Vöggustofufasismi samfylkingarréttrúnaðar

Samfylkingarrétttrúnaðarkirkjan boðar vöggustofufasisma þar sem ein ásökun réttlætir þá næstu enda felst sönnunarfærslan í múgsefjun. Samfylkingarpresturinn Bjarni Karlsson þvælir saman ásökunum á látinn biskup um barnaníð við algjörlega óskylt mál sem er trúnaðarsamband prests og sóknarbarns.

Vöggustofufasismi þrífst á dómgreindarbilun manna eins og Bjarna sem þjakaðir eru af frelsunaráráttu og sjá viðbjóð og óhroða í hverju horni. Það er segin saga að þegar gaurar eins og Bjarni fá vettvang til að predika á verður heimurinn ljótari vegna þess að forsenda Bjarna er að níðingsskapur tröllríði húsum. Sektin er fyrirfram gefin.

Bjarni kynnir vöggustofufasisma undir fölskum formerkjum frjálslyndis. En það er ekkert frjálslegt við rétttrúnaðarsamfélag Bjarna. Rétttrúnaðurinn elur á hugsunarhætti nornaveiða þar sem krafan er að menn sanni sakleysi sitt en ekki að ásakendur sanni mál sitt.

„Nú þarf Geir Waage að hætta“

Athugasemdir

[Jón Aðalsteinn Jónsson, 22.8.2010 kl. 13:48]

Páll mig brestur minni en var ekki séra Geir í deilum við yfirmenn kirkjunar í k ringum 96 alla vega er grein í Alþyðublaðinu þar sem sagt er að Ragnar AÐalsteinsson sé álika leiður á Geir Waage og biskup mannstu um hvað þær deilur stóðu Her er tengi á greinina

 http://timarit.is/view_page_init.jsp?pageId=3347206

[Páll Vilhjálmsson, 22.8.2010 kl. 13:54]

Geir er ábyggilega ekki allra og þessi umræða um trúnaðarsamband presta við sóknarbörn er mér framandi enda dytti mér ekki í hug að leita til prests ef ég þyrfti að skrifta. En umræðan er sjálfsagt einhverjum hjartans mál og það er í fína lagi. Aftur er Bjarni út í himinblámanum með því að samtengja ásakanir á hendur Ólafi biskupi og umræðuna um trúnaðarsamband presta við sóknarbörn.

[Jón Aðalsteinn Jónsson, 22.8.2010 kl. 14:19]

Sammála þér mér finnst bara eins og að þessi umræða eigi í raun dýpri rætur og hef verið að reyna að rifja upp söguna en vont að finna hana

[Ragnhildur Kolka, 22.8.2010 kl. 15:14]

Báðir þumalfingur mínir snúa upp fyrir þér í dag, Páll.

Það er með ólíkindum hvernig öllu er grautað saman og það versta er að fólk sem á að hafa menntun og hæfni til að skilja og greina mál virðist engu betra en hinir.

[Guðmundur Karlsson, 22.8.2010 kl. 15:40]

Þetta er versti pistill sem ég hef séð frá þér Páll. Yfirleytt seturðu fram rök fyrir máli þínu og niðurstaðan er skýr. Ég er yfirleitt ósammála þér en það er annað mál.

Þetta mál snýst um þöggun kirkjunnar á kvörtunum eða upplýsingum sem berast prestum frá sóknarbörnum um barnaníð og nauðganir. Þetta kom upp í kringum mál Ólafs biskups. Það var ekki Bjarni sem "þvældi því saman".

Þú hinsvegar þvælir (eða grautar) þessu saman við Samfylkinguna, eitthvað sem þú kallar vöggustofufasisma, nornaveiðar, réttrúnað.. ! Um hvað ertu eiginlega að tala?

Bjarni er að segja að prestar eigi að fara að landslögum og að kirkjan sé ekki ofar lögunum. Ekkert annað. Ertu ósammála því? Það kemur nefnilega ekki fram í pistlinum þínum.

