Atvinnulíf á undanþágu þolir ekki verkföll

Ástandið á vinnumarkaði er þannig að endurfjármagnaðir bankar, a.m.k að hluta eru í eigu ríkisins, stjórna beint eða óbeint stórum hluta fyrirtækja. Á meðan þetta ástand varir er nánast ríkisábyrgð á rekstri þessara fyrirtækja. Stjórnendur fyrirtækjanna í þessari stöðu eru veikir fyrir þrýstingi.

Stéttir sem reyna að nýta sér afbrigðilega stöðu atvinnulífsins eru ekki ábyrgar. Ríkisvaldið beitir þess vegna þeim verkfærum sem það hefur til að gæta almannahagsmuna.

Á meðan atvinnulífið er á undanþágu hjá hinu opinbera á ekki að gera nýja kjarasamninga, aðeins að framlengja samninga sem fyrir eru.

Lög á verkfall flugvirkja

12. apríl hvaða ár?

Ítrekuð frestun á skýrslu rannsóknanefndar Alþingis er vonandi vísbending um að nefndin hafi kappkostað vönduð vinnubrögð. Óneitanlega hefði þó verið skynsamlegra að afmarka viðfangsefnið og taka fyrir í eðlilegri röð afbrot og síðan úrbætur og lögum og regluverki.

Lögfræðileg greining verður líklega fyrirferðameiri en pólitíkin víkjandi eftir því sem lengra líður frá hruni.

Svo að pollýanna sé tekin á frestunina þá þökkum við fyrir að þurfa ekki að liggja yfir kannselítexta um páska. 

Skýrslan kemur 12. apríl

Verkalýðsbarátta á villigötum

Flugsamgöngustéttirnar þrjár flugmenn, flugvirkjar og flugumferðastjórar koma óorði á verkalýðsbaráttu með því að hóta verkföllum á viðkvæmum tíma endurreisnarinnar. Það tekur engu tali að stefna ferðaþjónustunni í tvísýnu um þessar mundir. Flugstéttirnar geta sem best gert skammtímasamning eins og aðrar stéttir.

Jóhönnustjórninni verður að segja það til hróss að hún greip snöfurmannlega inn í verkfall flugumferðastjóra og virðist þess albúin gagnvart flugvirkjum.

Þjóðin hefur enga samúð með verkfalli flugstéttanna. Forysta þessara launþegasamtaka ætti að rifja upp að verkfall er neyðarréttur en ekki réttur til að níðast á almannahagsmunum í því skyni að ota sínum tota.

Ræða lög á verkfall flugvirkja

Launafólk leiðrétt niður, hvað með auðmennina?

Launafólk lækkar í launum og ber hærri skatta. Til að friður verði um lífskjaraskerðingu verður ríkisstjórnin að sjá til þess að þeir sem bera ábyrgð á hruninu, útrásarauðmenn, sleppi ekki auðveldlega frá ,,afrekum" sínum.

Ríkisstjórnin er ekki á réttri bylgjulengd þegar frá skrifstofu forsætisráðherra heyrist það sjónarmið að ,,sama sé hvaðan gott kemur" og með þeim rökum eigi að setja lög handa gagnaveri Björgólfs yngri.

Á meðan almenningur herðir sultarólina er ekki hægt að horfa upp á sérmeðferð útrásarauðmanna.

 

Kaupmáttur lækkar enn