Evru-lönd með 10,1 % atvinnuleysi

Þau 16 lönd ESB-svæðisins sem hafa evru sem gjaldmiðil eru með 10,1 prósent atvinnuleysi. Ríkin 27 sem mynda Evrópusambandið mælast með 9,7 prósent atvinnuleysi. Meðaltalið felur miklar öfgar, í Hollandi er atvinnuleysi undir fimm prósent en um 20 prósent á Spáni.

Ríki vestan við okkur, Bandaríkin og Kanada, standa sig betur og búa við 8 prósent atvinnuleysi.

Evrópusambandið leggur ekki mikið upp úr baráttu gegn atvinnuleysi nú um stundir. Aðalverkefnið er að verja myntsvæðið og forða Grikkjum og Spánverjum frá gjaldþroti.

Atvinnuleysi að meðaltali 8,7%

Samfylking með þing og þjóð í gíslingu

Samfylkingin er eina stjórnmálaaflið fylgjandi inngöngu Íslands í Evrópusambandið. Þjóðin harðneitar inngöngu í ESB og yfirgnæfandi meirihluti vill að við drögum umsóknina tilbaka. Á alþingi verður lögð fram þingsályktun um að draga umsóknina tilbaka áður en frekari skaði er skeður.

Í krafti ríkisstjórnarsetu beitir Samfylkingin neitunarvaldi og kúgar samstarfsflokkinn til hlýðni. Sannfæring þings og þjóðar fer saman í afstöðinni til ESB. Samfylkingin ein stendur í vegi fyrir lýðræðislegum vilja þings og þjóðar.

Samfylkingin fékk innan við þriðjung atkvæða í síðustu þingkosningum. Flokkurinn mælist með 20 prósent fylgi í skoðanakönnunum. Hvernig stendur á því að Samfylkingin fær alræðisvald í utanríkismálum þjóðarinnar?

Meirihluti vill draga umsókn um aðild til baka

Sex af tíu vilja hætta við ESB-umsókn

Afgerandi meirihluti landsmanna, 58 prósent, vill draga tilbaka umsókn Íslands um aðild að Evrópusambandinu. Aðeins 24 prósent vilja halda umsókninni til streitu. Tæpur fimmtungur tekur ekki afstöðu.

Í könnuninni er spurt um afstöðu fólks til þess að setja fjármuni í umsóknina. Í spurningunni er miðað við tölu utanríkisráðuneytisins sem segir að umsóknin mun kosta 990 milljónir króna, en það er vanáætlun. Tæp 70 prósent aðspurðra telja þessum peningum illa varið. Má nærri geta um afstöðu fólks þegar það frétti að kostnaðurinn mun hlaupa á milljörðum króna. 

Í vikunni verður lögð fram þingsályktun um að Ísland dragi tilbaka umsóknina um aðild að ESB.

 

Könnunin er unni af MMR fyrir Andríki.

 

Risavaxin hagfræðitilraun

Fjármálakreppan leiddi til lánsfjárþurrðar fyrirtækja og einstaklinga. Ónýt lánasöfn víða um heim er undirliggjandi orsök kreppunnar en þessi lánasöfn urðu ónýt einmitt vegna þess að af ofgnótt var af lánfé. Seðlabankar óttuðust að lánsfjárkreppan myndi leiða til verðhjöðnunar og langvarandi samdrætti í efnahagsstarfseminni.

Viðbrögð seðlabanka voru að prenta peninga og lækka vexti niður í nánast núll. Fyrr heldur en seinna mun offramboð af peningum leiða til rýrnunar þeirra, þ.e. leiða til verðbólgu.

Þegar verðbólga gerir vart við sig munu vextir hækka. Hækki vextir of snemma mun það leiða til afturkipps í efnahagslífinu en hækki þeir og seint verður verðbólgan erfið viðureignar. 

Hagfræðitilraunin er áhugavert viðfangsefni.

Vextir hækka ekki fyrr en 2011

Gagntilboð Hönnu Birnu

Hanna Birna gæti þvegið hendur sínar af tilboði sjálfskipaðra kjána og taugaveiklaðs samfylkingarfólks. Trúlega gerði hún betur með því að gera þeim gagntilboð um að skipta völdum í embættum og nefndum borgarinnar í samræmi við kjörfylgi.

Af því leiddi að Sjálfstæðisflokkurinn fengi þriðjungsvægi í embættum, nefndum og ráðum, Besti flokkurinn sama hlutfall, Samfylkingin fimmtungshlut og Vg innan við tíundahluta.

Gnarr og félagar vera að gera fljótt upp við sig hvort þeir ætla í pólitík eða vera áfram fífl.

