Sjálfstæðisflokkurinn ríkisvæðir

Sjálfstæðisflokkurinn sturtaði almannafé í útrásarskolpið, fyrst fjármálastofnunum og síðan orkufyrirtækjum. Flokkurinn gírar sig núna upp í að styðja ríkisvæðingu atvinnulífsins með stórfelldum opinberum framkvæmdum í þágu þungaiðnaðar. Glaðbeittir talsmenn flokksins tala um Helguvíkurríkisstjórn stóriðjuflokka; Sjálfstæðisflokks, Framsóknarflokks og Samfylkingar.

Sjálfstæðisflokkurinn þarf á framhaldsmeðferð að halda, flokkurinn er ekki búinn að jafna sig eftir taugaáfallið í október '08

Töfum í atvinnuuppbyggingu beint gegn tekjulágum

Barbieveröld Árna bæjó

Á Suðurnesjum eru fjármál Árna Sigfússonar bæjarstjóra í flimtingum. Árni tók kúlulán til fjárfestingar sem ekki skilaði hagnaði. Núna situr hann uppi með lánið. Árni gekk hart fram í að halda lífi í útrásarfyrirtæki sem heitir Geysir Green og var tilbúinn að veðsetja framtíð óborinna kynslóða til að selja sænsku skúffufyrirtæki auðlindir almennings. Náið skyldmenni Árna er með stöðu grunaðs manns vegna sjóða tryggingafélags sem tæmdust á hans vakt.

Téður Árni skrifar grein í Morgunblaðið í dag og vill almenna sakaruppgjöf fyrir útrásarfólkið.

Árni Sigfússon kann ekki að skammast sín.