Fjármálaeftirlit eða Seðlabanki, feigur og ófeigur

Ríkisstjórnin og eftirlitsstofnanir voru milli steins og sleggju í aðdraganda hrunsins. Bankarnir voru orðnir alltof stórir til að hægt væri að bjarga þeim, enda reknir af mönnum sem lítt  kunnu til verka og áhættusæknir úr hófi fram. Enginn þorði að segja upphátt það sem margur óttaðist og sumir gerðust meðvirkari en nauðsyn var og fegruðu ljóta ásýnd íslensku bankanna.

Fjármálaeftirlitið heyrði undir Björgvin G. Sigurðsson viðskiptaráðherra og núverandi þingmann Samfylkingar. Í Seðlabankanum sat Davíð Oddsson.

Umræðan um ábyrgð og sekt í aðdraganda hrunins er með mörgum blæbrigðum.

 

 

Talaði ekki um Seðlabankann

Athugasemdir

[Sigurður (IP-tala skráð) 1.2.2010 kl. 19:36]

mbl.is telur þörf á að þetta komi fram......mmmmm, hver var í seðlabankanum á þessum tíma ?

[Ómar Harðarson (IP-tala skráð) 1.2.2010 kl. 19:37]

Í frægu minnisblaði sem Davíð Oddsson á að hafa lesið fyrir ríkisstjórnina snemma árs 2008 kemur fram að för hans var farin ekki síst til að sýna fram á hve Landsbankinn stæði vel - annað en Kaupþing og Glitnir sem væru reknir af stráklingum -  og telja bankamönnum erlendis trú um að allt væri í gúddí hvað Icesave reikningana snerti. Minnisblaðið styður því ummæli Hollendingsins. Hefðu Hollendingar spurt Seðlabankann hefðu þeir því fengið sömu svör og þeir fengu þegar FME var spurt.

Hitt er svo auðvitað annað mál að Björgvin átti að segja af sér um leið og hann sá hversu mjög undirstofnanir hans og Seðlabankinn gengu framhjá honum. Hann gerði það ekki og á enn eftir að taka út afleiðingar af því.

[Karl (IP-tala skráð) 1.2.2010 kl. 20:44]

Sagan á eftir að dæma báða þessa menn, Davíð og Björgvin, hart.

Furðulegt og til skammar að Björgvin skuli enn sitja á þingi sem kjörinn fulltrúi almennings á íslandi.

[Hans (IP-tala skráð) 1.2.2010 kl. 21:24]

Karl,

  Líklega hefurðu bara veirð að drulla út um kjaftinn á þér með síðustu ummælum, en ef svo var ekki:

  Björgvin ber að sjálfsögðu mikla ábyrgð, en hvað með fyrri viðskiptaráðherra, sem meira og minna voru við stjórnvölinn þegar allt þetti kerfi var að mótast. Þetta er svo neyðarlega heimskt af Mogganum að reyna að minnast sérstaklega á Seðlabankann. Sýnir bara að Seðlbankinn er sekari en andskotinn í þessu máli, sbr. ritstjórnarstefnu blaðsins.

  Ótrúlegt hvað Valgerður sleppur vel, og þannig séð Framsóknarflokkurinn, miðað við að þeir voru með viðskiptaráðuneytið frá 1995-2007. Þetta er svona svipað og að byggingafulltrúi bæjar, sem hefði verið ráðin 2007, væri hengdur fyrir hrun húsa, sem hefðu verið byggð af vanefndum, á árunum þar á undan.

  Það er hlutarins eðli að þeir sem taka við, verða að treysta að stórum hluta að fyrirrennarar þeirra hafi ekki verið vanhæfir. 

[Sigurður Jónsson (IP-tala skráð) 1.2.2010 kl. 22:44]

Það eru víst bananar í lýðveldinu Ísland, eins og þar sagði. Morgunblaðið, málgagn fyrrverandi seðlabankastjóra Íslands, slær því upp sem frétt að fyrrverandi seðlabankastjóri Hollands hafi ekki nefnt Seðlabanka Íslands á nafn í yfirheyrslum sínum. Hvers vegna er því slegið upp sem maðurinn ekki sagði ... hefur ritstjórinn slæma samvisku, eða er hann að hafa lesendur sína að fíflum. Spyr sá sem ekki veit.

[Hans (IP-tala skráð) 1.2.2010 kl. 23:44]

Sigurður,

  Ha ha, 

      Hann minntist á Seðlabankann!!! Alvega hreint með ólíkindum hvað Davíð Oddsson tekst að fífla þessa þjóð, ja vonandi ekki lengur, og vonandi tekst honum ekki að eyðileggja hinn ágæta fjölmiðil Morgunblaðið!

[Valsól (IP-tala skráð) 2.2.2010 kl. 00:02]

Í hollensku fréttinni er talað annars vegar um De IJslandse centrale bank, sem þýðir Seðlabanki og hinns vegar um Landsbanki. Svo það fer ekkert á milli mála að mogginn er að ljúga og verja Davíð.

[Auðun Gíslason, 2.2.2010 kl. 00:19]

Sagan endurskrifuð á ritstjórn Moggans!  Satt verður logið, og logið satt!  Oh ég sem hélt að sögufalsanir heyrðu sögunni til, haha!  Ekki Mogganum og Hannesi!

[De Groog (IP-tala skráð) 2.2.2010 kl. 04:39]

Í tólf ár samfleytt stýrðu framsóknarmenn viðskipta- og bankamálaráðuneyti. Á þeim tíma urðu allir Icesave og Kauthing Edge reikningar til og bankarnir voru einkavinavæddir. Björgvin G.Sig. átti ekki þátt í að móta það gjörspillta kerfi, sem við súpum nú seyðið af. Rétt skal vera rétt.