Mýtan um menntun og atvinnumöguleika

Þegar lítið framboð var af menntuðu vinnuafli var eftirspurnin næg. Eftir því sem framboðið jókst minnkaði eftirspurnin. Þeir sem útskrifast núna sem lögfræðingar eiga fæstir möguleika á lögmennsku eða sérfræðistörfum sem lögfræðingar.

Unglæknar segjast varla hafa efni á því að vinna hérlendis, launin séu svo lág. Nýútskrifaðir guðfræðingar fá helst vinnu hjá íslenskum söfnuðum í útlöndum.

Konur eru um það bil að taka yfir sérfræðistéttirnar í þann mund sem eftirspurnin minnnkar.

Fyrirsjáanlega mun menntun ekki auka atvinnumöguleika fólks. Sígildi menntunar felst á hinn bóginn ekki í því að bæta efnahagslega afkomu heldur að efla mennskuna.

Ómenntuð húsmóðir hefur minna vald

Hringferð manndrápanna

Ríki íslams náðu nokkrum árangri í landvinningum í Sýrlandi og Írak og lýstu yfir stofnun kalífadæmis. Ríki íslams eru annáluð fyrir grimmdarverk og eru þau hluti af aðdráttarafli samtakanna.

Síðustu daga er stríðsgæfan mótdræg ríki íslams. Hersveitir Kúrda hrekja vígasveitir múslíma frá Sinjar-fjalli.

Bregður þá svo við að æðstuprestar ríki íslams skrifa út dauðadóma yfir þeim liðsmönnum samtakanna sem lúta í gras fyrir Kúrdum.

Manndrápin sækja yfirleitt þá heim sem til þeirra stofna.

Fjölmenningu var hafnað í kristnitöku

Ásatrúarmenn líkt og aðrir trúarhópar haga sinni tilbeiðslu eftir eigin hentisemi í samræmi við trúfrelsi stjórnarskrárinnar sem er afurð frönsku byltingarinnar. Kristni, á hinn bóginn, er sá siður sem íslensk menning er fléttuð saman við í þúsund ár. Í umræðu um kirkjuheimsóknir barna, sem eru liður í að kynnast menningararfinum, er haldið fram þeirri bábilju að í nafni fjölmenningar skuli taka fyrir slíkar heimsóknir.

Íslendingar höfnuðu hugmyndinni um fjölmenningu við kristnitökna fyrir rúmum þúsund árum. Sumir lögðu til að kristnir og heiðnir skyldu hvorir búa að sinni trú. Skynugur maður heiðinn var fenginn til að kveða upp úr. Þorgeir Ljósvetningagoði vissi að tvennir trúarsiðir væru ávísun á tvenn lög sem aftur leiddi til ófriðar. Í Bretlandi og á meginlandi Evrópu gera múslímar kröfu um að trúarlög þeirra byggð á Kóraninum, sharía-lög, fái viðurkenningu. Slíkt fyrirkomulag er uppskrift að innanlandsófriði.  

Niðurstaða Þorgeirs var að láta öfgamenn fjölmenningar ekki ráða ferðinn heldur setja einn sið, kristni, þó með víðtækri heimild heiðinna til að blóta á laun, eta hrossakjöt og bera út börn.

Íslendingar, ólíkt flestum þjóðum, tóku upp kristin að mestu án ofbeldis, þökk sé innsæi goðanna sem fóru með trúarlegt sem veraldlegt vald hér á landi á þjóðveldisöld. Málamiðlun goðanna var rúm, kirkjuskatturinn, tíund, var t.a.m. ekki lögfestur fyrr en hundrað árum eftir kristni, en samt afgerandi; allir skyldu skírast.

Sumar þjóðir kunna ekki sinn Þorgeir og búa við samfélagsókyrrð vegna þess að fjölmenningu var ekki hafnað í tæka tíð.

Hér eru lykilatrið úrskurðar Þorgeirs

„En nú þykkir mér þat ráð,“ kvað hann, „at vér látim ok eigi þá ráða, er mest vilja í gegn gangast, ok miðlum svá mál á milli þeira, at hvárirtveggju hafi nakkvat síns máls, ok höfum allir ein lög ok einn sið. Þat mun verða satt, er vér slítum í sundr lögin, at vér munum slíta ok friðinn.

