Hrútar, sauðir og sannleikurinn

Menón eftir Platón er um dygðina. Þeir Sókrates og Menón eiga samtal um eðli dygðarinnar, hvort hún sé meðfædd eða kennd líkt og námsgrein. Í samtalinu teflir Menón fram mótsögn (80E). Við leitum ekki að því sem við þekkjum, segir hann, og leit að því óþekkta er tilgangslaus þar sem við þurfum að vita hverju við leitum að. Í báðum tilfellum er leitin gagnslaus og eftir því óþörf.  

Svar Sókratesar er tvíþætt. Í fyrsta lagi segir hann að maðurinn hafi val, að vera sauður eða hrútur. Sauðirnir gefast upp, hrútarnir ekki. Með orðum Sókratesar: ,,Þess vegna á ekki að láta sannfærast af þessum kappræðurökum, því þau geta gert okkur lata en eru áheyrileg fyrir hina dáðlausu. En hin rökin gera mann framkvæmdasaman og hæfilegan til að leita sannleikans." (81E)

Hin rökin eru upprifjunarkenningin, að þekking sé innra með manninum. Sókrates leit á sig sem ljósmóður þekkingar. Með samræðu yrði þekkingin leidd fram.

Kenningin sem Platón leggur Sókratesi í munn stenst tímans tönn. Þekking er tjáð í orðum eða tölum. Hæfileikinn að tjá sig er öllum meðfæddur. Án orðræðu og táknmálsins sem við köllum stærðfræði er engin þekking nema sú sem tengist frumhvötum s.s. að eta og eðla sig.

Hrúta- og sauðaspurningin vill aftur gleymast. Hver og einn verður að svara fyrir sig. Valið er frjálst og fer fram áður en reynir á leitina að þekkingu. Við veljum að vita - eða láta aðra hafa vit fyrir okkur.

Tilfallandi athugasemdir óska lesendum gleðilegs árs og þakka samfylgdina á liðnum árum.

Setningu ársins 2020 á Sigríður

,,Þótt sjálfsagt hafi þetta verið nota­leg stund hjá rík­is­starfs­mönn­un­um við hljóðnem­ann þótti mér þetta virðing­ar­leysi þeirra við at­vinnu­rekst­ur í land­inu ekki nota­legt."

Setningu ársins á Sigríður Á. Andersen, þingmaður Sjálfstæðisflokks og formaður utanríkisnefndar.

Í einni setningu afhjúpar Sigríður hjarðmennsku vinstrimanna annars vegar og hins vegar bergmálshellinn sem hjörðin dvelur í.

Sendir þáttarstjórnanda Rásar 1 tóninn

Kjánahrollur með kryddsíld

Vinstriflokkarnir vilja ræða fjármálaráðherra án grímu en sópa undir teppið grímulausum skorti á bóluefni.

Skylda alþingis er að ræða kortér í lífi ráðherra, segir Logi formaður Samfylkingar.

Þar með er lýkur erindi Samfylkingar.

„Aum er þeirra pólitík“

Þorgerður Katrín: við erum aumingjar

Án ESB-aðildar er ekki hægt að búa á Íslandi, er áramótakveðja formanns Viðreisnar til þjóðarinnar.

Íslendingar kunna ekki og geta ekki rekið fullveðja samfélag. Í Brussel er aftur uppskriftin að sæluríkinu.

Þorgerður Katrín lætur þess ógetið að Evrópusambandið var stofnað á rústum tveggja öfga, nasisma og kommúnisma. Nasisminn kynnti hugmyndina einn foringi, eitt ríki á meðan kommúnisminn boðaði alræði öreiganna. Evrópusambandið er millivegurinn: eitt ríki undir skrifræði embættismanna.

Sú Evrópuþjóð sem sneyddi að mestu hjá öfgum 20. aldar losna loksins, loksins undan Evrópusambandinu þessi áramót. Líkt og Íslendingar eru Bretar eyþjóð sem kjósa frjáls samskipti i austur og vestur fremur en skrifræðið norður og niður.

