Baugsmaður formennskukandídat Sjálfstæðisflokksins

Hrunverjadeild Sjálfstæðisflokksins krefst afsagnar Bjarna Benediktssonar formanns og styður Þorstein Pálsson til formennsku í flokknum. Þorsteinn var ritstjóri Baugsmiðla og lagði nafn sitt og orðspor undir þegar hann sagði Jón Ásgeir minnihlutaeiganda Fréttablaðsins og að hann hefði áhrif eftir því.

Hrunverjadeild Sjálfstæðisflokksins hefur hreiðrað um sig hjá leifunum af Baugsveldinu. Í þessum hópi eru Ari Edwald forstjóri Baugsmiðla og Ólafur Stephensen ritstjóri Fréttablaðsins. Aðrir í deildinni eru Þór Sigfússon glæpsamlega snjall forstjóri Sjóvá, Sveinn Andri Sveinsson lögmaður glæpamanna og Guðlaugur Þór Þórðarson þingmaður sem hafði milligöngu um mútufé til Sjálfstæðisflokksins frá útrásarauðmönnum.

Sveinn Andri krefst fyrir hönd hrunverja afsagnar Bjarna Benediktssonar. Jafnframt að Illugi Gunnarsson þingmaður, sem er hægri hönd Bjarna, víki vegna stjórnarsetu í Sjóði 9 hjá Glitni.

Baugslýðveldið er í burðarliðnum.

Athugasemdir

[Baldur Hermannsson, 14.4.2010 kl. 17:29]

Illt er að heyra. Hvaðan í fjáranum koma þér þessi ógnartíðindi?

[Árni Gunnarsson, 14.4.2010 kl. 18:39]

Líklega verður það næsta áhyggjuefni þjóðarinnar hver fær að stjórna þessari félagsmálastofnun íslenskra óargadýra í endurhæfingarþjálfun.

En ég sting upp á Baldri vini mínum Hermannssyni í djobbið. Hann er mátulega alvörugefinn til að umgangast þetta undarlega fólk.

Reyndar kemur Þór Sigfússon þarna sterkur inn svona upp á siðgæðið.

[Karl (IP-tala skráð) 14.4.2010 kl. 18:40]

Menn ættu nú að taka þessu rólega.

Sveini Andra var hafnað í sjálfstæðisflokknum enda einstaklega illa liðinni af öllum þeim sem þurft hafa að eiga við hann samskipti.

Álit hans skiptir engu máli.

[Finnur Bárðarson, 14.4.2010 kl. 18:45]

Er einhver panik í gangi, gaman ef svo er :)

[Hjörtur J. Guðmundsson, 14.4.2010 kl. 18:47]

80% kjósenda Sjálfstæðisflokksins myndu hafna inngöngu í Evrópusambandið ef kosið væri nú skv. síðustu skoðanakönnun. Flest bendir til þess að andstaða við inngöngu sé jafnvel enn meiri á meðal flokksbundinna sjálfstæðismanna en óflokksfundinna kjósenda flokksins. Það er móðir allra óskhyggju ef Sveinn Andri gerir sér vonir um að sjálfstæðismenn samþykktu harðan Evrópusambandssinna eins og Þorstein Pálsson sem formann sem auk þess hefur þegar fengið sitt tækifæri í formannsstólnum.

[Baldur Hermannsson, 14.4.2010 kl. 19:06]

Nú er þetta runnið undan rifjum Sveins Andra - þá held ég ró minni. Annars hef ég alltaf verið þeirrar skoðunar að skipta verði út helmingnum af þingliði Sjálfstæðisflokksins. Það þarf reyndar að ryðja burt mörgum úr Vinstri grænum og helst allri Samfylkingunni.