Sama fólkið styður Icesave og ESB-aðild

Samfylkingin eins og hún leggur sig styður Icesave-frumvarpið sem þjóðin ætlar að fella á morgun í þjóðaratkvæðagreiðslu. Hrunverjaklíkan í kringum Baugsmiðla styður einnig Icesave-frumvarpið. Ólafur Stephensen ritstjóri Fréttablaðsins tekur til máls fyrir hrunverja í leiðara í dag.

AMX-vefurinn gerir málflutningi Ólafs góð skil. Ólafur hefur stutt Icesave-gjörninginn alla leið, frá upphaflegum samningi Svavars Gestssonar í sumar. Stuðningsmannalið óbilgjarnra krafna Breta og Hollendinga vill sjá þjóðina á hnjánum.

Samfylkingin og hrunverjar telja að þjóð á hnjánum sé líkleg til að samþykkja ESB-aðild. Tilgangurinn helgar meðalið.

Athugasemdir

[sandkassi (IP-tala skráð) 5.3.2010 kl. 14:28]

Í grein frá 18. janúar 2010 segir Sigurður Líndal Lagaprófessor emeritus; 

"Ef hins vegar þrátefli verður milli forseta og Alþingis, þannig að Alþingi samþykki þegar í stað lög, sem forseti hefði synjað lítið breytt og þrátefli yrði, vakna spurningar um hvernig eigi að hemja Alþingi. Það yrði bezt gerð með því að koma á fót stjórnlagadómstól. Annars eru ekki önnur úrræði en kjósendur taki í taumana."

Nú er mér spurn, er það virkilega svo að Steingrímur hafi hugsað sér að gera nýja samninga, lítið breytta og keyra þá í gegn, án þjóðaratkvæðagreiðslu?

[Ragnar Gunnlaugsson, 5.3.2010 kl. 15:30]

Mér finnst afar gott að Ólafur ritstýri ekki Mogganum lengur,okkar skoðanir fara mjög illa saman. Var að því kominn að segja áratuga áskrift upp meðan hann var ritstjóri.

[sandkassi (IP-tala skráð) 5.3.2010 kl. 15:36]

Tek undir það, það var gott mál að losna við manninn af mogganum

[Guðmundur 2. Gunnarsson (IP-tala skráð) 6.3.2010 kl. 12:24]

Það hefur ekki farið leynt að Icesave fólkið eru jafnframt ESB fíklar.