[Sigurður M Grétarsson, 22.8.2010 kl. 15:40]

Páll. Ég held að þú þurfir að lesa þessa grein aftur. Bjarni er þarna ekki að blanda þessu saman. Hann nefnir aðeins máttlaus viðbrögð þjóðkirkjunar í máli Ólafs í því samhengi að þau veki ekki hjá honum vonir um að tekið verði á þessu máli af þeirri festu, sem hann telur að þurfi að taka á þessu máli.

Hann er því aðeins að nefna mál Ólafs, sem dæmi um það hversu máttlaus kirkjan er þegar taka þarf á erfiðum málum en er ekki að blanda máli Geirs og Ólafs saman.

[Páll Vilhjálmsson, 22.8.2010 kl. 15:45]

Guðmundur og Sigurður, eftirfarandi er orðrétt í pistli Bjarna

Hér er ekki um mál að ræða sem þolir deildar meiningar. Trúverðugleiki kirkjunnar sem varnarþings mennskunnar í veröldinni er í húfi í máli sem þessu. Mig furðar að sr. Geir leyfi sér að halda þessu fram, mótmæli orðum hans alfarið og hvet biskup til þess að skerast í leikinn af fullri einurð. Máttlaus viðbrögð hans og kirkjuráðs undanfarna daga í tengslum við mál Ólafs Skúlasonar eru þó ekki til þess fallin að vekja mikla von í þeim efnum. 

Í þessari tilvitnun er Bjarni að tengja saman ásakanir á hendur Ólafi og sjónarmiðum Geirs um trúnað prests og sóknarbarns.

[Ómar Harðarson (IP-tala skráð) 22.8.2010 kl. 16:14]

Opinber embættismaður sem lýsir því yfir að hann ætli að hafa landslög að engu er að sjálfsögðu í röngu starfi og á ekki að þiggja laun frá ríkinu. Þetta er ekki skoðun heldur yfirlýsing um ætlun og hugsanlega yfirlýsing um að svona hafi hann starfað hingað til.

Mér sýnist Bjarni örvænta um að biskup taki á málum Geirs, og bendir hann á hvernig hann og kirkjuráð hafa brugðist við málum því til staðfestingar. Það ert þú, Páll, sem blandar hins vegar öllu saman og nærð að tengja Samfylkinguna við vöggustöfur, fasisma, nornaveiðar og rétttrúnað nokkurn veginn samhengislaust. Ég skil ekki hvernig þér yfirsást að nefna ekki Baug og ESB í leiðinni til að fullkomna drullumallið.

[Hörður Hinrik Arnarson (IP-tala skráð) 22.8.2010 kl. 16:27]

Guðmundur Karlsson

Hvenær setur Páll fram rök fyrir sínum málum???  Ég hef reynt að rökræða við þennan Pál hér á blogginu en án árangurs. Ég mótmæli því að Páll setji fram rök í sínum málum. Hann kastar yfirleitt einhverju fram og ef hann fær andsvör þá er þetta eitthvað skipulagt af samfylkingunni eða Baugi eða hvort tveggja. Páli líður illa og vér skulum biðjast fyrir með honum.

[Páll Vilhjálmsson, 22.8.2010 kl. 17:02]

Samfylkingin er komin í ríkisstjórn umræða hefst um berufsverbot. Fólk með rangar skoðanir á að reka úr embættum. Ómar staðfestir pólitísku víddina í málflutningi Bjarna sem er yfirlýstur Samfylkingarmaður.

Upphaflegi punkturinn í blogginu var ekki hvort einhvern ætti að reka eða ekki heldur gagnrýni á þann hugsunarhátt að samfélagið sé gegnumrotið og rétttrúnaðinn sem fylgir þeirri sannfæringu.

[Páll Vilhjálmsson, 22.8.2010 kl. 17:17]

Þakka þér tilboðið um bænastundina Hörður Hinrik. Ég er viss um að mér liði mun betur ef ég væri með fullt hús af þér og þínum líkum í tilbeiðslu.

