7,6% atvinnuleysi hér, 10 % í ESB

Atvinnuleysi á Íslandi er minna en spár gerðu ráð fyrir vegna þess að íslenska krónan tók höggið og mildaði áhrif kreppunnar á atvinnustigið. Í Evrópusambandinu er atvinnuleysi 10 prósent að meðaltali. Írar sem fengu yfir sig hrun eins og við en njóta ekki góðs af eigin mynt búa við 13 prósent atvinnuleysi, Spánverjar við tæp 20 prósent.

Ef Samfylkingin fengi að ráða væri hér evrópskt atvinnuleysi upp á annan tug prósenta. Höfum það í huga við næstu kosningar.

7,6% atvinnuleysi

Athugasemdir

[Kristinn Sigurjónsson, 21.4.2010 kl. 10:52]

Það eru tvær ástæður fyrir því að Ísland kemur vel út atvinnulega.

1 Frumatvinnuvegur íslendinga er ekki neysluvara eins og tæki og tól, sem hægt er að fresta að endurnýja eins og símtæki, sjónvarp eða bíll,  Heldur matvæli (fiskur) og ál (stærsti hluti álsins fer í matvælaiðnað, lágt orkuverð hefur hér líka áhrif), svo má bæta ferðaiðnaðnum við, en hann hefur verið að vaxa vegna vaxandi umræðu, og þekkingu á Íslandi, svo er hitabylgja í Suðurevrópu að gera ísland áhugaverðara.

2. Íslenska krónan gerir ísland ódýrt samanborið við útlönd og það eykur verslun bæði kaup útlendinga (jukust um 98% í fyrra) og afkomu sjávarútvegs, ásamt öðrum útflytningsfyrirtækjum

[Andrés Magnússon, 21.4.2010 kl. 11:45]

Er atvinnuleysið á Íslandi aðeins 7,6%? Ekki gleyma því að í opinbera geiranum hafa engar uppsagnir orðið, þar er atvinnustiginu haldið uppi með handafli. Atvinnuleysið í þessu harðæri hefur allt orðið í einkageiranum, sem þarf bæði að bera eigið vinnuafl og hið opinbera. Eitt helsta afrek nýfrjálshyggjunnar hræðilegu var að þoka opinberum starfsmönnum upp í þriðjung vinnufærra manna á Íslandi, þannig að öllu jöfnu væri atvinnuleysið á Íslandi a.m.k. á pari við það sem gerist í ESB.

En í landi hinnar norræn velferðarstjórnar eru sumir jafnari en aðrir, þannig að þriðjungur vinnuaflsins þarf ekkert atvinnuleysi að þola, en afgangurinn má þola liðlega 11% atvinnuleysi. Það er síðan athyglisvert að atvinnuþátttaka kvenna er mjög misjöfn þegar horft er til einkageirans og hins opinbera, sem skýrir hvers vegna atvinnuleysið er svo kynjaskipt.

[Jón Frímann (IP-tala skráð) 21.4.2010 kl. 11:48]

Þessi rök voru einnig notuð á árinum 1989 til ársins 1993 þegar íslendingar sömdu um að ganga í EES.

""Þeir [forkólfar stéttarfélaganna] virðast loka augunum fyrir því að við erum að gerast aðilar að efnahagssvæði þar sem fast atvinnuleysi er um 10%.  Með svipuðu lögmáli og vatnið rennur undan brekkunni hlýtur atvinnuleysi hér að aukast til stórra muna."
(Páll Pétursson, umræður á alþingi 25.08.92)"

Tekið héðan.

Það er skemmst frá því þegar þetta rættist ekki og reyndist vera tóm þvæla frá upphafi til enda. Núna á að endurtaka leikinn og vona að fólk komi ekki auga á blekkinguna. Íslendingar eru búnir að vera með atvinnulög ESB síðan 1994, með síðari breytingum og það hefur ekkert með atvinnustigið hérna á landi að gera.

Það þarf ekkert að ræða þessa steypu í Páli neitt frekar.

[Kristinn Sigurjónsson, 21.4.2010 kl. 12:00]

Atvinnuleysi í einkageiranum er fyrst og fremst í bygginga og verktakageiranum.  Það vitlausasta sem hægt væri að gera í dag væri að halda áfram að byggja íbúðar- og atvinnuhúsnæði.  Það eina sem hægt er að gera í því er að klára þær framkvæmdir sem búið er að hanna og ganga frá og bara eftir að setja í gang.  Hér er ég að tala um Helguvík og gagnaverið og tilheyrandi orkufyrirtækjum.  Til að fara í gang með þetta þarf tvennt

1. ganga frá Icesave svo lánsfé komi til landsins (það myndi líka styrkja krónuna)

2. sting einhverri dúsu upp í Svanhvíti eða hrókera henni út.

[Guðmundur 2. Gunnarsson (IP-tala skráð) 21.4.2010 kl. 13:01]

Jón Frímann.  Þú ert himnasending fyrir okkur sem berjumst gegn hugmyndaheimi Adolfs Hitlers og Nazista.  Okkur tækist ekki að búa til annað eins fyrirbæri og þú ert til að fæla frá þessari hörmungar stefnu.  Endilega haltu uppi þínu góða starfi.

Ef Evrópusambandið væri fylki í Bandaríkjunum yrði það í 3 - 4  sæti að neðan sem aumast þeirra og mikill munur á þeim sem eru á hinum enda skallans.  Það segir allt sem segja þarf um hverslags mistök fyrirbærið er og feigðarflanið að taka þátt í vitleysunni. Ísland er langt yfir meðlafkomu ESB ríkja, og stefnan yrði lóðrétt niður hvað fátækt varðar.  Eitt af því sem við getum orðið örugg um að gerðist ef heimskan fær að ráða ríkjum.

