Aðeins aðlögun er í boð, annað er blekking

Á meðan umsóknin um aðild Íslands að Evrópusambandinu er ekki dregin tilbaka heldur aðlögunarferlið áfram.  Á vefsetri Evrópusambandsins er samantekt um hvernig aðlögunarviðræður ganga fyrir sig en reglurnar voru síðast endurskoðaðar árið 2007. Viðræðurnar ganga út á að skipuleggja hvernig umsóknarríki tekur upp lög og reglur Evrópusambandsins.

Hér heima hefur málflutningur aðildarsinna gengið út á að við ættum ,,kíkja í pakkann."  Öllum mál ljóst vera hvert innihaldið er. Evrópusambandið, með sínum kostum og göllum, er í boði og annað ekki. 

Undanþágur frá meginreglum Evrópusambandsins geta aðeins verið tímabundnar. Í opinberri umræðu á Íslandi hefur ekki verið sýnt fram á að hagsmunum landsins sem best þjónað með inngöngu. Þvert á móti standa rök til þess að óbætanlegur skaði munu hljótast af inngöngu.

Íslandi hefur vegna best þegar þjóðin fer með forræði sinna mála. Framsal fullveldis til meginlands Evrópu er ekki í þágu íslenskra hagsmuna.

Við eigum að draga umsóknina tilbaka. 

Formlegar viðræður að hefjast

Athugasemdir

[Helga Kristjánsdóttir, 26.7.2010 kl. 11:08]

  Væri það í mínu valdi,gerði ég það.

[Ómar Harðarson (IP-tala skráð) 26.7.2010 kl. 11:28]

Aðlögun Íslands að regluverki innra markaðarins og aðlögun ESB að íslenska fiskveiðistjórnunarkerfinu. Ég get alveg tekið undir að þetta séu aðlögunarviðræður, gagnkvæmar aðlögunarviðræður. Öðru nafni aðildarviðræður.

[Dexter Morgan, 26.7.2010 kl. 11:46]

Eina rétta í stöðunni í dag er eftirfarandi:

Utanþingstjórn sem fengi þau tvö verkefni; að afturkalla þessa svokölluðu "umskókn" í ESB, og fella "samninginn" um kaup Magma á HS orku úr gildi, og reka þá heim aftur.

Aðeins þannig geta Íslendingar haldið inn í framtíðina sáttir og stoltir, ekki sárir og svekktir.

[Garðar Valur Hallfreðsson, 26.7.2010 kl. 17:47]

Ég tek undir með síðasta ræðumanni