Steingrímur J. gróf sér gröf

Í Sjónvarpsfréttum í kvöld talaði Steingrímur J. eins og blaðafulltrúi stjórnarandstöðunnar. Tilboðið sem Bretar og Hollendingar sendu okkur var mun betra en samningur Svavars G. og Steingríms J. Fjármálaráðherra er margbúinn að segja að ekki væri hægt að fá betri samning.

Þegar það liggur fyrir að hægt er að fá betri samning verður fjármálaráðherra eins og hver önnur markleysa. Þegar sterkast maður ríkisstjórnarinnar er hundur í bandi stjórnarandstöðunnar ætti sérhverjum að vera ljóst að stjórn Jóhönnu er heiladauð þótt nema megi daufan hjartslátt.

Steingrímur J. og ríkisstjórnin grófu sér gröf drýldnum yfirlýsingum og pólitísku ofbeldi í viðkvæmum málum sem þurfa samstöðu, ESB og Icesave.

Tilboðið ekki ásættanlegt

Alþingi verði vettvangur sátta

Yrði umsókn Íslands um aðild að Evrópusambandinu dregin tilbaka með þingsályktun á alþingi væri rétt fram sáttarhönd. Meirihluti alþingis, ríkisstjórnarmeirihlutinn, hljóp á sig þegar hrapað var að samþykkt tillögunnar 16. júlí um að sækja um inngöngu ESB.

Þjóðin er staðföst í andstöðu sinni gegn inngöngu. Stjórnarmeirihlutinn getur ekki látið eins og umsóknin sé í þágu íslensku þjóðarinnar.

Enginn stór skaði er skeður og því ætti alþingi að samþykkja þingsályktun sem mælir fyrir að umsókn Íslands um inngöngu í Evrópusambandið skuli dregin tilbaka.

 

Væri ráð að draga umsókn til baka?

Noregur, Ísland og fleiri utan ESB

Við eigum ásamt grannþjóðum okkar Grænlendingum, Færeyingum og Norðmönnum að mynda samstarfsvettvang sem gæti síðar þróast í bandalag. Hagsmunir þjóðanna eru tengdir, m.a. vegna fiskveiða, legu á Norður-Atlantshafi og nálægð við norðurslóðir sem verða æ mikilvægari vegna auðlinda og betri samgangna.

Færeyingar gera ráð fyrir að endurskoða afstöðu sína til samvinnu á NV-Atlantshafi og samstarfs við ESB með útgáfu skýrslu í vor. Engar líkur er á að Færeyingar gangi í Evrópusambandið. Grænlendingar eru eina þjóðin sem komist hefur upp með að fara úr Evrópusambandinu.

Í fimm ár hefur norska þjóðin sagt nei við ESB í könnunum. Noregur er ekki að hreyfa sig í átt að ESB.

Íslendingar eiga að læra af flumbrugangi síðustu ára og byggja utanríkisviðskiptapólitík sína á hörðum staðreyndum en ekki óskhyggju nokkurra kontórista sem dreymir um starf í Brussel.

Færri Norðmenn vilja í ESB

Þjóðstjórnin segir nei við Icesave og ESB

Tilboð Breta og Hollendinga er of lélegt og kemur of seint. ESB er búið að viðurkenna að bankareglurnar voru ónýtar og þar með er ekki hægt að neita sameignlegri ábyrgð. Við eigum að bjóða Bretum og Hollendingum að taka eigur Landsbankans sáluga fyrir Icesave og dagsetja samningaviðræður árið 2020 um það sem kann útaf standa.

Þegar við höfum í reynd þjóðstjórn er næsta verkefni að taka ESB-umsóknina tilbaka og skapa þannig skilyrði fyrir innanlandsfriði.

Tækifærið er núna en því miður er nær öruggt að vinstriflokkarnir munu klúðra því.

Jafnvel gagntilboð í dag

Grikkir formæla Þjóðverjum

Grikkir rifja upp innrás Þjóðverja fyrir sjötíu árum og spyrja hvernig Þýskir dirfast að krefja Grikki um að herða sultarólina á meðan enn er ekki fullbætt fyrir fallna í seinni heimsstyrjöld. Þrátt fyrir að Þjóðverjar hafi í tvær kynslóðir borgað möglunarlaust bætur í austur og vestur er þeim ekki enn fyrirgefið stríðsrekstur Hitlers.

Þjóðverjar borga fyrir Evrópusambandið og þeir munu á endanum bjarga Grikkjum frá gjaldþroti, jafnvel þótt stjórnin í Aþenu reyni að fá rússneska, kínverska og e.t.v. arabíska peninga að láni. Spurningin er hvað gerist i framhaldinu þegar þýsk-evrópsk lausn finnst á gríska vandanum.

Ambrose Evans Pritchard telur engar líkur á að pólitískt bandalag myndist í Evrópu sem er forsenda fyrir framtíð evrunnar. Pólitískt bandalag þarf sameiginlegan vettvang. Og enginn sameiginlegur vettvangur er til í Evrópu. Höfuðstöðvar ESB í Brussel eru vettvangur stjórnmálaelítu álfunnar en almenningar finnur enga samkennd, hvorki með framkvæmdastjórninni né Evrópuþinginu.

Hvorki þeir sem þiggja þýsk-evrópskan né þeir sem veita hann munu fá meiri löngun í nánara bandalag Evrópu. Evrópska samvitundin er komin á endastöð. Samfylkingin ætlar með okkur Íslendinga inn í bandalag hnignandi þjóða. Þýskir myndu segja: Dummkopf.