Evrópa á leið í pólitíska ísöld - Íslandi óviðkomandi

Eftir falla kommúnismans fyrir 25 árum stóðu vonir til að þýða yrði milli stærstu þjóða Evrópu. Sú von brást þegar Rússar voru einangraðir frá friðsamlegri þróun með því að ríki Varsjárbandalagsins voru tínd upp í Nató.

Tilvist Nató, eftir að Varsjárbandalagið leið undir lok, var yfirlýsing stóru Vestur-Evrópuríkjanna og Bandaríkjanna að öryggismál álfunnar skyldu ákveðin einhliða. Til skamms tíma gekk það snurðulaust fyrir sig, eða þangað til kom á Úkraínu.

Þá settu Rússar Nató-ríkjunum stólinn fyrir dyrnar. Úkraína verður um fyrirsjáanlega framtíð vettvangur togstreitu stórveldanna. Engin leið er fyrir Nató-ríkin að sigra í þessari deilu. Rússar geta á hvaða tíma sem er sett þrýsting á veikburða Nató-ríki, t.d. Eystrasaltslöndin, og sent rússneska hermenn að berjast í Úkraínu.

Stríðsástandið í Úkraínu mun leiða til erfiðari samskipta þjóða í Austur-Evrópu þar sem sífellt vofir yfir að átökin fari úr böndunum. Þegar flóttamenn frá stríðshrjáðri Úkraínu taka að streyma vestur mun vandinn magnast. 

Ísland á ekki að láta teyma sig út í pólitíska ísöld á meginlandi Evrópu.

 

Ítrekaði stuðning við þvingunaraðgerðir

Kommúnisminn hrundi á landamærum; ESB líka

Kommúnisminn hrundi þegar ekki var hægt að stöðva för fólks vestur yfir Berlínarmúrinn. Sumir fóru beint yfir múrinn en aðrir í gegnum Ungverjaland eða Tékkóslóvakíu. Þegar landamæri kommúnistaríkjanna hrundu fór yfirbyggingin sömu leið.

Evrópusambandið stendur frammi fyrir ónýtu Schengen-landamærasamstarfi sökum þess að aðildarríki ESB geta ekki komið sér saman um stefnu í málefnum flóttamanna frá Mið-Austurlöndum og Afríku.

Þjóðríkin munu eitt af öðru taka upp vörslu landamæra sinna. Þar með er einn af fjórfrelsið í hættu, sem er hornsteinn Evrópusambandsins. Eftir að settar eru hömlur á fólksflutninga gætu skorður verið reistar við flæði vöru, þjónustu og fjármagns milli ESB-ríkja.

Schengen að liðast í sundur?

Árni Páll: Samfylkingin er í rúst

Fyrsta skrefið í endurreisn einhvers er að viðurkenna vandann. Árni Páll Árnason formaður Samfylkingar játar í viðtali við RÚV að flokkurinn þarf endurreisnar við. Það er vonum seinna.

Samfylkingin varð að rúst við síðustu kosningar, fékk þá 12,9 prósent fylgi en hafði verið með tæp 30 prósent í kosningunum 2009.

Eitt mál umfram önnur keyrði Samfylkinguna fram af bjargbrúninni, það er ESB-umsóknin misheppnaða. Í stað þess að viðurkenna þá stöðu strax eftir kosningar, t.d. með því að gefa út yfirlýsingu um að ESB-aðild Íslands væri ekki á dagskrá í fyrirsjáanlegri framtíð, þá þumbaðist Árni Páll við og hélt dauðahaldi í ónýtasta mál allra mála íslenskrar stjórnmálasögu.

Evrópusambandið er í varanlegu upplausnarástandi sökum þess að núverandi stofnanir sambandsins standa ekki undir umfangi þess. Landamæraeftirlitið virkar ekki og evru-samstarfið virkar ekki. ESB mun þurfa áratugi að rétta sig af. Líklegra er þó að sambandið liðist í sundur á þeim tíma. Á meðan því stendur er óðs mann sæði að gefa aðild gaum. Allir með lágmarkslæsi í pólitík sjá þetta.

Ef Árni Páll kynni eitthvað fyrir sér í pólitík og væri sæmilega hugaður hefði hann átt strax eftir síðustu kosningar að viðurkenna vanda Samfylkingar og losna við líkið í lestinni, ESB-umsóknina.

En Árni Páll kann lítið í pólitík og er bleyða. Hann tók fremur þann kostinn að æða út á Austurvöll með Birgittu Jónsdóttur pírata og krefjast þess að ónýta ESB-umsóknin frá 16. júlí 2009 héldi gildi sínu í Brussel.

Birgitta kemst upp með slíka hegðun vegna þess að hún er í forsvari fyrir viðurkennt og stimplað uppreisnarlið. Samfylkingin var ekki stofnuð sem byltingarflokkur heldur samtök ráðsettra vinstrimanna sem fengið höfðu nóg af innbyrðis hjaðningavígum á 20. öld. 

Árni Páll mun ekki leiða endurreisn Samfylkingar. Formaðurinn er búinn að játa sig sigraðan.

 

„Þetta er ekkert rothögg“

Landsbankinn Isavia-væddur

Ráðagerð um að skrá Landsbankann á markað og selja allt að 30% hlut jafngildir Isavia-væðingu þjóðarbankans.

