ert svona fróður um þeirra málefni. Mundu bara að hafa allar staðreyndir á hreinu og ekki sleppa neinu undan.

Sigurlín (IP-tala skráð) 7.10.2010 kl. 20:33

Algjörlega sammála Páli að því er ég held örugglega í fyrsta skipti! Þarna hittir hann svo sannarlega naglana beint á höfuðin.

Óskar, 7.10.2010 kl. 20:45

Þegar Keflavík, Njarðvík og Hafnir, þau sveitarfélög sem nú mynda Reykjanesbæ voru sameinuð fyrir einhverjum 15 áru síðan, þá voru skuldir sveitarfélaganna þriggja ekki miklar. Einhver framreiknaði þær skuldir og fékk 5-6 milljarða skuldir. Á móti var svo að sjálfsögðu allar fasteignir bæjarfélaganna, ásamt eignarhluti í Hitaveitu Suðurnesja.

Í dag eru skuldirnar 41 milljarður hið minnsta. Sameinaða sveitarfélagið hefur eiginlega safnað skuldum frá því til þess var stofnað á hverju einasta ári svo að segja. Að auki hefur verið gengið á eignir sveitarfélaganna, sem þau höfðu hvert í sínu lagi verið að byggja upp hægt og bítandi. Hluturinn í HS er svo að segja farinn. Fasteignafélagið Fasteign er svo gott sem gjaldþrota og eignahluti sveitarfélagsins þar er með öllu óljós.

Alls kyns dótarí hefur verið ræst af stað til að auka fjölga störfum og auka fjölbreytni: Umhverfisvænir Orkugarðar, Kísilverksmiðja, gagnaver, einkasjúkrahús, þilplötuverksmiðja, álver, kanínuræktun, blöndungaverksmiðja, stálpípuverksmiðja, loðnubræðsla, herflugvélarekstur, súper framhalds/háskóli, Formúlu kappakstursbraut og svona mætti lengi telja. Þetta hefur allt endað á sama veg, ekkert orðið úr þessu nema kostnaður og tap á tap ofan.

Þetta sýnir fólki betur en nokkuð annað að þó oft á tíðum séu einstaklingar ekki að standa sig í rekstri á einkafyrirtækjum, þá er alveg vonlaust að bæjarfélagið sé að vasast með puttana í þessu. Það eru litlar líkur á að sveitarfélög geti gert eitthvað af viti.

Bæjarfélagið á bara að sjá um að mála gangbrautir ofan á malbikið sem það á að leggja og halda við. Passa upp á að kennsla í skólunum sé ok. og að farið sé eftir þeim reglum og viðmiðum sem gerð eru. Þegar sveitarfélög ætla sér að leika svona fyrirtækjaleiki, þá er þetta búið spil.

Vonandi læra þrotabú sveitarfélaganna hringinn í kringum landið eitthvað af þessu.

joi (IP-tala skráð) 7.10.2010 kl. 21:14

Er ekki hægt bara að afkrifa þessar skuldir? Eða til þrautarvara haft kosningu um að borga ekki?

Ómar Bjarki Kristjánsson, 7.10.2010 kl. 21:42

Er eitthvað til í því að ástæðan fyrir slæmri stöðu sveitarfélaga er að rekstur á grunnskólunum er þeim um megn, hafi aldrei ráðið við það verkefni? Einsetning skóla og rekstur þeirra yfir á sveitarfélögin hafi bara verið þeim of dýr?

Palli (IP-tala skráð) 7.10.2010 kl. 21:50

Voru ekki grunnskólarnir einsetnir alls staðar á landinu? Hvernig stendur þá á að sum sveitarfélög eru ágætlega stödd fjárhagslega s.s. Garðabær, Seltjarnarnes, Rangárþing Ytra og fleiri, á meðan sveitarfélög á borð við Hafnarfjörð, Álftanes og Reykjanesbæ eru á hausnum? Ætli hafi ekki verið búið að reikna þetta út og suður hvað þetta myndi kosta? Létu þá sveitarfélögin ríkið plata sig?

Menn ættu kannski að skoða betur hvaða þjónustu er verið að veita í sveitarfélögunum, hvað sú þjónusta kostar og hvað hún er mikið notuð. Ætli þá kæmu ekki forvitnilegar tölur upp á borðið?

joi (IP-tala skráð) 7.10.2010 kl. 21:59

Gaman að þú kastir þessu svona fram joi, hvað ætli útsvarið per haus sé t.d. í Garðabæ, Seltjarnanesi og RY samanborið við Hfj, Rnb og Álftanes?

Hugsa að sú tala sé ansi sláandi!

karl (IP-tala skráð) 7.10.2010 kl. 22:12

Palli minn, hver er að biðja um peninga? Veit ekki betur en að verið sé að fara fram á að ríkið sé ekki að standa í veginum fyrir þeim verkefnum sem menn vilja fara í hér á svæðinu!

Svo getur ekki verið að þú sért svo gleyminn að þú munir ekki eftir Garðinum, Sandgerði, Vogum og Grindavík, sem eru líka sveitarfélög á Reykjanesi og voru hér líka meðan þú bjóst á svæðinu :-D

Björn Finnbogason, 7.10.2010 kl. 23:25

Björn F - rétt hjá þér - bara að fá ríkið til þess að þvælast ekki fyrir uppbyggingunni -

En þessi einfalda ósk verður flókin vegna einhverskonar hatursherferðar ríkisins gegn Suðurnesjamönnum.

Ólafur Ingi Hrólfsson, 8.10.2010 kl. 03:57

Enn er fólk í afneitun og heldur að Sjálfstæðisflokkurinn sé það besta sem býðst líkt og Adda hér að ofan. Að ríkið sé að þvælast fyrir góðum bæjarstjóra, vá hvað fólk er veruleikafirrt og fullt af pólitískri réttsýn. Eitt sinn sjálfstæðismaður ávalt sjálfstæðismaður, jafnvel þó flokkurinn hafi sett landið og fleiri bæjarfélög á hausinn. Allt öðrum að kenna.

Valsól (IP-tala skráð) 8.10.2010 kl. 08:03

Reyknesingar virðast halda að það sé besta stjórnsýslan að taka ákvörðun um stórframkvæmdir og heimta svo fjármagn frá ríkinu til framkvæmda - eftirá!

Nú hefur það komið í ljós að sú hitaorka sem virkja átti á Reykjanesi er ekki til! Það er óleyst vandamál hvernig orka frá Hellisheiði yrði flutt ef hún á annað borð yrði fáanleg.

Líklega hefur aldrei meiri rugludallur en Árni Sigfússon tekið til máls oftar en einu sinni á sveitarstjórnarfundi á Íslandi.

Árni Gunnarsson, 8.10.2010 kl. 12:13