Stjórnmálin breyta Gnarr, ekki öfugt

Íslensk stjórnmál mættu gjarnan breytast til hins betra, verða málefnalegri og hreinskiptnari. En þau munu ekki breytast þótt Jón Gnarr borgarstjóri óski sér það. Í Kastljósviðtali kvöldsins var borgarstjórninn hnarreistur og skoraði kerfið á hólm.
Jón Gnarr er velmeiandi og kann sitt fag sem er uppistand og skemmtilegheit. En hann mun ekki breyta stjórnmálum heldur þau honum.
Stjórnmál urðu ekki eins og þau eru vegna þess að einverjum datt það í hug. Og þau munu ekki breytast fyrir tilverknað eins manns, jafnvel þótt hann sé fyndinn.

Geimvera í íslenskum stjórnmálum

ESB er verkefni elítunnar

Í Brussel hittast embættismenn og stjórnmálamenn frá 27 ríkjum í skjóli frá almenningi og fjölmiðlum viðkomandi þjóða. Elítan í Evrópu stjórnar í nafni altækrar hugmyndar um friði og velsæld í álfunni. Eitt vantar elítuna og það er sjálfa Evrópuþjóðina. 

Í stað Evrópuþjóðar kemur hugmyndin um Evrópu. Altæk hugmyndafræði þarfnast ekki fólks af holdi og blóði og þar liggur meinsemdin. Evrópusambandið mun aldrei geta orðið annað en skel utanum hugmynd. 

Hversdagstilveran verður stjórnsýslunni í Brussel ávallt framandi. Norman Tebbit, fyrrum formaður breska Íhaldsflokksins og ráðherra, var Evrópusinni á sínum yngri árum enda var hann hluti af elítunni. Þegar það rann upp fyrir Tebbit að vélræn stjórnsýsla Brussel gæti ekki gagnast hversdagslegu fólki varð hann fráhverfur Evrópusambandinu.

Þingmenn Samfylkingar eiga þá ósk heitasta að komast í kjötkatla elítunnar í Brussel. Þjóðin þvælist bara fyrir þegar þingmenn Samfylkingarinnar leggja á ráðin um framtíð sína.

Sekt og sýkna útrásarauðmanna

Í réttarríki tekur dómskerfið sinn tíma til að dæma í málum. Sakborningar njóta ítrustu réttarverndar enda almennt litið svo á að betra sé að níu sekir gangi lausir fremur en að einn saklaus fái dóm. Í þessu skjóli standa útrásarauðmenn og verjendur þeirra.

Almenningur veit á hinn bóginn, burtséð frá öllum dómsmálum, að útrásarauðmenn eru sekari en syndin. Afbrot útrásarauðmanna eru stórfelld fjármálaspilling þar sem lögum og reglum var ýtt til hliðar til að fáeinir mættu raka til sín ólögmætum ofsagróða á kostnað almennings.

Almenn samstaða er í þjóðfélaginu að útrásarauðmönnum skuli úthýst frá endurreisninni og sú samstaða verður auðmönnunum á endanum dýrkeyptari en dómsniðurstöður réttarkerfisins.

Vísar túlkun Glitnis á bug

Ekkert ESB á þjóðfundi

Þjóðfundurinn sýndi engan áhuga á aðild Íslands að Evrópusambandinu, ekki frekar en þjóðin almennt. Áhersla þjóðfundar var á fullveldi og sjálfstæði Íslands. Á Evrópuvaktinni er ágætlega gerð grein fyrir niðurstöðunni og sett í samhengi.

Í niðurstöðum 1000 manna þjóðfundar sem efnt var til 6. nóvember til að fá viðhorf til þess sem leggja beri til grundvallar við gerð nýrrar stjórnarskrár fyrir lýðveldið Ísland er í köflum um land og þjóð og frið og alþjóðasamvinnu lögð áhersla á að Ísland sé sjálfstætt og fullvalda ríki og stjórnarskráin sé sáttmáli sem tryggi fullveldi og sjálfstæði þjóðarinnar. Þá er mælt fyrir um, að lögð skuli áhersla á samvinnu við aðrar þjóðir, sérstaklega á norðurslóðum. Engin þjóðanna á norðurslóðum á aðild að Evrópusambandinu. Fyrir vestan Ísland er um að ræða Bandaríkin, Kanada og Grænland. Fyrir austan Ísland eru Færeyjar, Noregur og Rússland. Grænlendingar sögðu sig úr Evrópusambandinu 1985. Norðmenn hafa tvisvar hafnað aðild að Evrópusambandinu í þjóðaratkvæðagreiðslu. Enginn færeysku stjórnmálaflokkanna hefur aðild að Evrópusambandinu á stefnuskrá sinni.

 

 

Ríkisyfirtaka á Reykjanesbæ

Árni Sigfússon og félagar hans í Reykjanesbæ hafa sýnt sig ónýta rekstramenn með áhættuhneigð spilafíkla. Bæjarsjóður, höfnin og SparKef er allt í þrot og sænskt skúffufyrirtæki er komið með krumlurnar í HS-Orku. Ríkisvaldið á ekki að lyfta litla fingri til hjálpar Árna og fíklunum nema þeir segi sig frá rekstri, völdum og áhrifum í bæjarfélaginu.

Með yfirtöku ríkisins á rekstri bæjarins skapast skilyrði til að vinda ofan af glæpaverkinu sem var að selja HS-Orku til braskara.

Vill fresta öllum afborgunum