En hann lauk svá máli sínu, at hvárirtveggju játtu því, at allir skyldi ein lög hafa, þau sem hann réði upp at segja.

Þá var þat mælt í lögum, at allir menn skyldi kristnir vera ok skírn taka, þeir er áðr váru óskírðir á landi hér. En of barnaútburð skyldu standa in fornu lög ok of hrossakjötsát. Skyldu menn blóta á laun, ef vildu en varða fjörbaugsgarðr, er váttum of kæmi við. En síðar fám vetrum var sú heiðni af numin sem önnur.

Frumflytja heiðið jólalag

Krónan; hægri og vinstri hagstjórn

Almenningur má þakka það krónunni að kaupmáttur vex hratt. Með því að krónan tók á sig höggið með hruninu varð Ísland samkeppnisfært á einni nóttu og vinnuaflið fór í arðbær störf. Hægrimenn skilja undirstöðuatriði hagfræði en vinstrimenn láta hugmyndafræði villa sér sýn.

Vinstristjórn Jóhönnu Sig. skildi ekki einföldustu atriði hagstjórnar og hataðist við krónuna, vildi evru í staðinn.

Eftir því sem leið á kjörtímabil ríkisstjórnar Jóhönnu Sig. kom æ betur í ljós hve krónan gagnaðist Íslandi vel. En vinstrimenn voru svo heillum horfnir og blindaðir af hugmyndafræði ESB að þeir gátu ekki fyrir sitt litla líf endurskoðað sína pólitík í ljósi reynslunnar. Þess vegna stórtöpuðu vinstriflokkarnir vorið 2013 þrátt fyrir að krónan væri búin að leggja grunn að hagvexti.

Ríkisstjórn Sigmundar Davíð gaf út að krónan yrði framtíðargjaldmiðill Íslendinga. Þar með var óvissunni um gjaldmiðilinn eytt, sem vinstrimenn höfðu viðhaldið í fjögur ár. Fjármálaráðherra Samfylkingarinnar, Katrín Júlíusdóttir, gerði sér far um að rakka niður krónuna og segja hana ónýtan gjaldmiðil.

Til að efnahagskerfi okkar þrífist verða hægrimenn að stjórna landinu; vinstrimenn að vera í stjórnarandstöðu.

Hraðasti vöxtur kaupmáttar

Engin verðbólga, full atvinna - en samt væl

Kaupmáttur eykst hröðum skrefum þegar engin er verðbólgan. Atvinnuleysi er lítið sem ekkert en það þrýstir launum upp á við - veldur launaskriði.

Undir þessum kringumstæðum þykjast sumir forkólfar verkalýðshreyfingarinnar ætla að herja á ríkisstjórnina, í stað þess að rúlla út rauða teppinu og þakka Sigmundi Davíð og Bjarna Ben. trausta stjórn á þjóðarskútunni.

Vælið í ASÍ gagnvart ríkisstjórninni stafar kannski af því að verkalýðshreyfingin á í gegnum lífeyrissjóði drjúgt í stærstu fyrirtækjum landsins. Óraunhæfar launakröfur gætu þýtt skertar lífeyrisgreiðslur. En þá er um að gera að láta ríkissjóð blæða.

 

Verðbólga ekki minni í tvo áratugi

Vinstrimenn þykjast þreyttir á vitleysunni

Margrét Tryggvadóttir segir umræðuna um börn og kirkjuheimsóknir leiðinlega og fundna upp af valdaköllum til að drepa umræðunni á dreif. Agli Helgasyni er þessi umræða einnig frekar leið.

Varaborgarfulltrúi Vg, Líf Magneudóttir, setti kirkjuheimsóknir á dagskrá umræðunnar.

Skiljanlegt er að vinstrimönnum leiðist að fáir tóku undir með Líf, nema harðkjarnavinstrið. Oft er lítil innistæða fyrir málefninu sem þeir setja á dagskrá en þeim leiðist ekki nema þegar umræðan er þeim mótdræg.

