Finnur skilur glæpamenn

Finnur Sveinbjörnsson bankastjóri Arion banka mylur undir útrásarauðmennina sem rændu banka innan frá á útrásarárunum. Fréttir um að Finnur sé grunaður maður vegna starfa sinna sem forstjóri Icebank renna stoðum undir þá kenningu að hann skilji glæpamenn og sé næmur á þarfir þeirra.

Finnur er bankastjóri í skjóli ríkisstjórnar Jóhönnu Sigurðardóttur. Ríkisstjórnin hvorttveggja í senn leyfir grunuðum mönnum eins og Finni að þjóna sínu eðli og jafnframt að  Arion banka leyfist að starfa hér á landi án þess að upplýst sé hverjir eigendur hans séu.

Ríkisstjórnin heykist á því að setja lög um gagnsæi fjármálastarfsemi og lætur menn eins og Finn Sveinbjörnsson stýra banka. 

Það eru fleiri en Finnur sem skilja glæpamenn og þarfir þeirra.

Athugasemdir

[Baldur Hermannsson, 14.4.2010 kl. 14:20]

Ég vona satt að segja að Finnur reynist ekki sekur um einhverja glæpi því þetta er gæðalegur maður að sjá. Voru ekki stóru mistökin að gefa bönkunum og skilanefndunum lausan tauminn svona fljótt? Finnur starfar skiljanlega fyrir þá sem greiða launin hans - það hygg ég að flestir geri. Hann starfar því fyrir hina nýju, óþekktu eigendur bankans en ekki íslensku þjóðina.