Hanna Birna hefur ekki tekið ákvörðun

Aðeins ESB-sinni í framboði, gengur ekki

Þorsteinn Pálsson þáverandi ritstjóri Fréttablaðsins handvaldi Ólöfu Nordal þingmann til að hefja greinarflokk um Evrópusambandið fyrir tveim árum. Ólöf skrifaði fyrir tveim árum að aðeins væri tímaspurning hvenær Ísland stæði frammi fyrir aðild að ESB.

Dagurinn kom 16. júlí 2009 þegar Samfylkingin þröngvaði í gegnum alþingi ályktun um að sækja um aðild. Ólöf hefur mest lítið haft sig í frammi í andófi gegn samfylkingarumsókninni enda að líkum; Ólöf talar í hálfvelgju rétt eins og margir aðildarsinnar sem þora ekki að sýna sinn rétta lit.

Um 70-80 prósent sjálfstæðismanna er mótfallin aðild Íslands að Evrópusambandinu. Ólöf Nordal getur aldrei orðið fulltrúi þessa hóps.

Hvetja Ragnheiði Elínu til að bjóða sig fram

Hásumarstaugaveiklun

Á miðju sumri er pólitískt frí í venjulegu ári. 2010 er ekki venjulegt ár og þrír stærstu flokkar landsins eru með flokksráðs og landsfundi sömu helgina í lok júní. Eiginlega er herjun flokkanna á sömu helgina hjákátleg því þeir tapa allir.

Til skamms tíma var þegjandi samkomulag milli stjórnmálaflokka að veita gagnkvæma fyrirgreiðslu með því að vera ekki með pólitískar uppákomur þegar einhver flokkur hélt landsfundi og jafnframt að stytta þingdagskrá ef svo bæri við.

Aðrir tímar eru ríkjandi nú til dags. Sjálfstæðisflokkurinn boðaði landsfund 25.-26. júní snemma í vor. Síðan hafa Samfylking og Vg báðir komist að þeirri niðurstöðu að bráðnauðsynlegt sé að halda flokksráðsfundi sömu helgi. Vinstriflokkarnir eru nánast að segja að efni móðurflokkur íslenskra stjórnmála til landsfundar verða litlu flokkarnir að minna á sigl

Boða til flokksráðsfunda

Skilaboðin á bakvið auglýsingar Flugleiða

Flugleiðir, sem heita víst Icelandair, fjölbirta ímyndarauglýsingar í Sjónvarpinu þar sem útlendingar segja  eitthvað um ónafngreinda Íslendinga. Markmið auglýsinganna virðist vera að fá okkur til að trúa því að við séum talin stofuhæf erlendis.

Útlendingarnir segja eitthvað saklaust og hversdagslegt um hina og þessa Íslendinga.

Ímyndin um að við séum um það bil í lagi, samkvæmt útlendingum, heldur eins lengi og við við gleymum því að útlendingarnir fá borgað fyrir að tala um Íslendinga.

Össur vill hefja innlimun í ESB 17. júní

Utanríkisráðherra skrapp á dögunum til vinar síns Carl Bildt utanríkisráðherra Svíþjóðar til að fá liðsinni að setja umsókn Íslands á dagskrá leiðtogafundar ESB þann 17. júní. Ef samþykkt leiðtogaráðsins hefst formlegt aðlögunarferli Íslands að Evrópusambandinu. Eiginlegar samningaviðræður er ekki um að ræða þar sem ESB breytti fyrir áratug reglunum um inngöngu.

Eftir helgi verður lögð fram tillaga að þingsályktun um að Ísland dragi umsóknina um aðild að ESB tilbaka. Tillaga endurspeglar vilja þingsins og þjóðarinnar.

Össur Skarphéðinsson utanríkisráðherra fer fyrir einkaleiðangri Samfylkingar til Brussel. Það er dæmigert fyrir Össur og félaga að freista þess að hefja innlimunarferli Íslands í Evrópusambandið 17. júní.

Umsóknin er ekki á dagskrá

Afneitun og ofjátun vandamála

Fréttir í dag segja að skuldarar, sumir hverjir, neiti að horfast í augu við vandræði sín fyrr en allt sé um seinan. Afneitun er aðferð til að kljást við veruleikann. Einstaklingur sem sér ekki neina leið úr fjárhagsskuldbindingum sínum gæti valið að afneita vandanum. Afneitun getur verið heilbrigðum einstaklingi ítrasta vörn en oftar er hún flóttaleið fólks sem hefur tamið sér lausung og ábyrgðarleysi.

Ofjátun vandamála er þegar alltof mikið er gert úr vanda sem glímt er við. Afneitun getur hæglega breyst í ofjátun. Fyrir 30 árum var herferð fyrir viðurkenningu á alkahólisma og að þeir sem glímdu við vandann tækjust á við hann - en forsenda er vitanlega að gangast við áfengissýkinni. Herferðin tókst svo vel að um tíma þótti það manndómsmerki að vera áfengissjúklingur.

Á milli afneitunar og ofjátunar er meðalhófið.