Mótsögnin í ESB-umsókninni; aðild á undanþágum

Sannfæringin verður æ máttlausari fyrir umsókn Íslands um aðild að Evrópusambandinu. Aðildarsinnar eins og Össur Skarphéðinsson utanríkisráðherra viðurkenna óheyrilegan kostnað við umsókn; að Ísland muni greiða meira til ESB en það fær tilbaka; fiskveiðar munu ekki verða stundaðar á Íslandi nema með leyfi ESB og svo framvegis.

Málsbætur Össurar og aðildarsinna er að Ísland muni fá stórglæsilegar undanþágur frá reglum Evrópusambandsins.

Aðildarsinnar vilja aðild á undanþágum. Vinstri stjórnin á Íslandi er eina ríkisstjórnin sem hefur reynt að reka áróður fyrir aðild þjóðar sinnar að ESB upp á þau býti að afbragðsgóðar undanþágur fáist frá reglum sambandsins sem ætlunin er að ganga til liðs við.

Einboðin niðurstaða blasir við: Okkur hlýtur að vera betur borgið utan sambands sem við ætlum ekki í nema með afslætti frá meginreglum sambandsins.

Kostnaður við landbúnaðarkerfið mun aukast

Athugasemdir

[Stefán Júlíusson (IP-tala skráð) 15.3.2010 kl. 17:14]

Framtíð Íslands er í ESB. 

Ísland er í EES.  Það er bara meirihluta þjóðarinnar ekki ljóst hvaða möguleikgar eru í boði vegna EES.  Ef við værum ekki í EES, þá væri ekkert Schengen og ekki svona auðvelt að fara í nám eða starfa erlendis.  Eða þá að eiga viðskipti við aðrar þjóðir á EES svæðinu.

Það er ekki hægt að komast að niðurstöðu nema að sótt sé um og eftir aðildarviðræður.  Það er auðvitað mikilvægt fyrir stjórnvöld að standa hörð á sínu. 

Það að ræða fyrirfram um niðustöðuna finnst mér sína minnimáttarkennd gagnvart hinum samningsaðilanum.  Það má líkja þessu við það að ef ég sé sæta stelpu og langar að kynnast henni.  En ég ákveð að gera það ekki því ég veit að hún vill mig ekki.  En ég komst aldrei að því hvað hún vildi;)

[Páll Vilhjálmsson, 15.3.2010 kl. 17:20]

Ef við botnum þessa samlíkingu, Stefán, þá myndir þú byrja á að segja við stúlkuna að þú vildir hana en þó aðeins ef hún breytti sér í veigamiklum atriðum. Skynug stúlka vísaði slíkum vonbiðli á bug.

[The Critic, 15.3.2010 kl. 18:21]

Páll þú sérð allt sem tengist ESB með neikvæðum augum og ert mjög þröngsýnn í öllu sem tengist ESB. Merkilegt hvað íslendingar halda alltaf að þeir séu bestir.  Ísland er núll og nix sem hefur ekkert að segja fyrir alþjóðasamfélagið, við erum lítið sandkorn í eyðimörkinni. Við ættum að vera fegin að ESB er að sína okkur einhvern áhuga um aðildarviðræður.

[Hreinn Sigurðsson, 15.3.2010 kl. 19:03]

Sæll Páll.  Ég fæ aldrei nóg af að spyrja hvað vilja menn í ESB ef menn vilja ekki ESB.  Það er fásinna að reyna að telja fólki trú um að við fáum eitthvað annað en ESB með því að ganga það inn  Þetta fólk sem trúir að við breytum ESB er illa áttavillt.

[Sigurður Þorsteinsson, 15.3.2010 kl. 19:33]

The Critic er sýnilega í sauðskinskóm út í haga.

[Ingibjörg Guðrún Magnúsdóttir, 15.3.2010 kl. 21:02]

Algjörlega sammála þér Páll, og það sem Hreinn talar um er akkúrat það sem ég verð vör við líka fólk fær hiksta liggur við ef maður spyr hvað það sé sem sé svo gott við að fara í ESB. Mikið má vera lítil sjálfsvirðing hjá þeim sem finnst þetta um sig og land sitt eins og þessum Critic finnst ef Íslendingur er.

[Hörður Hinrik Arnarson (IP-tala skráð) 15.3.2010 kl. 22:01]

Sæll Páll.

Talið er að heildarkostnaður við umsóknina verði á bilinu 1.7. - 2.5 miljarðar. Þar af getum við vænst að fá styrk fyrir ca. 15% prósent af kostnaðinum. Á hverjum degi frá 1. mars 2008 hefur höfuðstóll íslenskra húsnæðislána  hækkað um ca. 70 milljónir á dag eða 430 milljarðar á liðnum tveimur árum. Það tekur aðeins 30 daga fyrir íslenska húsnæðislánþega að borga kostnað viðræðanna. Það er þess virði fyrir neytendur þessa lands að eyða þessum peningum í viðræður ef útkoman verður að börn okkar geti tekið húsnæðislán sem hafa seðalbanka ESB sem bakland.

Það er engin mótsögn í því að vilja fara í aðildarviðræður og reyna að verja sérhagsmuni sem eru jafn mikilvægir okkar litlu þjóð sem sjávarútvegurinn er okkur vissulega. Vanþekking þín á megin reglum og hugmyndafræði ESB gerir þín reglulegu skrif hlálegar. Frasar þínir um stórveldisdrauma Þýskalands eða Frakklands og markmið um yfirráð þeirra yfir álfunni er ekki þess virði að reyna að svara. Hins vegar eru þessar frasar gripnir á lofti af illa lesnu fólki eða þeim sem hafa sérlega hagsmuni af því að Ísland gangi ekki í sambandið. Þar hefur þú fundið þér bandamann í útgerðarelítunni og þeim valdastéttum sem verða fyrir búsifjum þegar fullkomnari neytendamarkaður verður til.

Þriðja Ríkið hefði aldrei orðið til ef ekki hefði verið sameiginlegur vilji þeirra sem stóðu lengst til vinstri og hægri í þýskum stjórnmálum um að lýðræðið væri aðeins til að flækja málin!  Á þann hátt hjálpuðu Kommúnistar við valdatöku Hitlers. Hér heima sýnist mér jaðarinn bæði til hægri og vinstri vera á góðri leið með að eyðileggja framtíð þessa lands. Amen

[The Critic, 16.3.2010 kl. 17:33]

Þið ættuð öll að horfa á þetta video, það skýrir út hvað ESB er 

http://www.youtube.com/watch?v=uE2R6YgP5oo&feature=related