Samfylkingin leiðbeinir braskara

Samfylkingin er þjófur klæddur í búning stjórnmálaflokks. Ráðuneyti sem Samfylkingin kemst yfir breytast óðara í vændishús. Viðskiptaráðuneyti Björgvins G. Sigurðssonar stráði glassúr yfir útrásarsukkið og blessaði Baug í bak og fyrir. Iðnaðarráðuneyti Össurar og Katrínar Júl. leiðbeinir bröskurum að komast yfir auðlindir þjóðarinnar.

Samfylkingin er flokkur siðleysingja sem á götum og torgum auglýsa þjónustu sína til auðmanna undir formerkjunum: Það er sama hvaðan gott kemur.

Það sem er gott fyrir Samfylkinguna er vont fyrir þjóðina.

Iðnaðarráðuneyti leiðbeindi

Meðhlauparar tryggja útrásinni framhaldslíf

Útrásarmenn kunnu ekki ensku samkvæmt fréttum af eiðsvörnum vitnisburði Jóns Ágeirs Jóhannessonar, Ingibjörg Pálmadóttur og Pálma í Fons. Tíðindin eru stoð fyrir tilgátu um verkaskipti græðgisvæðingarinnar.

Útrásarauðmenn lögðu til þekkingarleysi á erlendum tungumálum og þeir kunnu heldur ekki mannasiði, gátu ekki greint á milli réttlætis og ranglætis, sanninda og ósanninda, heilbrigðra viðskiptahátta og óheilbrigðra.

Víðtækur skortur á siðferðilegu og félagslegu taumhaldi var framlag auðmannanna. Meðhlauparar þeirra á endurskoðunarskrifstofum, lögfræðistofum, almannatengslafyrirtækjum, fjármálastofnunum og í stjórnmálaflokkum lögðu til tæknilega kunnáttu sem gerði útrásina mögulega.

Útrásarauðmenn hittu fyrir marga viljuga meðhlaupara sem tóku þátt í spillingunni. Meðhlaupararnir eru margir enn í ábyrgðarstöðum og vilja fyrir hvern mun halda hlífiskildi yfir Jóni Ásgeiri og félögum. Pálmi í Fons á enn flugfélagið sitt og Jón Ásgeir verslanir og fjölmiðla.

Mestur munar um að Samfylkingin er í ríkisstjórn og starfar samkvæmt bandalaginu sem gengið frá í formannstíð Össurar Skarphéðinssonar um að Samfylkingin veitti Jóni Ásgeiri pólitískan styrk en fengi á móti annars vegar fjárhagslegan stuðning og hins vegar málafylgju fjölmiðla Jóns Ásgeirs.