Tengdir viðmælendur RÚV

RÚV dregur tilbaka frétt um mann sem tók lán, kenndi sjálfum sér um lántökuna og kvaðst sáttur við úrræði stjórnvalda. Ástæðan fyrir afturköllun fréttar er að maðurinn er tengdur stjórnmálaflokknum Vg. RÚV leggur hér línur um nýjan staðal fyrir fréttir.

Þegar RÚV fjallar næst um Evrópumál og talar hún ekki við Eirík Bergmann en hann er tengdur Evrópusambandinu ár og síð sem starfsmaður og styrkþegi. Annar talsmaður Evrópusambandsins, Baldur Þórhallsson, fær heldur ekki innhlaup í RÚV þar sem hann er varaþingmaður Samfylkingarinnar.

Fróðlegt verður að fylgjast með samkvæmni RÚV í beitingu hins nýja staðals um hverjir komast í fréttir með sín mál.

Viðmælandinn tengdist VG

Leiðtogakonur biðja um spillingu

Við ættum að taka ofan fyrir Margréti Tryggvadóttur þingmanni Hreyfingarinnar sem fékk boð frá félagsskap kvenna í atvinnulífinu um kokteilboð þar sem ræða átti samþættingu stjórnmála og viðskiptalífs. Margrét afþakki með vísu í texta úr rannsóknaskýrslu alþingis. Tekið af Smugunni

„Leita þarf leiða til þess að draga skýrari mörk á milli fjármálalífs og stjórnmála. Ekki er líðandi að gæslumenn almannahagsmuna gangi erinda einkafyrirtækja með þeim hætti sem gert var í aðdraganda bankahrunsins.” ( bls. 170).

Í viðskiptalífinu er enn ártalið 2007 þar sem ríkisvaldið var verkfæri græðgisfólks að maka krókinn. Félagsskapurinn LeiðtogaAuður sem ætlar að leiða saman viðskiptalíf og stjórnmálamenn er á villigötum. Nær væri að munstra verðandi leiðtoga viðskiptalífsins, karla og konur, á siðfræðinámskeið.

Samstaða í boði sundrungarafla

Umræða síðustu daga um skuldavanda heimilanna leiðir í ljós að hvorki er til peningur né vilji til almennrar skuldaniðurfærslu. Annað sem umræðan hefur leitt í ljós er að ríkisstjórn Jóhönnu Sig. er ekki með neina dagskrá. Fjárlagafrumvarpið vísar ekkert; það er aðeins svarthol þangað sem opinber þjónusta hverfur; sjúkrarúm á landsbyggðinni, stuðningur við öryrkja og menntun.

Ríkisstjórnin datt niður á plan viðbragðastjórnunar vegna þess að hún klúðraði upphafi sínu. Í stað þess að nálgast viðfangsefni sitt, endurreisnina eftir hrun, af hógværð og stillingu þjösnaðist ríkisstjórnin áfram með ófriði í Evrópumálum, málefnum sjávarútvegsins og i Icesave-málinu. Ríkisstjórnin rakst á veggi og lenti úti á kanti.

Jóhanna Sig. biður um samstöðu í dag fyrir sig og ríkisstjórnina. Hún er nýbúin að eyðileggja uppgjörið við ráðherra hrunstjórnarinnar með því að gera samfylkingarfólk ósakhæft.

Eina samstaðan sem Jóhanna getur vænst er samstaða um að stjórnin fari frá og boðað verði til kosninga.

Almenn niðurfærsla skulda ólíkleg