[Siggi (IP-tala skráð) 22.8.2010 kl. 17:51]

Fann fleiri Samfylkingarmenn.. er ekki um að gera að smala þeim saman fyrst þetta er orðið svona pólitískt. Eru þá Samfylkinging þá á móti algjörri þagnskyldu og Sjálfstæðismenn með? :) bara að pæla..

http://www.pressan.is/Frettir/LesaFrett/sera-bolli-og-sera-baldur-prestar-verda-samsekir-barnanidingum-thegi-their-um-glaepi-theirra

[Sigurður M Grétarsson, 22.8.2010 kl. 19:17]

Nei Páll þarna er Bjarni ekki að líkja þessum málum saman nema að því leyti að í báðum tilfellum sé um erfið mál að ræða, sem kirkjan þurfi að taka á að festu. Mál Ólafs nernir hann til að rökstyðja þá skoðun sína að ekki sé líklegt að kirkjan geri það.

Það er engin að tala um að reka Geir fyrir skoðanir sínar. Það er verið að segja að það sé brottrekstrarsök þegar oinber embættismaður neitar að virða þau lög, sem gilda um starf hans. Í því efni skiptir engu máli þó slíkt tilfelli sé ekki komið upp. Það að lýsa því yfir að ef eitthvað tiltekið tilfelli kemur upp þá ætli hann ekki að fara að lögum og þar með bæði brjóta lög og bregðast starfsskyldum sínum. Það er eðlilegt að gera kröfu til þess að opinberir embættismenn virði þau lög, sem gilda um starf þeirra og það er einfaldlega ekki hægt að búa við það að í embætti sé maður, sem ekki er hægt að treysta til slíks. Það er allt annað en að segja að maður sé ósáttur við lögin, sem gilda um starf sitt. Það er hverjum opinbaerum starfsmanni heimilt enda er tjáningarfrelsi í landinu.

Það er munur á því að lýsa því yfir að maður sé ósáttur við lögin en virða þau samt á meðan þeim er ekki breytt og því að lýsa því yfir að maður ætli ekki að fara að lögum um starf sitt.

Og að lokum. Þó Bjarni sé í Safmylkingunni þá á Samfylkingin enga aðkomu að þessu máli og getur það að klína þessu á hana eins og þú gerir hér í fyrirsögn þinni ekki á nokkurn hátt flokkast undir málefnanlega umræðu.

[Páll Vilhjálmsson, 22.8.2010 kl. 19:38]

Sigurður M., Bjarni kaus að tengja þessi mál saman eins og þú viðurkennir. Bloggið er andmæli gegn þeirri ósvífni að gera því skóna að afstaða Geirs til trúnaðarskyldu presta sé í einhverju samhengi við málefni Ólafs heitins. Ekki er um að ræða að Ólafur sé sakaður um að hylma yfir með öðrum heldur er hann áskaður um kynferðisbrot. Eins og Bjarni leggur málið upp er Geir með afstöðu sinni á einhvern hátt ábyrgur fyrir því sem Ólafur er sakaður um.

Í ofanálag skín í gegnum orð Bjarna að stórfelld vá sé fyrir dyrum ef prestar skirrast við að bera á borð trúnaðarsamtöl þar sem kynferðisofbeldi kemur við sögu. Við hljótum að gera ráð fyrir því að prestur sem verður þess áskynja að ekki sé allt með felldu hjá sóknarbarni geri þær ráðstafanir sem þurfi til að koma í veg fyrir misgjörðir. Bjarni er ekkert að skafa af hlutunum. Hjá honum heitir það að  ,,Trúverðugleiki kirkjunínar sem varnarþings mennskunnar í veröldinni er í húfi í máli sem þessu." Samkvæmt Bjarna er felst varnarþing mennskunnar að allir hafi sömu skoðun og hann um eðli trúnaðarsambands prests og sóknarbarns. Sá sem ekki er sammála Bjarna getur ekki verið prestur.

Málflutningur Bjarna elur á móðursýki í samfélaginu.