Vextir niður, krónan styrkist þrátt fyrir Icesave

Jóhanna Sig. og Steingrímur J. sögðu engar líkur á lækkun vaxta og hvað þá sterkari krónu nema við samþykktum drápsklyfjar Icesave-samningsins. Í gær lækkuðu vextir og í dag styrktist krónan.

Yfirlýsingar og hótanir stjórnarinnar um að landið verði ekki byggilegt nema fallist verði á kröfur Breta og Hollendinga eru dæmi um pólitíska taugaveiklun sem bítur helst þá er gefa sig móðursýkinni á vald.

Jóhanna Sig. og Steingrímur J. biluðu þegar á reyndi. Í stað þess að leggjast á árarnar með þjóðinni tóku þau að sér að vinna fylgi við málstað gömlu nýlenduþjóðanna. 

Gengi krónunnar styrktist um 0,5%

Athugasemdir

[Ægir Óskar Hallgrímsson, 28.1.2010 kl. 18:00]

Krónan ætti að öllu jafna að styrkjast ef Icesave yrði fellt í þjóðaratkvæðagreiðslu..en veikjast ef það yrði samþykkt..vegna þess að þá myndi falla meiri gjöld á ríkið!

[Magnús Helgi Björgvinsson, 28.1.2010 kl. 20:50]

Furðulegar staðhæfingar! Til að byrja með hefur ekkert verið ákveðið með Icesave! Og því hafa viðsemjendur ekki beitt sé gegn okkur. Og því furðulegt að draga einhverjar áliktanir af þessu þar sem að Hollendingar og Bretar hafa sagt að þeir bíði eftir þjóðaratkvæðagreiðslunni. Og ég get ábyrgst næstum því að það verður búið að ganga frá þessu áður því stjórnarandstaðan vill ekki að þetta mál komist í þann farveg að enginn þori að semja við okkur því að allir samnigar eigi það á hættu að falla úr gildi eftir nokkra mánuði þegar að þjóðin hefur verið mönuð upp í að fella þá.

Gengið hefur nú veirð á þessu róli síðasta ár þannig þar er engin breyting.

[Guðmundur 2. Gunnarsson (IP-tala skráð) 28.1.2010 kl. 22:14]

Magnús.  Það var nógu mikið orgað af stjórnarliðum að allt færi til fjandans, og það allt frá upphafi áður en glæsilegi Icesave 1 samningurinn var samþykktur.  Ef þingheimur myndi ekki samþykkja Icesave strax yrðu allskonar hefndarárásir frá "alþjóðasamfélaginu" dælt yfir þjóðina vondu.  Svo lá á að stjórnarþingmennirnir töldu sig ekki einu sinn þurfa að lesa glæsilega Svavarssamninginn fyrir undirritun og stjórnvöld áttu ekki orð yfir frekju stjórnarandstöðunnar að krefjast þess, og ætluðu ekki að láta hana komast upp með slíka frekju.  Og hvað þá að vilja ræða málið á þingi yfirleitt.  Svo þýðingarmikið var það fyrir land og þjóð að klára málið strax.  Sem betur fer var samningnum lekið til RÚV og InDefence. Ca. 10 sinnum voru ákveðnar dagsetningar sérmerktar dómsdegi. Og svo styrkist krónan eftir allt saman og vextir lækka, stjórnarliðum sem gæta hagsmunum Breta og Hollendinga til mikillar gremju.  Eins og þegar Eva Joly og allir erlendu sérfræðingarnir og blaðamenn stórblaða taka upp málstað þjóðarinnar opinberlega.  Það eru svartir dagar í lífi stjórnvalda og þeirra sem leika með vitlausu liði. 

Af hverju ættu allir ekki að vera tilbúnir að semja við okkur?  Við höfum alltað staðið við okkar samninga, og sama á við um Icesave.  Það sem Bretar og Hollendingar eru að reyna að gera er að láta þjóðina borga ólögvarða falsreikning.  Eitthvað sem allra þjóða lagaspekingar heimta að verði afgreitt fyrir dómstólum, ef Bretar og Hollendingar sjá ekki að sér og virði alþjóðalög í málinu.  Þeir hafa ekki ennþá lagt fram nein gögn sem sýna og sanna að við skuldum þeim penní eða gyllini.  Ekki neitt, þó svo innlendir lagaspekingar hafa ítrekað beðið um slík gögn í gegnum fjármálaráðuneytið.  Hverju skyldi nú valda að þau fást ekki?  Þangað til að engin hefur sýnt fram á að við erum í skuld við þá, mun engin þjóð sem er ekki stjórnað af vitfirringum, mun gera minnstu tilraun að halda því gegn okkur.  

[Elvar Eyvindsson (IP-tala skráð) 28.1.2010 kl. 23:49]

Þetta er náttúrulega ein mesta Munchausen vitleysa fyrr og síðar og furðulegt að allir skuli jarma þetta hver upp í annan.

Segjum að Ægir Óskar ætli að lána Magnúsi Helga fjárhæð til að kaupa hamar.  Hamarinn ætlar Magnús Helgi að nota til að skapa sér lífsviðurværi.  Þá bregður svo við að Ægir Óskar treystir ekki þessum ágæta manni til að endurgreiða lánið nema að hann taki fyrst lán hjá Guðmundi 2. og greiða skuldir frænda síns, og það svert. Getur einhver skilið þessa hagfræði.  Þetta er einhver hundalógík sem fróðlegt væri að fá svör við.

[Sigurður Sigurðsson, 29.1.2010 kl. 08:33]

Ekki er nú Magnús blessaður langminnugur, kannski búinn að bjóra allt langtímaminni í burtu.

Bara til að minna Magnús á, þá var gengi Evru gagnvart krónunni í lok febrúar 2009 145.  Og var þó þjóðin ekki búin að undirgangast einhverjar drápsskuldaklyfjar með blautan ESB draum að vopni, hvorki þá né nú.

Þetta er bara enn eitt dæmið um það hvernig Samfylkingarmenn snúa öllu á haus og hika ekki við að ljúga upp í opið geðið á almenningi í von um að fólk sé jafn skamm minnugt og meðlimir Sf.

[Elle_, 30.1.2010 kl. 21:20]

Blessuð.  Óvanalega skemmtileg umræða að ofan.  Ekki veitir af að skýra hlutina vel og út í ystu æsar.