Drengirnir ósnertanlegu

Handtaka Hreiðars Más Kaupþingsstjóra dældar hugmyndina um ósnertanlegu drengina sem voru snjallir í viðskiptum en kannski eilítið óheppnir. Almenningur vissi fyrir löngu hvað klukkan sló; útrásarauðmennirnir eru illa gerðir einstaklingar, lygnir, þjófóttir og hégómlegir.

Á hinn bóginn grefur það undan tiltrú almennings á ríkisvaldinu að einn armur þess, ríkisstjórnin, stundir viðskipti við fugla eins og Björgólf Thor og Jón Ásgeir eins og ekkert hafi í skorist. Með því að umgangast útrásarauðmenn eins og heiðvirða einstaklinga veitir ríkisstjórnin þeim aflát.  Annar armur ríkisvaldsins, ákæruvaldið, virtist fara ofurhægt í sakirnar - þangað til í gær. Og almenningi var létt.

Drengirnir ósnertanlegu ætluðu að ljúga því að okkur að þeir hafi aðeins stundað viðskipti en hvorki rænt banka innan frá  né sólundað lífeyrissjóðum í þágu fjármálafíflsku. Þangað til í gær gekk drengjunum ágætlega að spinna lygavefinn enda eiga þeir marga hjálparkokka.

 

Athugasemdir

[Karl (IP-tala skráð) 7.5.2010 kl. 10:15]

Þetta er gert til að friða lýðinn.

Fólki er svo gjörsamlega misboðið nú þegar upplýst hefur verið um spillinguna sem hér fær að þrífast, "styrkina" frá glæpalýðnum og  samtrygginguna að nauðsynlegt hefur verið talið að slá á spennuna.

Þeir stóru munu sleppa.

Þeir njóta verndar skrílsins sem nú stjórnar landinu.

Auðmennirnir keyptu bæði flokkana og stjórnmálamennina.

Siðleysið innan Samfylkingarinnar og Sjálfstæðisflokksins er skjöldurinn sem glæpamennirnir treysta á.