Smáfylkingin velur sér stefnu við hæfi

Til að standa undir nafni velur Smáfylking Árna Páls sér stefnu við hæfi: Ísland í Evrópusambandið til að þjóðin kynnist efnahagslegri eymd, pólitískri sundurþykkju og vonlausum framtíðarhorfum.

Smáfylking Árna Páls mælist nú undir tíu prósent í fylgi og nokkrum vandkvæðum bundið að finna stefnu sem gæti komið í veg fyrir aukið fylgi. En snillingurinn Árni Páll veit sínu viti og boðar ESB-aðild sem kosningamál í næstu þingkosningum.

ESB-umsókn er þaulprófuð fylgisfæla. Smáfylkingin byrjaði með 30 prósent fylgi 2009, þegar umsóknin var send til Brussel, og skóf af sér fylgið niður í 12,9 prósent í kosningunum 2013. Til að standa undir nafni verður Smáfylkingin að halda sér í eins stafs fylgi enda rímar það við að formaðurinn hélt embætti með einu atkvæði. Glæsileg frammistaða, Árni Páll.

 

ESB verður kosningamál 2017

Eyjan er miðstöð ESB-áróðurs

Eftir að ,,upplýsingastofa" ESB hér á landi lokaði er Eyjan áróðursmiðstöð ESB-sinna ásamt RÚV, vitanlega. Eyjan endurskrifar söguna til að finna stuðning við Schengen-samstarfið og verður að éta ofan í sig rangfærslurnar.

Eyjan er undir áhrifum Össurar Skarphéðinssonar, sem raunar fær iðulega langt viðtal við hvern pólitískan ropa, þegar hún býr til hanaat á milli Davíðs Oddssonar og Björns Bjarnasonar einmitt um Schengen.

Ástæðan fyrir athygli Eyjunnar á Schengen er að víglína ESB-sinna liggur þar - eftir að þeir gáfust upp á evrunni.

Skólinn er tilboð um tvennt; menntun og viðveru

Framhaldsskólinn hér á landi býður öllum sem útskrifast úr grunnskóla upp á tvennt. Í fyrsta lagi menntun og í öðru lagi viðveru.

Enginn sem menntast kemst hjá viðverunni. Dæmin sanna að sumir eru eingöngu í skóla vegna viðverunnar og menntun fer að mestu ofan garðs og neðan.

Framhaldsskólinn er sem sagt fyrir alla. Spurningin er aðeins hvernig nemendur nýta sér hann.

 

„Skólinn er ekki fyrir alla“

Kristni er menning; einkalíf er ekki í kirkjum

Árlegur viðburður á aðventu er að kverúlantar af ýmsum toga amist við kirkjuheimsóknum grunnskólabarna. Kristni er hluti af menningararfleifð okkar. Í þúsund ár fylgir kristni þjóðinni og mótar lífssýn kynslóð fram af kynslóð.

Þjóðkirkjan er menningarmiðstöð sem geymir kristna menningu. Að banna börnum að kynnast kristni er að stuðla að andlegri fátækt. Saga okkar verður ekki skilin nema í samhengi við kristni.

Ef foreldri ákvæði að skáldskapur Jónasar Hallgrímssonar sé óhollur fyrir barnið sitt eða að algebra væri óviðfelldið viðfangsefni, og færi fram á að skólinn héldi slíku efni frá barninu, yrði spurt hvort viðkomandi foreldri væri heilt á geði.

Ástæðan fyrir því að vantrúarfólki, bæði með stórum staf og litlum, leyfist að stunda menningarfjandsamlegan áróður á aðventunni, og koma í veg fyrir kirkjuheimsóknir barna, er að kverúlantarnir eiga sér opinbera talsmenn.

Borgarfulltrúi Pírata segir það hvorki meira né minna en brot á ,,á friðhelgi einkalífs" að börn sæki heim kirkjur á aðventunni. Bæði skólar og kirkjur eru opinber vettvangur. Fólk sem telur að einkalíf þess sé ekki virt á opinberum vettvangi ætti að segja skili við samfélagið og finna sér búsetu uppi á öræfum.

Smáfylkingunni býðst frambjóðandi

Smáfylkingin á vinstri kanti stjórnmálanna leitar að forsetaframbjóðanda til að fylkja sér um. Þorgrímur Þráinsson er ekki verri kostur en hver annar.

Fyrir fjórum árum sótti smáfylkingin sér frambjóðanda í sjálfa uppeldisstöðina, RÚV, og farnaðist heldur miður.

Þorgrímur lék í rauðu á sínum tíma en lítt sýnt pólitísk litbrigði sem rithöfundur.

Þorgrímur líklega í framboð

Herskátt myndmál Pútíns

,,Rýtingur í bakið" er orðalag ættað úr kreppu millistríðsáranna þegar sterkir menn og hávaðasamir keyrðu lýðræðið í þrot á meginlandi Evrópu.