ESB-umsóknin er þó stórt mál sem vinstrimenn bera ábyrgð á. Nú þegar öll vötn falla frá Brussel hljóta vinstrimenn að efna til djúprar efnislegrar umræðu um umsóknina. 

Fleiri Bretar vilja úr ESB

Læknakandídat með 670 þús. á mánuði

Eftir sex ára nám verður maður læknakandídat og kemst í meðallaun upp á 670 þús. kr. á mánuði. Að loknu kandídatsári fæst almennt lækningaleyfi og meðallaunin hækka upp í 860 þús. kr. á mánuði.

Engar starfsstéttir opinberra starfsmanna komast í sambærileg laun fyrir sambærilega námslengd.

Hvað eru læknar að kvarta?

Meðallaun lækna rúm 1,1 milljón

Menntun, tekjur og völd kvenna

Konur eru um það bil að taka völdin í samfélaginu, að því gefnu að samband sé á milli menntunar, tekjumöguleika og valda - eins og haldið er fram í doktors ritgerð í viðtengdri frétt.

Samkvæmt Hagstofunni eru konur í háskólanámi um 11.600 en karlar innan við 7000. Konur í doktorsnámi eru 282 en karlar í sama námi 170.

Undanfarin ár eru nær helmingi fleiri konur í háskólanámi en karlar. Augljóst er að ef fram heldur sem horfir munu karlar búa við kvennaríki, að gefnu samhengi menntunar og valda.

Hinn möguleikinn er að menntun verði gjaldfelld og litið á háskólanám sem kvenlegt fyrirbæri.

Atvinnumöguleikar ráða ákvörðunarvaldi

RÚV þekkir ekki muninn á LÍN og MS

RÚV skeit í nytina í fréttaflutningi af meintum brotum MS á samkeppnislögum. Úrskurður Samkeppniseftirlitsins var felldur úr gildi. RÚV hratt af stað herferð gegn MS og landbúnaði í kjölfar rangrar niðurstöðu Samkeppniseftirlitsins og skuldar almenningi og MS og landbúnaðnum afsökunarbeiðni.

En RÚV biðst ekki afsökunar, enda ríki í ríkinu. Fréttamaður RÚV, Jóhann Hlíðar Harðarson, útskýrir hvers vegna RÚV þarf ekki að biðjast afsökunar:

VEGNA ÞESS AÐ LÍN OG MS ERU SAMA FYRIRBÆRIÐ OG VIGDÍS HAUKSDÓTTIR OG FRAMSÓKNARFLOKKURINN BERA ÁBYRGÐ Á HVORTTVEGGJA

Í hugarheimi RÚV er hægt að tengja Framsóknarflokkinn og landbúnaðinn við allt sem miður fer á Íslandi. Líka 20 ára gömul samskipti fréttamanna RÚV við LÍN, Lánasjóð íslenskra námsmanna.

 

Segir efni samningsins hafa legið fyrir

Nauðgun, ekki endilega kynferðisleg

Nauðgun er ekki endilega kynferðisleg. Það er hægt að nauðga tungumálinu; reynt var að nauðga Íslandi inn í Evrópusambandið og krónunni var nauðgað af auðmannabönkum í aðdraganda hruns.

Maðurinn sem merkti mynd af Agli með orðunum ,,fuck you rapist bastard" var sýknaður einmitt sökum þess að nauðgun er ekki endilega kynferðisleg heldur er orðið notað í yfirfærðri merkingu og flokkast þá sem gildisdómur.

Sunna Ben Guðrúnardóttir sagði á hinn bóginn um Egil

„Þetta er líka ekki árás á mann fyr­ir að segja eitt­hvað rangt, held­ur fyr­ir að nauðga ung­lings­stúlku ... Það má all­veg gagn­rýna það að nauðgarar prýði forsíður fjöl­rita sem er dreyft út um all­an bæ ...“

Fullyrðing um nauðgun unglingsstúlku er ekki gildisdómur heldur ásökun um refsiverðan verknað. Slík ummæli njóta ekki verndar málfrelsis.

Hæstiréttur er samkvæmur sjálfum sér í þessum tveim málum.

Ummælin dæmd dauð og ómerk