Flokkar eins og Viðreisn og Samfylking eru holl áminning um frjálslynda léttlyndið fyrir miðja síðustu öld sem drakk og dansaði á meðan Evrópa tyllti sér á bjargbrún helfararinnar.

 

Leita formlegs samstarfs við ESB

Ragnar Þór í VR: verðum fátækari

Forstjóri Icelandair er viðskiptamaður ársins. Ragnar Þór formaður VR fær skammarverðlaunin.

Vegna Ragnars Þórs varð lífeyrissjóður verslunarmanna, LIVE, af milljörðum króna þegar sjóðurinn hafnaði aðild að hlutafjárútboði Icelandair. Þjóðin tók þátt en LIVE sat hjá að kröfu formannsins.

VR ku standa fyrir virðingu og réttlæti. Með Ragnar Þór í brúnni nægir einn bókstafur. F fyrir fátækt.

 

Óraunhæft að reka tvö flugfélög á Íslandi

Ólafur afturkallar sjálfan sig frá Evrópu

Ólafur Ólafsson keypti Búnaðarbankann undir því yfirskini að erlendur fjárfestir væri meðkaupandi. Ólafur fékk dóm fyrir Al Thani málið, sem var áþekkt leikrit undir formerkjum Kaupþings.

Svo mikla trú hafði Ólafur á skáldskap að hann kærði til Evrópu dómara sem áttu hlutafé í Landsbanka en dæmdu í Kaupþingsmáli.

Afturköllun á kærunni til Evrópu er viðurkenning á að jafnvel fjármálaskáldskapur íslenskra auðmanna á sér takmörk. 

 

Ólafur afturkallar kæru til MDE

Bretar sleppa við orkupakka ESB

Brexit-samningurinn tryggir Bretum meira fullveldi en Ísland og Noregur hafa með EES-samningi við Evrópusambandið.

Meðal annars eru Bretar undanþegnir orkupökkum ESB sem jafnt og þétt ganga á fullveldisrétt Íslands og Noregs.

Þetta kemur fram í umsögn norskra stjórnmálamanna um Brexit-samninginn.

Undirrita samning Breta og ESB á morgun

Áfengi, eldsneyti og RÚV

Þegar verð á vöru og þjónustu hækkar á neytandinn þess kost að draga úr neyslunni. Hann getur drukkið minna og gengið meira þegar áfengi og eldsneyti hækka í verði.

En þegar RÚV á í hlut bregðast lögmál framboðs og eftirspurnar og einstaklingurinn er sviptur valfrelsi. 

RÚV hækkar áskriftina um áramótin um 2,5 prósent. Og hvort sem manni líkar betur eða verr þarf að borga skylduáskrift að þessum fjölmiðli fárra vinstrimanna.

Það á að heita að við búum í lýðræðisríki. Í réttnefndu lýðræðisríki er skoðanafrelsi en ekki skylduáskrift að einum fjölmiðli sem fámennur minnihluti stjórnar.

Dýrara að drekka, reykja og hlusta

Tilboð um taugaáfall

Þingmenn eins og Helga Vala og Þórhildur Sunna eru með standandi tilboð til þjóðarinnar um taugaáfall.

Til að koma tilboðinu á framfæri kemba þær stöllur frétta- og samfélagsmiðla í leit að fjöður er gæti orðið fimm hænur.

Í samspili með Gróu á Efstaleiti tekst einatt að sprengja púðurkellingar. Fýkur þá dómgreind ístöðulítilla sem heimta nýja stjórnarskrá og inngöngu í Evrópusambandið til að bæta andlega líðan.

 

Þingmenn sem hafa ekkert fram að færa

Bóluefnið og bræðurnir á Bakka

Þríeykið plús Svandís heilbrigðis taka á móti bóluefni fyrir fimm þúsund landsmenn. Minnir á söguna af Bakkabræðrum. Svandís pantaði ekki nóg, Þórólfur reddaði en Víðir veiktist. 

Alma landlæknir er í hlutverki föðurins sem kallaði á kútinn. Ekki fyrir sjálfa sig heldur þjóðina.

Fremur lítið er í kútnum, rétt nóg fyrir eitt prósent þjóðarinnar.

 

Bóluefnið komið til Íslands