Bjarni Ben. hafnar klækjastjórnmálum

Landsfundur Sjálfstæðisflokksins tók afgerandi ákvörðun um Evrópumál í síðasta mánuði. Umsókn Íslands um aðild að Evrópusambandinu ber að draga tilbaka. Bjarni Benediktsson ætlar að leiða móðurflokk íslenskra stjórnmála til öndvegis á ný. Aðildarsinnar, til dæmis Þorsteinn Pálsson, höfðu í frammi áskoranir um að formaðurinn virti flokksvilja að vettugi og kæmi til móts við háværan minnihluta.

Tími klækjastjórnmála er liðinn. 

Umsókn Íslands verði dregin til baka

Jón Ásgeir og kassastúlkan hjá Bónus

Jón Ásgeir Jóhannesson stjórnar Bónus í umboði Arion banka. Jón Ásgeir dregur kassastúlku fyrir dómstóla fyrir að stela 47 þúsund krónum og fær hana dæmda. Kerfi sem dæmir kassastúlkuna en hyglar stærsta bankaræningja Íslandssögunnar er ekki í þágu almennings heldur spilltra auðmanna.

Dró sér fé úr afgreiðslukassa

Auðlindir til braskara í boði ríkisstjórnar

Sænskt/kanadískt skúffufyrirtæki fær sérstaka heimild ríkisstjórnarinnar til að braska með orkuauðlindir þjóðarinnar. Magma-málið er löðrandi í svikum og prettum enda ættað undan útrásarsiðleysingjum. Ríkisstjórn sem ekki getur stöðvað þjófnað af þessu tagi er ekki á vetur setjandi.

Lygavefurinn í kringum Magma er spunnin af kúlulánabæjarstjóra í Reykjanesbæ, útrásardeild Glitnis/Íslandsbanka og afgangi Geysir Green sem var í eigum Hannesar Smára. og Jóns Ásgeirs.

Markmiðið er að braska með auðlindir þjóðarinnar. Ýmsar leiðir eru til í braskinu en allar gera þær ráð fyrir að braskararnir auðgist á kostnað almennings.

 

Má eiga 98,5% hlut í HS Orku

Uppgjör óráðsíu og ráðdeildar

Uppgjör gengislána verður áhugaverður þáttur í íslenskri efnahagssögu. Samkvæmt RÚV, sem tekur frá Viðskiptablaðinu, eru í húfi 140 til 350 milljarðar króna. Neðri talan ef samningarnir bera stýrivexti Seðlabankans en efri talan gildi samningsvextir.

Hér er samhengið

Í vinnugögnum úr fjármálaráðuneytinu kemur fram að verði samningsbundir vextir látnir standa geri stjórnvöld ráð fyrir að þurfa að hækka virðisaukaskatt, tekjuskatt og skera enn frekar niður í ríkisrekstrinum. Í gögnunum kemur einnig fram að algjört ójafnræði yrði milli þeirra sem tóku gengistryggð lán og þeirra sem tóku verðtryggð lán. Lántakendur gengistryggðra lána væru að fá óeðlilega meðgjöf, það er, skuldarinn beinlínis hagnast á kostnað annarra. Mest yrði óréttlætið gagnvart þeim sem ekki fóru út í skuldsetningu vegna efnislegra gæða, en kusu þess heldur að leggja fyrir. Í raun sé verið að refsa þeim sem ráðdeild sýndu við meðferð fjármuna.

Athyglisvert.