Gagnsókn glæpamanna

Auðmenn Íslands og glæpir þeirra á útrásartíma náðu inn í flesta kima samfélagsins. Genginslánin eru dæmi um víðtæka glæpamennsku þar sem fjármálalífið tók höndum saman um að brjóta lög sem voru skýr og ótvíræð. Ríkisvaldið var undir hæl glæpamannanna og gat sig hvergi hrært enda ráðherrar forsöngvarar útrásarinnar.

 Vegna þess hversu lögbrotin voru stórtæk og margir högnuðust á þeim, auðmennirnir sjálfur þó sýnu mest, er freistandi fyrir glæpamennina og meðhlaupara þeirra að gera allt samfélagið meðsekt.

Á næstunni munu birtast viðtöl í útgáfum sem eru ýmis í eigu auðmanna eða á framfæri þeirra s.s. Fréttablaðið og pressan.is þar sem borið er blak af fjármálaglæpum útrásar. Reynt verður að læða því að þjóðinni að hún sé samsek og þess freistað að vekja samúð með forkólfum útrásarinnar.

Forsíða Fréttablaðsins í dag er aðeins byrjunin.

Athugasemdir

[Umli (IP-tala skráð) 28.8.2010 kl. 15:35]

Ekki vissi ég að þú værir dómari Páll. Kannski hæstaréttardómari?

[Þorsteinn Úlfar Björnsson (IP-tala skráð) 28.8.2010 kl. 21:26]

Er Mogginn ekki á framfæri auðmanns, eða kannski frekar auðfrúar?

[Gunnlaugur I., 28.8.2010 kl. 21:31]

Umli.

Athugaðu að Páll Vilhjálmsson er alls ekki neinn dómari eins og þú veist auðvitað fullvel, en þú reynir samt að koma því að til þess eins að ég held að lítillækka hann eða minnka gildi þess sem hann hefur fram að færa.

Það tekst alls ekki hjá þér. 

En hann það er að segja Páll er aðeins óháður og mjög reyndur og fróður fréttaskýrandi sem kann alveg ágætlega að greina stjórnmál og íslenskan raunveruleika.

[Hákon Jóhannesson (IP-tala skráð) 29.8.2010 kl. 12:50]

Það tekur mörlandann smá tíma að átta sig á því að forhertir, einbeittir brotamenn geti verið dags daglega í jakkafötum, lakkskóm, hvítri skyrtu og bindi.

Það tekur mörlandann líka smá tíma að átta sig á því að ef hann kýs aftur fjórflokkinn, er framtíðin trygg. Ekkert mun breytast hér

[umli (IP-tala skráð) 30.8.2010 kl. 08:09]

Gunnlaugur minn. Sá sem talar óhikað um menn sem ekki hafa verið dæmdir sem glæpamenn, hann er búinn að dæma. En eitt af grundvallaratriðum réttarríksins er að menn séu saklausir þangað til sekt þeirra hefur verið sönnuð fyrir dómi. Páll Vilhjálmsson er að mínu viti lítil fréttaskýrandi, miklu fremur ofstækismaður