Þor í umróti

Umræðan á Íslandi er í umróti þar sem gömul kennileiti týnast áður en sést í ný. Útgáfa sem ætlar sér hlut í umræðunni þarf margt sjálfsagt eins og fjármagn og fagmennsku en umfram allt þarf hún hugrekki. Það er vel af sér vikið að bjóða upp á nýja vikuútgáfu í fríblaðastíl með dreifingu um allt land.

Fréttatíminn heitir útgáfan; forliðurinn minnir á Fréttablaðið og viðskeytið gamla Tímann. 

Fréttatímanum bíða mörg áhugaverð viðfangsefni. Í morgunsárið var sagt frá skoðanakönnun sem staðfestir forræði Vg á vinstri væng stjórnmálanna. Gæti verið skammtímasveifla en líka upphaf að klofningi Samfylkingarinnar.

 

Nýtt helgarblað í frídreifingu í október

Athugasemdir

[Jón Ingi Cæsarsson, 27.9.2010 kl. 09:01]

Páll... þú ert greinilega ekki að fylgjast með eða bara gleyminn. Það er ekkert óvænt í þessari könnun. Svarhlutfall er 50% og þá mælast flokkar eins og VG og Sjálfstæðiflokkur hærri en hófsamari miðjuflokkar síður. Þetta sést glöggt í þessari könnun sem endurspeglar sannarlega að hún er með stórum skekkjumörkum þar sem um 400 manns svara á landsvísu og sýnir lítinn skilning þinn á stjórnmálum að sjá klofning Samfylkingar út úr því... Mælir best blint hatur þitt á þeim flokki þar sem þú fékkst ekki þær vegtyllur sem þig langaði í.

[Elín Sigurðardóttir (IP-tala skráð) 27.9.2010 kl. 09:21]

Sóttist Einar Kárason einhvern tímann eftir vegtyllum í Samfylkingunni?

http://www.pressan.is/Kaffistofan/Lesakaffistofu/er-samfylkingin-ad-springa-i-taetlur

[Ragnar Kristján Gestsson, 27.9.2010 kl. 20:38]

Já vissulega þarf þor en flóran hefur virkilega magnast sl. 2 ár.  Ég skoða reglulega eina 3-4 netmiðla og hef krækjur á fleiri. Síðan er allavega 1 annað blað í burðarliðnum sem væri gaman að fá athugasemd frá þér á: http://kritik.is/