Pútín veitir Tyrkjum jafnframt þá umsögn að vera ,,samverkamenn" hryðjuverkamanna. Orðið samverkamenn vísar til svika. Andstæðinga sína getur maður látið í friði, þegar meiri hagsmunir víkja fyrir minni. En láti maður svikara komast upp með verknaðinn eykur það líkur á endurteknum svikum.

Erdogan Tyrkjaforseti skorar stig í innanlandspólitík með ýfingum við Rússa. En veik staða innanlands, m.a. vegna Kúrda, gefur Pútín mörg sóknarfæri.

Deila Tyrkja og Rússa byrjar sem hliðarmál í stríðinu við Ríki íslam en gæti fyrr en varir yfirskyggt allt annað.

„Rýtingur í bakið“

Nató-stríð við Rússa í mið-austurlöndum

Tyrkir eru Nató-þjóð sem skýtur niður herþotu Rússa er herjar á uppreisnarmenn gegn Assad Sýrlandsforseta. Tyrkir vilja Assad feigan og þeir eru meira á móti Kúrdum en liðsmönnum Ríkis íslam. En Rússar vilja gjalda Ríki íslam rauðan belg fyrir gráan eftir að þeir sprengdu upp rússneska farþegaþotu um daginn.

Ómögulegt er að segja til um afleiðingar af því að Tyrkir skjóti niður rússneska herþotu. Spennustigið á milli stórveldanna mun vaxa og flóknara verður að ráða niðurlögum herskárra múslíma.

Rússar völdu sér vettvang í mið-austurlöndum til að færa brennipunkt stórveldaátaka frá Úkraínu. Fyrir hundrað árum var Balkanskagi átakasvæði stórvelda. Lítill neisti í Sarajevo kveikti bálið sem varð að fyrri heimsstyrjöld.

Rússnesk herflugvél skotin niður

Fjölmenningarsamfélag ESB lokar

Múslímsk hryðjuverkaógn lokar fjölmenningarsamfélaginu Belgíu. Ástæðan er að múslímskir hryðjuverkamenn eiga víða vinum að fagna í Belgíu er skjóta yfir þá skjólshúsi til að þeir megi næðis njóta að skipuleggja næstu ódæði.

Belgía hýsir höfuðborg Evrópusambandsins sem ber ábyrgð á frjálsri för hryðjuverkamanna undir formerkjum Schengen.

Í landamæralausu ESB er ekki hægt að finna hryðjuverkamanninn Abdeslam sem óx úr grasi í þekktasta fjölmenningarhverfi Belga, Molenbeek. Á meðan múslímski Abdeslam er frjáls ferða sinna er Belgía lokuð.

Beygur í Íslendingum

RÚV boðar sundrungu með Samfylkingu

Varaþingmaður Samfylkingar, Baldur Þórhallsson, skrifaði færslu á fésbókina sína og gagnrýndi forseta Íslands fyrir að taka ekki undir með góða fólkinu að múslímatrú og hryðjuverk eru tveir aðskildir heimar.

RÚV, vitanlega, tekur upp fésbókarfærslu Baldurs og gerir að sinni. Í hádegisfréttum tekur fréttamaður undir með Baldri og segir (6:47) ,,það ætti að vera hlutverk forseta að sameina?" Til að sameina eitthvað þarf fyrst að sundra. En hér er engri sundrungu til að dreifa, nema í höfði varaþingmannsins.

Varaþingmaður Samfylkingar má vitanlega hafa uppi hverja þá skoðun sem honum sýnist. En að fréttamaður RÚV, sem á að heita hlutlægur og faglegur fréttamiðill, skuli taka undir áróðurshjal að íslenska þjóðin sé sundruð er út í bláinn.

Hannes Hólmsteinn Gissurarson er annarrar skoðunar en Baldur um orð forsetans vegna hryðjuverka múslíma. Hannes gerir grein fyrir skoðun sinni í pistli á fjölmiðli. RÚV hlýtur að taka viðtal við Hannes og útvarpa.

Eða stendur RÚV-ið fyrir Rauna-Útvarp-Vinstrimanna?

 

Vinstrimenn og múslímar hugsa heiminn í svart hvítu

Ríki íslam þrífst á velmeinandi vinstrimönnum eins og Guðmundi Andra Thorssyni sem segja lofslagsvá meiri ógn við okkur en herskáir múslímar.

Íslamistar koma sér fyrir í vestrænum samfélögum og eru þar fimmta herdeild öfgatrúboðs sem skipulagt er og fjármagnað af olíuauðugum arabaríkjum.

Vinstrimenn eiga það sameiginlegt múslímum að þeir hugsa heiminn í svart hvítu. Þannig teflir Guðmundur Andri fram hatri sem andstæðu umburðalyndis. Það er vitanlega rugl.

Staðfesta er andstaða umburðalyndis. Og staðfestu með vestrænum gildum verðum við að sýna í baráttunni við íslamista.