Grunaður umræðustjóri á degi saklausra

Saklausir menn voru dæmdir af dómstól götunnar, með dyggri aðstoð RÚV.

Daginn sem saksóknari fellur frá fjölmiðlastýrðu máli tveggja ungra manna er umræðuþáttur í sjónvarpinu.

Hver er umræðustýra?

Jú, sakborningur í kynferðisbrotamáli.

Smekkvísi á Efstaleiti.

Mál Arons og Eggerts fellt niður

Eiður Smári og Rakel, innan vallar og utan

Fréttastjóri RÚV hættir skyndilega vegna vandamála innan vallar á Efstaleiti. Það er ekki frétt. Eiður Smári hættir vegna vandamála utan vallar. Það er frétt.

Stefán útvarpsstjóri svarar út og suður, segir ekki neyðarástand á Efstaleiti. Alþjóð veit betur. En það er ekkert að frétta. 

Lögreglurannsókn er á starfsháttum RÚV. Glæpsamlegt athæfi má rekja til ríkisfjölmiðilsins. Stefán á Glæpaleiti veit ekki hve margir aðrir innanbúðarmenn eru til rannsóknar. Þess vegna þorir hann ekki að auglýsa starf Rakelar. Það verður hægt að ráða í starf Eiðs Smára.

Kjarninn játar bæði að hafa fengið stolin gögn frá Efstaleiti og vera ritstýrt þaðan. Gögnin voru fengin eftir að  eitrað var fyrir almennum borgara. Byrlun er aðeins frétt þegar hún varðar kynóra. En það er frétt að Eiður Smári á líf utan vallar.

Um 350 félagar eru í Blaðamannafélagi Íslands. Fjölmiðlar stórir og smári eru á annan tug. Stærsta fréttamál ársins er beint fyrir framan nefið á þeim. En það er ekkert að frétta þegar kunningjar, vinir og starfsfélagar eiga í hlut. Ef Eiður ætti nógu marga vini í blaðamannastétt væri líf hans utan vallar ekki frétt.

Eitt eru fjölmiðlar og blaðamenn allir sammála um. Að ríkið eigi að borga þeim meiri peninga. Þeir gegna svo mikilvægu hlutverki í samfélaginu. Eins og að þegja um glæpi í eigin ranni. Þegar þögnin verður óbærileg má alltaf segja frétt af Eiði Smára utan vallar.

Vandamál utan vallar ástæðan fyrir brotthvarfi Eiðs

Klefamenning karla - og kvenna

Hörður Hilmarsson þekkir ,,klefamenningu" karla og kvenna, bæði sem leikmaður í félagsliði og landsliði og knattspyrnuþjálfari liða í karla- og kvennadeild. Hörður skrifar

Ég hef eins og aðrir karl­kyns knatt­spyrnu­menn þurft að sitja und­ir komm­ent­um mis­vit­urra sér­fræðinga á sam­fé­lags­miðlum um nei­kvæða "klefa­menn­ingu" sem á víst að hafa átt sér stað í sam­fé­lagi karla í knatt­spyrnu. Ég sem leikmaður og þjálf­ari í ára­tugi kann­ast ekki við kven­fyr­ir­litn­ingu eða ann­an nega­tív­isma í bún­ings­klef­um karl­manna.

Hins veg­ar upp­lifði ég það sem þjálf­ari kvennaliðs að ynd­is­leg­ar stúlk­ur voru miklu meiri klám­kjaft­ar held­ur en ég hafði kynnst í "stráka­klef­um". Ég tók þessu sem þeirra húm­or og hafði eng­ar áhyggj­ur af, þótt ég roðnaði stund­um.

Það er sem sagt ekki ,,klefamenning" sem útskýrir eitt eða neitt um viðhorf manna til samskipta yfir kynjalandamærin.

En líklega skýrir ,,klefamenning" femínista á spjallrásum ýmislegt um foraðið sem KSÍ situr í pikkfast.

 

Hafnar neikvæðri klefamenningu

Landsliðið verndað gegn árangri

Kjölfestan í íslenska landsliðinu og fyrirliði, Aron Einar Gunnarsson, var ekki valinn í hópinn til að þóknast Stígamótafasistum sem gefa út yfirlýsingu um hverja megi velja í landsliðið og hverja ekki.

KSÍ lætur nokkrar illa gerðar hræður út í bæ segja sér fyrir verkum. Rökin eru þau að ,,vernda þurfti liðið." Fyrir hverju? Karlhöturum í Stígamótum? Stelpum í leit að sykurpabba?

Það er óþarfi að vernda Stígamótalandsliðið gegn árangri. Hann verður hvort eð er aldrei neinn.

 

Tókum ákvörðunina til að vernda liðið

Stígamótafasismi er valdafemínismi í praxís

Stígamótafasisminn skiptir mannfólkinu í þolendur og gerendur. Þolendur ákæra, sakborninga er að játa og taka út refsingu sem á þessu stigi málsins er útskúfun. Lesist: konur ákæra, karlar eru fyrirfram sekir.

Á seinni stigum gæti gamanið farið að kárna. Stígamótafasistar fengu inni hjá Sósíalistaflokki Íslands og boðuðu ofbeldissveitir ,,skipaða sjálfstæðu lögreglu- og ákæruvaldi" til að sjá um afgreiðslu þeirra ákærðu.

