Múslímsk móðir: blessun að barnið mitt dó

Finnsk kona, sem gekk múslímatrú á hönd, skrifar um tilveru sína í Ríki íslams, Kalífadæminu í Sýrlandi og Írak, í nýjasta hefti samtakanna, Dabiq. Konan, Umm Khalid al-Finlandiyyah, er fædd inn í kristni en fann trúarsannfæringu sinni farveg í múslímatrú. 

Hún lýsir hve vel henni líði í Ríki íslams þar sem börnin hennar eru alin upp í sannri trú. Hér er kafli úr ritgerð Umm Khalid þar sem hún lýsir hve þakklát hún er að barnið sitt dó ,,píslarvættisdauða." 

Here you’re living a pure life, and your children are being raised with plenty of good influence around them. They don’t need to be ashamed of their religion. They are free to be proud of it and are given the proper creed right from the start. After four months of us being here, my son was martyred, and this was yet another blessing.

Ef kristin kona talaði á þessum nótum um barnið sitt yrði hún óðara stimpluð sem geðveik. En Umm Khalid er sannfærður múslími og finnst aldeilis frábært að barnið hennar dó fyrir trúna. Samfélagsrýnirinn Sam Harris tekur Umm Khalid sem sýnishorn af brjálæðinu sem boðið er upp á í nafni múslímatrúar.

Barnið sem sprengdi sig og um 50 aðra í loft upp í brúðkaupsveislu í Tyrklandi átti kannski móður eins og Umm Khalid al-Finlandiyyah.

12 til 14 ára barn í sprengjuvestinu

Vont fyrir stjórnmálin ef Sigmundur Davíð hættir

Sigmundur Davíð Gunnlaugsson var skotmark áróðursherferðar fjölmiðla, þar sem RÚV fór fremst í flokki. Hlutlægir blaðamenn, sem fóru í saumana á svokölluðum Panama-skjölum, segja ekkert misjafnt koma fram um fjármál Sigmundar Davíðs og eiginkonu hans. Blaðamenn Guardian skrifa:

Guardian hefur ekki séð neinar sannanir fyrir skattaundanskotum eða óheiðarlegum ávinningi Sigmundar Davíðs, Önnu Sigurlaugar eða Wintris.
(The Guardian has seen no evidence to suggest tax avoidance, evasion or any dishonest financial gain on the part of Gunnlaugsson, Pálsdóttir or Wintris.)

RÚV-herferðin gegn Sigmundi Davíð er ein ljótasta misnotkun fjölmiðla á seinni árum. Ríkisfjölmiðillinn þverbraut eigin siðareglur í raðfréttaflutningi sínum um mál Sigmundar Davíðs og eiginkonu hans.

Við viljum ekki að siðlausir fjölmiðlar ráði ferðinni í íslenskum stjórnmálum. Þess vegna er brýnt að Sigmundur Davíð haldi áfram þátttöku sinni í stjórnmálum. Ef hann hættir vegna RUV-herferðarinnar yrði það sigur siðleysis yfir siðmenningu.

Sigmundur vill leiða flokkinn áfram

Stórflótti af alþingi

Þeim fækkar sem gefa kost á sér til þingsetu eftir kynni af stjórnmálum og fjölmiðlaumræðu. Ásmundur Einar er líklega 18 sitjandi þingmaðurinn sem ákveður að gefa ekki kost á sér til endurkjörs.

Ásmundur Einar á aðeins að baki tvö kjörtímabil sem þingmaður og ætti framundan sín bestu ár í stjórnmálum. Ekki er æskilegt að alþingi sé umturnað á fárra ára fresti og eintómir nýliðar véli um löggjöfina og skipi stjórnarráðið.

Alþingi er æðsta stofnun lýðveldisins og stórflótti þaðan sýnar að stjórnmálamenning okkar er ekki í lagi.

Ásmundur Einar hættir á þingi

Múslímar hraða afkristnun vesturlanda

Múslímskur bænaprestur á Ítalíu birti mynd af nunnum að baða sig í fullum skrúða til að sýna fram á tvöfalt siðgæði þeirra sem vilja banna búrkur. Fjöldainnreið múslíma í Evrópu mun hraða afkristnun álfunnar.

Vesturlönd hófu að afkristnast með upplýsingunni og frönsku byltingunni. 19. öldin var slagsmálaöld milli veraldarhyggju og kristni í Evrópu. Eftir aftrúarvæðingu á 20. öld og tilraun með veraldleg trúarbrögð, fasisma og marxisma, naut mild kristni í formi kristilegra stjórnmálaflokka hylli áratugina eftir seinna stríð. Evrópusambandið er afurð þeirrar þróunar og það stendur á bjargbrún.

Eina raunhæfa svarið við ágengni múslímskrar trúarmenningar í Evrópu er að hraða veraldarvæðingunni og útiloka trúarleg hindurvitni frá opinberum vettvangi. Það felur í sér afkristnun.

