Fjölmenningarsamfélag er rugl

Hugmyndin um fjölmenningarsamfélag er þvættingur og því meiri þvættingur sem fjölmenningin er skipulögð að ofan. Samfélög þroska með sér menningu yfir langan tíma, mælt í hundruðum ára. Innflytjendur sem ekki samlagast nýju samfélagi eru iðulega gróðrarstía ranghugmynda sem auðveldlega verða að ofbeldishugsun.

Vestræn samfélög eru eftirsóttur bústaður fólks úr öðrum heimshlutum. Innflytjendur sem ekki fallast á grunngildi vestrænna samfélaga gera sér heimkynni þar á fölskum forsendum. 

Fjölmenningarsamfélög eru uppskrift af gettófyrirkomulagi með tilheyrandi ófriði.

Tilraunin mistókst hrapalega

Meðhlaupari í móðursýkiskasti

Fréttin af ónafngreindum meðhlaupara auðmannanna sem rændu Glitni innan frá gæti verið skrifuð af almannatengli Jóns Ásgeirs Baugsstjóra. Hér er handlangari mestu fjárglæpamanna Íslandssögunnar vælandi um að hafa fengið á sig hvassar spurningar.

Eigum við að stofna samúðarsamtök fjárglæframanna og meðhlaupara þeirra? Er það fólkið sem við eigum að sýna samtöðu með?

Hvaða endemis rugl er í gangi á ritstjórn Morgunblaðsins?

Fréttaskýring: „Við verðum að vita með hverjum þú stendur“

Verkalýðshreyfingin hefur sýnt ábyrgð

Misserin eftir hrun hefur verkalýðshreyfingin sýnt ábyrgð og ekki farið fram með kröfur um launahækkanir. Kreppan, mæld í atvinnuleysi, varð ekki djúp. Atvinnuleysi hér er rúm sjö prósent sem er lægra en í ESB-löndum þar sem hún mælist um tíu prósent.

Þolinmæði verkalýðshreyfingarinnar hlýtur að vera takmörk sett og veturinn sem í hönd fer gæti orðið erfiður. Tvö atriði sem ríkisstjórnin gæti gert til að skapa forsendur fyrir hóflegri og skynsamri niðurstöðu á vinnumarkaði. Í fyrsta lagi að sýna dug og forystu í uppgjöri við hrunið. Stórkostlegt klúður alþingis, og Samfylkingar sérstaklega, á ráðherraábyrgð veit ekki á gott.

Í öðru lagi, og þetta er mikilvæga málið, er að ríkisstjórnin gefi trúverðug fyrirheit um að landið sé að rísa í efnahagslegu tilliti. Líklega er það óraunsætt að ríkisstjórn Jóhönnu Sig. gefi trúverðug fyrirheit.

Fréttaskýring: Vilja hækka öll laun og tengja við aðra mynt

Græðgisfólk útrásar gerir atlögu að slitastjórn

Græðgisfólk útrásarinnar er orðið að grátkonum sem þykjast eiga um sárt að binda vegna uppgjörsins við hrunið. Það er beinlínis hlægilegt að hlusta á fyrrum meðhlaupara Jóns Ásgeirs og félaga bera sig illa undan tilraunum slitastjórnar Glitnis að endurheimta illa fengið fé útrásarauðmanna.

Jón Ásgeir hótaði íslenskum yfirvöldum ítrekað þegar hann réð fyrir veldi Baugs. Meðhlauparar hans létu sér vel líka að vera í liði götustráksins. Vælið sem pakkið hefur í frammi í dag sýnir hvaða mann það hefur að geyma.

Græðgisliðið á að þakka fyrir hversu mildum höndum samfélagið fer um það.

Vill nýja slitastjórn