Valdafemínisma gengur allt í haginn þessi misserin. Um 70 prósent háskólanema eru konur, formleg völd streyma í stríðum straumi inn meyjarhaftið. Karlar eru óðum að verða húsverðir í kvennahöll. Skyldi ætla að hægja mætti á fasísku orðræðunni. En þar liggur hundurinn grafinn. Mikill vill meira.

,,Geð konunnar er yfirborð, úfin og ólgandi slikja á grunnu vatni," mælti Zaraþústra Nietzsche.

En hvað liggur í djúpinu?

 

 

 

 

Tekur afstöðu gegn þolendum og verður ekki saknað

Valdafemínismi, Kristrún, Vanda Sig

Nýr þingmaður Samfylkingar og vonarstjarna, Kristrún Frostadóttir, gerði það gott í heimi viðskipta strax á unga aldri. Henni segist svo frá þegar imprað var á því að skjótur frami væri kynferðinu að þakka:

hún [hafi] einnig lent í á­reitni þar sem verið var að orða vel­gengni hennar í vinnu við kyn­ferði. Krist­rún greinir frá því að henni hafi liðið eins og aumingja. „Ég tók þetta svo mikið inn á mig. Þá rann upp fyrir mér hvað and­legt og líkam­legt of­beldi getur haft of­boðs­lega mikil á­hrif til lengri tíma.“

Karlar hljóta að finna til með Kristrúnu. Þeir hafa aldrei orðið fyrir þeirri ,,áreitni" að frami þeirra í starfi sé skrifaður á feðraveldið og strákamenningu.

Fyrsta konan er orðin formaður KSÍ. Allir fótboltakarlarnir urðu að Vanda Sig. 

Vanda formlega tekin við sem formaður KSÍ

Stígamótalandsliðið

Stígamót stjórna vali á landsliði Íslands í knattspyrnu. Um það þarf ekki að hafa mörg orð. Nægir að vísa í meðferðina á Kolla og Aroni Einari.

Stígamót eru fjárplógssamtök sem stunda skipulega skoðanakúgun og raka til sín fé með hótunum. Stígamót svífast einskins til að koma ár sinni fyrir borð.

KSÍ lyppaðist niður og liggur enn í svaðinu eftir að hafa orðið skotmark Stígamóta.

Stígamótalandsliðið er skammarblettur á íþróttahreyfingunni.

Stjórnarliðar KSÍ vísa ásökunum á bug

Ofbeldissveit sósíalista - KSÍ og Stígamót

,,Að koma á laggirnar stoðdeild skipaða sjálfstæðu lögreglu- og ákæruvaldi," segir á heimasíðu Sósíalistaflokks Íslands. Þetta er kallað ,,tilboð til kjósenda."

Í grein með tilboðinu er spurt Ef KSÍ hefði haft aðgang að Ofbeldiseftirlitinu?

Nærtækara er að spyrja: Ef Stígamót hefðu haft aðgang að Ofbeldissveitinni?

Jú, þá hefðu Guðni forseti KSÍ og Klara framkvæmdastjóri verið handjárnuð og sett í einangrun OSS, Ofbeldissveitar sósíalista, og látin játa á sig ásakanir Stígamóta.

Þeir kunna þetta sósíalistarnir. Forverar OSS eru NKVD, KGB og STASI.

KSÍ ítrekar afsökunarbeiðni – vilja að ÍSÍ stofni nefnd

Eitraður femínismi og forsetinn

DV greinir frá, og hefur eftir forsetaritara, að forseti Íslands, Guðni Th., hafði af því áhyggjur hverjir sætu við hlið forseta í heiðursstúkunni. ,,Í ljósi aðstæðna vildi forseti heyra hvaða hugmyndir væru uppi um sætaskipan..."

Af ótta við að fá yfir sig holskeflu hatursorðræðu er forsetinn var um sig og teflir á tæpasta að sitja í heiðursstúku á landsleik. Það sem áður var heiður er nú skömm.

Líklega verður bið á því að forsetinn þori að taka í höndina á leikmönnum sem spila fyrir hönd Íslands.

Það kæmi ekki á óvart að strákarnir okkar hættu að gefa kost á sér í landsliðið. Það er hvort eð er valið af Stígamótum.

Kölluðu leikmenn landsliðsins nauðgara

Guðni og Þórður Snær - Kjarninn og KSí

Fyrir þrem árum varð uppvíst kynferðisbrot á ritstjórnarskrifstofu Kjarnans. Þórður Snær Júlíusson ritstjóri vissi af brotinu en þagði. Þórður Snær útskýrði afstöðu sína fyrir þrem árum með þeim orðum að það er ,,alltaf þolenda að ákveða í hvaða farveg brot gegn þeim fara."

Guðni Bergsson fyrrum formaður KSÍ virti trúnað við þolanda kynferðisbrots þegar hann sagði ekki opinberlega frá afbrotinu. Alveg eins og Þórður Snær fyrir þremur árum.

En núna fær Guðni dembu á sig frá Þórði Snæ fyrir að stunda ,,þöggunartilburði." 

Það verður ekki logið á rökvísi góða fólksins. Þegar nógu margir stunda grjótkastið kemur enginn auga á að sumir grýta úr glerhýsi.

Stjórn KSÍ vissi af meintum brotum landsliðsmanna