Jón Gnarr og stjórnmálastéttin

Borgarstjóri var í sætu viðtali í sjónvarpsfréttum RÚV í gær um hirðuleysi leiksvæða. Einfeldningsleg svör um að nú ætti að funda en ekki æða af stað af vangá virkuðu trúverðug vegna ásýndar einlægni. Sumar gerðir stjórnmálamanna ná langt á yfirvarpi einlægni. En Jón Gnarr er ekki stjórnmálamaður heldur uppistandari, brandarakall.

Grínið sem verður sitjandi borgarstjóra dýrkeyptast er á kostnað stjórnmálamanna. Nái Jón tökum á því að vera stjórnmálamaður kemur hann við kvikuna á stjórnmálastéttinni. Sérhver stjórnmálamaður óttast að almenningur sannfærist um að hvaða fífl sem er getur orðið pólitíkus.

Jón Gnarr gæti staðfest hugboð almennings og stjórnmálamenn eru meðvitaðir um það, líka þeir sem leiddu brandarakarlinn til valda.

Athugasemdir

[JR (IP-tala skráð) 8.8.2010 kl. 00:16]

,,Sérhver stjórnmálamaður óttast að almenningur sannfærist um að hvaða fífl sem er getur orðið pólitíkus."

Á Íslandi er það svona , það getur því miður hvaða fífl sem orðið pólitíkus og sérstkalega geti sá sami flaggað háskólaprófi !!!!

Eftir því sem háskólagráðan er hærri þá eru þeir vitlausari !!!!