Vill banna búrkuna að hluta

Bretar nenna ekki EES, baráttan gegn aðild Íslands er hafin

Bretar vilja ekki EES-samninginn sem Ísland, Noregur og Lichentstein eru með við Evrópusambandið. Samningurinn skerðir nýfengið fullveldi Bretlands. Bretar ákváðu í þjóðaratkvæðagreiðslu 23 júní að hætta í Evrópusambandinu. Þeir munu ekki biðja um aukaaðild í gegnum EES-samninginn.

Úrsögn Breta úr ESB, Brexit, átti að leiða til hörmunga. Ekkert slíkt gerðist. Jafnvel ESB-sinnar á Guardian viðurkenna að áróðurinn um efnahagslega ísöld reyndist innihaldslaus.

Trúverðugleiki EES-samningsins stórskaðast þegar Bretar hafna aðild að honum. Ísland og Noregur sitja uppi með samning sem ekki er samkeppnisfær.

Niðurstaðan er einboðin: baráttan gegn EES-samningnum er hafin á Íslandi.

Vilja frekar svissnesku leiðina

70% útiloka Samfylkinguna - sóknarfæri?

Sjö af hverjum tíu kjósendum útiloka að Samfylkingin fái atkvæði sín. Samt sér flokkurinn ágæt sóknarfæri í pólitík.

Hvernig væri að þóknast 70 prósent kjósenda og leggja flokkinn niður?

Við það yrðu til sóknarfæri fyrir heilbrigðan vinstriflokk.

Samfylkingin eygir sóknarfæri

Eygló eyðileggur stjórnarsamstarfið - nema...

Eygló Harðardóttir er ráðherra í ríkisstjórn Framsóknarflokksins og Sjálfstæðisflokks. Hún afneitar ríkisstjórninni í lykilmáli og það hlýtur að hafa afleiðingar.

Tvær afleiðingar eru mögulegar.

a. Eygló situr áfram eins og ekkert hafi í skorist. Fordæmið sem skapast er að ráðherrar hafi fullt leyfi til að segja sig frá stjórnarsamstarfinu eftir hentugleikum.

b. Formaður Framsóknarflokksins stokkar upp ráðherraliðið sitt, auðvitað í samvinnu við Sjálfstæðisflokkinn, og Eygló víkur úr ríkisstjórninni.

Stundum eru aðeins tveir kostir í boði.

Lykilatriði að standa saman

Píratar í lýðræðislegu svartholi

Kosningar án atkvæðatalna eru eins og lýðræði í einsflokksríki - aðeins nafnið tómt. Píratar þóttust halda prófkjör en gefa ekki upp atkvæðatölur.

Skýring Pírata: Computer says no.

Aðalbaráttumál Pírata er að breyta stjórnarskránni. Við getum rétt ímyndað okkur hvers konar stjórnarskrá þeir munu smíða handa þjóðinni. Völdin yrðu færð forriturum Pírata í hendur og þar með leyndó hver vélaði með þau.

Engar tölur úr prófkjöri fylgdu

Eygló klofnar til vinstri

Eygló Harðardóttir styður ekki fjármálaáætlun ríkisstjórnarinnar sem hún situr í. Eygló íhugar formannsframboð í Framsóknarflokknum og myndi færa flokkinn til vinstri.

Helsti ráðgjafi Eyglóar er Stefán Ólafsson prófessor sem áður var ráðgjafi Jóhönnu Sigurðardóttur formanns Samfylkingar.

Með því að sitja hjá í stórmáli ríkisstjórnarinnar markar Eygló sér bás til vinstri. Verði Eygló formaður er Framsóknarflokkur síðustu ára horfinn sjónum borgaralegra sinnaðra kjósenda sem hljóta að fylkja sér um Sjálfstæðisflokkinn.

Tveir stjórnarþingmenn sátu hjá

Rétt greining hjá Bjarna Ben: fjölmiðlar eru samfélagsmiðlar

Íslenskir fjölmiðlar eru reknir á sömu forsendum og samfélagsmiðlar, þeir taka þátt í umræðu en stunda ekki faglegan fréttaflutning þar sem gilda fréttaviðmið og siðareglur. Bogi Ágústsson, fréttamaður RÚV og yfirmaður til margra ára viðurkenndi þetta þegar hann skilgreindi hugtakið frétt:

,,Farðu bara á kaffihús, á mannamót. Um hvað er talað? Þá sérðu hversu stór frétt þetta er."

Fréttin sem Bogi talaði um var í raun umræða sem RÚV stóð fyrir um fjármál þáverandi forsætisráðherra, Sigmundar Davíð Gunnlaugssonar.

Í umræðunni um mál Sigmundar Davíðs þverbraut RÚV sínar eigin siðareglur.

 

 

Fjölmiðlar lítið annað en skel