Vinstriöfgar í stjórnarskrármálinu

Sjálfstæðisflokkurinn bjargaði stjórnarskránni dagana fyrir þingslit þegar vinstriflokkarnir gerðu enn eina atlöguna að henni. Vinstriflokkarnir vildu setja í lög undanþáguákvæði sem gerði næsta þingi mögulegt að breyta stjórnarskránni án þingkosninga.

Egill Helgason tekur saman öfgahyggju innan vinstriflokkanna í stjórnarskrármálinu þar sem sértrúarsjónarmið eru ríkjandi.

Stjórnarskráin er grunnur stjórnskipunar lýðveldisins. Sjálfstæðisflokkurinn er besta tryggingin fyrir stöðugu stjórnarfari.

Jón Gnarr er lukkudýr Samfylkingar - á kaupi

Jón Gnarr er einn af þeim frægu og flottu sem sumir stjórnmálaflokkar vilja flagga. Frægir og flottir þurfa að eiga fyrir salti í grautinn og því falbjóða þeir sig sem pólitísk lukkudýr.

Björt Ólafsdóttir umhverfisráðherra Bjartrar framtíðar segir að Jón hafi falast eftir því að verða lukkudýr á kaupi þar á bæ. En Björt framtíð gat ekki mætt kaupkröfum Jóns.

Samfylkingin á hinn bóginn er í færum að kaupa sér pólitísk lukkudýr. Silfrið frá Brussel ætlar að endast Samfylkingunni vel.

„Ætlum bara að vinna sem mest“

Siðfræði RÚV

Fréttastofa RÚV kallaði til siðfræðing í gær að ræða siðferðiskröfur til stjórnmálamanna. Tilefnið var að RÚV ásamt Stundinni bjó til frétt úr 9 ára gömlu máli til að klekkja á Bjarna Benediktssyni forsætisráðherra.

Nokkrum dögum áður hafði búið til eineltisfréttir um fyrrum forsætisráðherra, Sigmund Davíð, sem engin innistæða var fyrir og endaði með ásökunum um ,,dulúð" - jafn fáránlegt og það hljómar.

Þegar stjórnmálum sleppir er RÚV einnig með allt niður um sig siðferðislega og faglega. Nýlega borgaði RÚV 2,5 milljónir til manns sem varð fyrir barðinu á óvandaðri fréttamennsku RÚV. Þá skáldaði fréttastofan upp fréttir um mansal á veitingastaðnum Sjanghæ.

En RÚV kallar sem sagt til siðfræðing að ræða siðferðisbresti í stjórnmálum. Ætti Efstaleiti ekki að líta sér nær og gera siðferðislega og faglega úttekt á fréttastofu RÚV?