Síðasta aðvörun Fitch

Viðskiptaráðherra er ekki þingmaður og getur ekki greitt atkvæði um Icesave-frumvarp ríkisstjórnarinnar. Augljóst er af ummælum hans að ráðherra telur hæpið að samþykkja frumvarpið.

Síðasta aðvörun Fitch er áminning til þingmanna að tefla ekki þjóðarhag í tvísýnu. Þegar ráðherra viðskipta tekur undir slíka aðvörun er deginum ljósara að allir þingmenn með réttu ráði fella frumvarpið.

Undarleg tímasetning hjá Fitch

Fákeppni í boði vinstristjórnar

Einokunarstaða Haga, áður Baugs, á smásölumarkaði er í boði ríkisstjórnar Jóhönnu Sigurðardóttur. Stjórnin hefur þverskallast við að gefa út tilmæli til ríkisbanka að brjóta upp eignarhaldsfélög og markaðsráðandi fyrirtæki sem eru svo gott sem í eigu lánadrottna.

Arion banki á Haga og af því leiðir að ríkisvaldið viðheldur fákeppni á smásölumarkaði.

Á meðan Samfylkingin er í aðdáendaklúbbi Jóns Ásgeirs Jóhannessonar fyrrum Baugsstjóra sýpur almenningur okurseyðið.

Vöruverði breytt fyrir jólin

Heimatilbúin nauðhyggja

Engin nauðsyn knýr okkur til að samþykkja fyrirliggjandi frumvarp um ríkisábyrgð vegna Icesave-reikninga. Illu heilli hefur ríkisstjórnin haldið þannig á málum að valið stendur á milli þess að samþykkja Icesave með þeim ósköpum sem það gæti leitt yfir okkur eða hafna Icesave og fella ríkisstjórnina í leiðinni.

Ríkisstjórnin er ekki virði þeirrar áhættu sem við tækjum með því að samþykkja frumvarpið. Þingmenn eiga að fella frumvarpið þegar það kemur til afgreiðslu milli jóla og nýárs. Á nýju ári tæki við minnihlutastjórn Vinstri grænna, mínus formaðurinn.

Ný stjórn byði Bretum og Hollendingum þann samning sem Alþingi samþykkti í sumar. Ef þeir þekktust það ekki yrði samið að nýju.

Svona er hægt að leysa úr heimatilbúinni nauðhyggju. Erfiðara gæti orðið að leysa úr heimatilbúnu þjóðargjaldþroti.

Nauðsynlegt að samþykkja Icesave