Pólitískar hreinsanir eftir hrunskýrslu

Stjórnmálin bera ekki aðalábyrgð á hruninu, það gera útrásarauðmennirnir. Endurreisn stjórnmálanna er á hinn bóginn nauðsyn eftir hrunskýrsluna. Það verður á vettvangi stjórnmálanna með lagabreytingum, nýjum vinnubrögðum og ekki síst nýju siðferði sem endurreisn þjóðlífsins fer fram.

Til að stjórnmálin geti staðið undir verkefninu sem bíður verða að fara fram pólitískar hreinsanir. Tveir áfangar eru á nauðsynlegum hreinsunum. Í fyrsta lagi eiga starfandi stjórnmálamenn  að axla ábyrgð með afsögn. Í þessum hópi eru til dæmis Björgvin G. Sigurðsson þingflokksformaður Samfylkingar og Þorgerður Katrín Gunnarsdóttir varaformaður Sjálfstæðisflokksins.

Í öðru lagi þarf að efna til alþingiskosninga hér á landi ekki síðar en næsta haust. Fyrir kosningar er raðað á lista framboða og þar verður endurnýjun. Við kosningar verður til stjórnmálaumræða sem þjóðin þarf á að halda eftir að hafa metið hrunskýrsluna.

Athugasemdir

[Erlingur Alfreð Jónsson, 12.4.2010 kl. 13:22]

Sæll Páll,

Að mínu mati bera stjórnmálin ekki minni ábyrgð en útrásarauðmennirnir. Það kom berlega í ljós í framsögu rannsóknarnefndarinnar um vanrækslu stjórnmálamannana sem spiluðu aðalhlutverkið, bæði þáverandi og fyrrverandi. að öðruleyti er ég sammála þér í pistli þínum.

[Sigmundur H Friðþjófsson, 12.4.2010 kl. 15:02]

Sæll Páll                                                                                                                   Mér fynnst oft eins og Íslenskir fjölmiðlar gleymist oft í þessari umræðu.Þegar Danskir og Enskir bankamenn ásamt nokkrum Íslendingum komu með gagnrýni á Íslenska útrás var því öllu snúið upp í öfund og vanþekkingu af Íslenskum fjölmiðlum.Eftir að Íslenskir bankamenn höfðu svarað gagnrýni var aldrey leitað andsvara hjá þeim sem hófu máls á því sem var að gerast.Ég eins og eitthverjir fleiri undraðist þessi illkvitni Dana og Breta í okkar garð.Ég held að það sé ekki síður nauðsinlegt að gera gagngerar breitingar á fjölmiðlum engu síður enn í stjórnmálum og bankakerfi landsins.Næsta skýrsla þyrfti að vera um hvernig nýju bankarnir í skjóli þessarar ríkisstjórnar hafa ráðstafað eignum og hvernig þeir velja þá menn sem fá að halda fyrirtækjum sem þeir hafa keyrt í þrot   SigmundurF