Ekkert Icesave-samkomulag án nýrrar ríkisstjórnar

Ríkisstjórn Jóhönnu Sig. bar ábyrgð á Icesave-samkomulaginu sem þjóðin felldi í almennri atkvæðagreiðslu þar sem ráðherrar sátu heima. Ríkisstjórnin sem gerði samninginn er þjóðin felldi fær ekki áheyrn hjá Bretum og Hollendingum, enda öllum ljóst að hún er rúin trausti heima og heiman.

Nýtt Icesave-samkomulag bíður nýrrar ríkisstjórnar.

Icesave ekki vísað til EFTA-dómstólsins

Námskeið í að klúðra ríkisstjórn

Steingrímur J., Jóhanna Sig. og Össur eiga atvinnutækifæri eftir að stjórnin fellur og þeim verður sparkað út af þingi: Hvernig á að klúðra ríkisstjórn?

Í fyrsta hluta námskeiðsins yrði kennt hvernig á að leggja skakkan grunn að ríkisstjórnarsamstarfi, t.d. með því að beita væntanlegan samstarfsflokk fjárkúgun um að ekkert verði af samstarfi nema kjósendur séu sviknir.

Í öðrum hluta verður kennt hvernig á að kveikja ófriðarbál sem víðast í samfélaginu. Ef höfuðatvinnuvegir viðkomandi þjóðar eru í þokkalegu lagi þarf að leggja til atlögu við þá og skapa óvissu og úlfúð. Í þessum hluta er einnig farið yfir bitlingastarf í þágu spilltra stjórnmálaflokka og hvernig hægt er að möléta stjórnkerfið að innan með því að skipa flokkseðjót í feit embætti.

Þriðji hluti námskeiðs Steingríms J. et al fer ítarlega í hrokafulla framkomu en kunnátta á því sviði er forsenda fyrir einangrun í fílabeinsturni valdsins. Ingibjörg Sólrún Gísladóttir kemur inn í þennan hluta með fyrirlesturinn: Þið eruð ekki þjóðin.

Lokahlutinn er tilsögn í að kenna öðrum um eigin handvömm og vangetu. Maður byrjar á bönkunum, atvinnulífinu, stjórnarandstöðunni og fólkinu í landinu. Þegar annað þrýtur kennir maður samstarfsflokknum, gott ef ekki líka flokksfélögum.

Rúin trausti og dregin á hárinu úr stjórnarráðinu á að gnísta tönnum og láta öllum illum látum.

Fyrirspurnir hafa borist erlendis frá um fyrirhugað námskeið Steingríms J., Jóhönnu og Össurar. Ótilgreind ríki með langa reynslu af óstöðugu stjórnarfari telja sér hag af því að auka veltuhraða ríkisstjórna. 

 

 

 

 

Fela sig á bak við AGS