Ný ríkisstjórn er forsenda Icesave-samninga

Ríkisstjórn Jóhönnu Sig. getur ekki í þriðja sinn beðið um samninga við Breta og Hollendinga og ætlast til að vera tekin alvarlega. Ísland þarf pólitíska fórn til að fá gömlu nýlenduveldin að samningaborðinu. Alþjóðlega viðurkennd fórn er stjórnarkreppa.

Eini maðurinn sem talar skýrt og skorinort um nauðsyn þess að ríkisstjórnin fari frá er Sigmundur Davíð, formaður Framsóknarflokksins.

Að frátaldri elsku á ráðherrastólum er það skortur á valkostum sem heldur lífi í stjórninni. Sigmundur Davíð og Bjarni Ben. eiga að sameinast um að bjóða Vinstri grænum stuðning til starfsstjórnar undir forsæti Ögmundar Jónassonar. Steingrímur J. verður að víkja vegna Icesave.

Engir Icesave-fundir ráðgerðir

Athugasemdir

[Árni Gunnarsson, 6.4.2010 kl. 14:59]

Í þessu er ógnvænlegur sannleikur fyrir marga þá pólitísku geldinga þjóðarinnar sem hafa tekið við völdum umfram verðleika.

[Elle_, 7.4.2010 kl. 08:08]

Ég get tekið undir pistilinn hvað varðar ríkisstjórnina, Páll, en við viljum ekki og þurfum ekki neina Icesave-nauðungarsamninga fyrir skuld sem við skuldum ekki.