[Stefán Júlíusson (IP-tala skráð) 21.4.2010 kl. 13:42]

Það eru þá frábærar fréttir að atvinnuleysi á Íslandi er bara 7,6%. 

Atvinnuleysi hefur aukist á Íslandi miklu meira en í öðrum ríkjum. 

Hvað var atvinnuleysi í þessum ríkjum ESB fyrir október 2008?

Ég skil ekki hvernig hægt sé að réttlæta atvinnuleysi með því að bera það saman við önnur ríki.

Haldið því áfram.  Þetta eru góðar umræður á mjög góður stigi.

[Karl (IP-tala skráð) 21.4.2010 kl. 15:05]

Atvinnuleysi á Íslandi er sumpart falið.

Birtist m.a. í mikilli fjölgun öryrkja hér á landi á síðustu árum.

Víða erlendis væri umtalsverður hluti þeirra á skrá atvinnulausra

Hún er svo mikil að athygli hefur vakið.  

Raunverulegt atvinnuleysi er sennilega 10 - 12%.

[Óskar Þorkelsson, 21.4.2010 kl. 15:06]

er tekið inn í dæmið þeir 5000 íslenskir ríkisborgara á vinnualdri sem hafa flýið land sl 18 mánuði ?  Hver væri staðan ef þeir væru enn í landinu ?

[Jenný Stefanía Jensdóttir, 21.4.2010 kl. 15:21]

Sæll Páll

Mér finnst vafasamt í besta falli að bera saman atvinnuleysistölur, milli efnahagssvæða án þess að skoða atvinnuþróun s.l. 10 ára amk.

Hagfræðin fjallar um "náttúrulegt" atvinnuleysi, sem metin er 3%.  Þetta er hópur sem á hverjum tíma er á milli starfa, eða líður bærilega á atvinnuleysisbótum.

Á uppgangstímum, var atvinnuleysi á Íslandi með öfugum formerkjum, m.ö.o. það var blússandi eftirspurn eftir vinnuafli, og á skömmum tíma var flutt inn vinnuafl aðallega frá austur Evrópu.  

Sjálfri fannst mér það táknrænt, þegar ég spurði starfsmann í mjólkurkæli Nettó, hvort ekki væri til Engjaþykkni? "ég ekki skilja íslensku" var það eina sem þessi starfsmaður gat stunið upp á okkar ástkæra.

Að fara úr mínus atvinnuleysi í 8-10% er hrikalegt áfall.

Hér í Kanada hefur lágmarksatvinnuleysi mælst rúmlega 6%, en er nú u.þ.b. 10%.  Það ríkir engin kreppa hér lengur, enda var henni blásið af í júlí 2008.

[Gunnar Rögnvaldsson, 21.4.2010 kl. 15:59]

. 

Já nú geta Íslendingar upplifað hvernig það er að vera í Evrópusambandinu.

Svona hefur þetta verið hér í ESB síðastliðin 30 ár, meira og sjaldnast minna. Svona er að vera í ESB. Akkúrat svona.

How does it feel? Happy?

Gleymið heldur ekki hinu stóra leynda atvinnuleysi í öllum löndum ESB. Í raun er það miklu hærra. Svona lönd verða fátæktinni að bráð. Engin lönd þola svona massíft atvinnuleysi til langframa án þess að fara í hundana - eins og gerst hefur með ESB. Það er komið í hundana nú þegar. 

Nú er evrusvæðið þess utan að verða tímasprengja fyrir efnahag heimsins samkvæmt seinustu skýrslu IMF (bedrock for sovereign blowups).

Evrusvæðið er að verða nýtt Kreditanstalt 1931 bankruptcy. 

Næsti ESB-liður á dagskrá: RÍKISGJALDÞROT EVRULANDA. SAMEIGINLEGT HARAKIRI.

[Sigurður Þorsteinsson, 21.4.2010 kl. 16:33]

Við þurfum þá bara að skella okkur í ESB, þá getum  við fengið 10% atvinnuleysi. Annars var Ingibjörg Sólrún að kvarta yfir því að fylgið við inngöngu í ESB, væri svo rokgjarnt. Það væri næstum gufað upp

[Ómar Bjarki Kristjánsson, 21.4.2010 kl. 17:09]

Andstæðingar þess að ísland geriðs aðili að esb tala og hegða sér eins og albjálfar, og gott dæmi um það er atvinnuleysisumræðan þar að lútandi.

Vottar ekki fyrir viti eða nokkuri þekkingu.  Vottar eigi fyrir slíku. Vit og/eða þekking í núlli.

[itg (IP-tala skráð) 21.4.2010 kl. 17:40]

Hvort sem fólk er fylgjandi aðild eða ekki er staðreyndin sú að falið atvinnuleysi er hlutfallslega svipað í öllum löndum Evrópu.  Allir ríkisstjórnir Evrópu hafa gert ráðstafanir til að falsa tölur fyrir allar kosningar. 

[Óskar Þorkelsson, 22.4.2010 kl. 08:25]

Gunnar komdu með tölur og staðreyndir um leyndarmálið mikla, þessar skuggaverur sem enginn vill kannast við í ESB... Tek undir með ómari hér að ofan, hér bulla menn svo það flæðir út um eyrun á þeim.. og þeir taka ekkert eftir því sjálfir.