Glöggur Mörður

Mörður Árnason er nýorðinn þingmaður og rétt að óska honum til hamingju með það. Mörður er ekki allra og hefur aldrei verið en af fáum í Samfylkingunni hugsar hann sjálfstætt. Í pistli dagsins vekur hann hann athygli á að úrslitin í gær voru þau verstu í sögu Samfylkingarinnar.

Samfylkingin er að náttúru og upplagi 20 prósent flokkur. Það er virðingarverð staða að sem gefur færi á að vera minnihlutaaðili að meirihlutastjórn og hnikað málum sínum áfram.

Aftur verða náttúruhörmungar þegar fimmtungsflokkur reynir að þröngva sérmálum sínum upp á meirihluta þjóðarinnar.

Sum mál eru annað hvort eða. ESB-umsóknin er annað hvort eða en ekki beggja blands. Þegar Samfylkingin reynir að nauðga ESB-aðild upp á þjóðina svarar hún með því að gera flokkinn að tíu prósent flokki.

Mörður, reyndu að koma vitinu fyrir félaga þína í þingflokknum.

Athugasemdir

[Jenný Stefanía Jensdóttir, 30.5.2010 kl. 20:23]

Sammála, það á að kalla hlutina eins og þeir eru, eins og Mörður gerir.

Má ég þá segja; Spegil á þig Páll, og reyndu að koma vitinu fyrir stórsóknarfélögunum.

[Páll Vilhjálmsson, 30.5.2010 kl. 22:02]

Jenný Stef., þú verður að útskýra fyrir mér hvað þú átt við með ,,stórsóknarfélögum."

[Jenný Stefanía Jensdóttir, 30.5.2010 kl. 22:48]

Oddviti D listans í Reykjavík braust á með fagnaðarlátum og lýsti listann í stórsókn, sama gerði formaðurinn í viðtali síðar um kvöldið.

Þarf ekki að skipta um linsu í þeirra stjórnmálagleraugum?

[Elle_, 31.5.2010 kl. 00:39]

Já, skrýtið hvað fólk þreytist ekki á að klína Sjálftæðisflokknum upp á þá sem koma honum EKKERT við.  Og sama fólkið aftur og aftur. 

[Jenný Stefanía Jensdóttir, 31.5.2010 kl. 01:01]

Páll hefur staðið sig prýðilega að skamma "hrekkjusvínin",  líka í D flokknum.  Hann hefur og þann fágæta eiginleika að geta mært hina og þessa sem "koma honum ekkert við", eins og Mörð hér.

Þess vegna  bauð ég honum spegilinn.