Isavia-væðing felur í sér tilboð um spillingu. Við getum verið viss um að tilboðinu verði tekið og að færri fá en vilja.

Íslenskir einkabankar settu Ísland nærri á hausinn fyrir sjö árum. Við ættum ekki að endurtaka þann leik.

Von á aðhaldsaðgerðum

Góða fólkið fær þrefalda yfirhalningu

Veruleikinn leiðréttir góða fólkið; Ísland er ekki með mannskap til að taka á móti nema fáeinum tugum flóttamanna. Góða fólkið vill taka á móti þúsundum.

Brynjar Nielsson setur í samhengi valkvæða elsku góða fólksins á mannréttindum.

Svavar Alfreð Jónsson tekur saman vinsældakapphlaup góða fólksins.

Píratar eru valkostur, ekki vinstriflokkarnir

Almenningur leggur Pírötum lið í skoðanakönnunum sem gerir þá á pappírunum valkost við hefðbundna stjórnmálaflokka. Vinstriflokkarnir ættu undir eðlilegum kringumstæðum að vera mótspyrna við hægristjórn.

Ástæðan fyrir því að vinstriflokkarnir eru ekki kostur í huga kjósenda er tvíþættur. Í fyrsta lagi er mistókst ríkisstjórn þeirra á síðasta kjörtímabili að móta heildstæða stefnu sem kenna mætti við vinstripólitík. Það mistókst að bræða saman tvær hefðir vinstristjórnmála á Íslandi, sem á seinni hluta síðustu aldar áttu heima í Alþýðuflokki og Alþýðubandalagi.

í öðru lagi blasir við skilgreiningarvandi flokksins sem átti að vera kjölfestan á vinstri vængnum. Samfylkingin hefur ekki gert upp við sig hvort hún sé markaðssinnaður miðhægriflokkur ESB-sinna eða jafnaðarmannaflokkur. Samfylkingin var stofnuð sem höfuðból en lætur eins og hún sé hjáleiga.

Vinstri grænir ánetjuðust ESB-stefnu Samfylkingar og skáru þar með af sér alla vaxtarmöguleika í þéttbýli og gereyddu fylginu á landsbyggðinni. Björt framtíð, sem átti að vera vinalega ásjóna vinstrimanna, er andlitslaus fuglahræða á einskinsmannslandi.

Píratar eru valkostur vegna þess að þeir markaðssetja sig sem stjórnmálaafl án fortíðar með framtíðina sem óskrifað blað. Það nægir almenningi sem veit i hjarta sínu að enginn raunverulegur valkostur er við ríkisstjórn Sjálfstæðisflokks og Framsóknarflokks.

Verðum að líta í eigin barm

Samfylkingin útrýmdi jafnaðarmönnum

Jafnaðarmenn voru einu sinni stór pólitískur hópur sem gerði sig gildandi í fleiri en einum stjórnmálaflokki. Með 9% er Samfylking ekki jafnaðarmannaflokkur. Dótturflokkurinn, Björt framtíð, er það ekki heldur. Tæplega gera Vinstri grænir tilkall til jafnaðarmennsku og þótt svo væri það klénn jafnaðarmannaflokkur sem hangir í 12 prósent fylgi.

Píratar eru vitanlega ekki jafnaðarmenn.

Samfylkingin, sem stofnuð var um aldamót til að sameina jafnaðarmenn, er búin að útrýma þeim. Á 15 árum er búið að slátra pólitískri hefð á Íslandi.

Maður tárast af minna tilefni.

Minnsta fylgi Samfylkingarinnar í 17 ár

Schengen-samstarfið í hættu

Auk þeirra 350 þúsund flóttamanna sem koma í ár yfir Miðjarðarhaf eru 1,4 milljón á vergangi í Vestur-Úkraínu vegna deilna Nató-ríkja og Rússa um forræðið þar í landi. Þessir flóttamenn munu leita í auknum mæli til Vestur-Evrópu.

Í gær var haft eftir Angelu Merkel kanslara Þýskalands að ef ekki tekst að jafna flóttamönnum niður á hvert og eitt ESB-ríki, í samræmi við kvóta, sem Brussel gæfi út, þá yrði hvert ríki fyrir sig að taka upp landamæraeftirlit.

Þar með væri Schengen-samstarfið í uppnámi, en það kveður á um frjálsa för innan Schengen-ríkja, og er Ísland aðili að þessu samstarfi.

Fyrir Ísland er einfalt að taka upp landamæraeftirlit, en nokkru flóknara fyrir ríki meginlands Evrópu.

350 þúsund flóttamenn á átta mánuðum

ASÍ blekkir með tölum

Á almennum vinnumarkaði er launaskrið sem fer hraðara eftir því sem atvinnuleysið er minna. Í dag er sama og ekkert atvinnuleysi og þar með eru umsamdir kauptaxtar aðeins viðmið, launaskrið kemur sem viðbót.

Á opinbera markaðnum er sama og ekkert launaskrið. Opinberir starfsmenn eru með þau laun sem launataxtar segja.

Þegar forseti ASí slær fram tölum um ólíka hækkun kauptaxta á almenna vinnumarkaðnum annars vegar og hins vegar þeim opinbera þá er hann að bera saman epli og appelsínur.

 

Hækkanir frá 18 til 45%