Mannréttindum fórnað fyrir öryggi

Hryðjuverk múslíma á vesturlöndum eru gerð í skjóli opins samfélags. Til að stemma stigu við uppgangi herskárra múslíma verða vesturlönd að fórna mannréttindum.

Hollande Frakklandsforseti lýsti yfir stríði við múslímska hryðjuverkamenn eftir árásina á París. Allt frá förnsku byltingunni á 18. öld er Frakkland vagga vestrænna mannréttinda.

Táknrænt er að Frakkland þrengi að mannréttindum til að koma böndum á múslímska hryðjuverkahópa. Mannréttindi og múslímatrú fara ekki saman.

„Neyðarástand“ í stjórnarskrána

Þúkýdídes í Sýrlandi - vanmáttur vesturlanda

Vald í stríði og friði var fyrst skilgreint af Þúkýdídes, sem skrifaði um deilur Aþenu og Spörtu á dögum Pelsópseyjarstríðsins. Bókin er til í íslenskri þýðingu Sigurjóns Björnssonar.

Í Meleyjarþætti segir af herför Aþenumanna. Aþenumenn stilla eyjarskeggjum upp við vegg: annað hvort gefast þeir upp, gjalda Aþenu skatt og verða þeirra bandamenn eða að Meleyingum verði gjöreytt.

Meleyingar taka þann kost að veðja á stríðsgæfuna og tapa; þeim er tortímt.

Assad Sýrlandsforseti býður andstæðingum sínum upp á sömu kjör; gefast upp eða deyja. Með kaldrifjaðri hörku og stuðningi frá Rússum og Íran sækir her Assads fram gegn uppreisnarmönnum, er njóta stuðnings Bandaríkjanna og Nató.

Guardian segir frá þrem þorpum á valdi uppreisnarmanna er voru yfirgefin af ótta við loftárásir Rússa. Af fréttinni að ráða virtust þorpsbúar hlynntir uppreisnarmönnum en sáu þann kostinn vænstan að biðja þá að yfirgefa vettvang áður en rússneskar hervélar tortímdu byggðinni fyrir hönd Assad.

Vesturlönd geta ekki háð hernað á sömu forsendum og Assad og Rússar og Íranar. Almenningur heldur Bandaríkjunum og Nató við önnur siðagildi en þau sem múslímar og Rússar fylgja.

Vesturlönd gera ekki annað en að auglýsa vanmátt sinn í miðausturlöndum. Innrásin sem hleypti öllu í bál og brand, Íraks-innrás Bandaríkjanna og Nató árið 2003, átti að sýna styrk vesturlanda en gerir þveröfugt.

Styrkur, kenndi Þúkýdídes, er takmarkalaus valdbeiting. Vesturlönd ættu að láta sér nægja sjálfsvörn en ekki valdeflingu á framandi slóðum.  

 

   

Sökuð um „gjöreyðingu“

Sterkir leiðtogar þegar miðjan hrynur

Pólitíska miðjan er hrunin, bæði í Bandaríkjunum og Evrópu. Sterkir leiðtogar fylla upp í tómarúmið sem miðjan skilur eftir sig. Vangeta stjórnmálaelítunnar að mæta áhyggjum almennings um aukna misskiptingu auðs og múslímavæðingar er meginástæða hruns miðjunnar.

Jacek Rostowski, fyrrum utanríkisráherra Póllands, skrifar um eftirspurnina eftir sterkum leiðtogum. Í Aftenposten er samantekt um efnahagslegar og pólitískar forsendur sterkra leiðtoga.

María Le Pen leiðtogi Front National er ein útgáfa af þessum sterku leiðtogum. Hótanir múslímskra hryðjuverkasamtaka gera ekki annað en að auka eftirspurnin í Frakklandi eftir Maríu, en fyrirmynd hennar er Jóhanna af Örk - annar sterkur leiðtogi sem franska þjóðin lyfti á stall á tvísýnum tímum.  

Front National helsta skotmark Ríkis íslams

Svanur kennir Pírötum Machiavelli

Ungt fólk nennir ekki að kjósa, segir Svanur Kristjánsson prófessor í stjórnmálafræði, og víst er það satt og rétt hjá honum.

En prófessor Svanur, sem er Pírati, vill engu að síður að fá sinnulausa fólkið á kjörstað til að kjósa róttæklingana í Pírötum að breyta Íslandi.

Mótsögnin, að sinnulausir kjósendur breyti stjórnskipun landsins, er ekkert að þvælast fyrir Svani. Píratinn Svanur nálagst valdið eins og Machiavelli.

Píratar boða stjórnleysi

Stjórnmál á landsvísu ganga þannig fyrir sig að ekki skemur en á fjögurra ára fresti leggja þingmenn á alþingi gerðir sínar fyrir dóm almennings. Í kosningum gefst þjóðinni tækifæri að skipta út meirihluta á alþingi, nokkuð sem hún gerir reglulega.

Á milli kosninga er ætlast til þess að meirihlutinn á alþingi skapi stjórnfestu sem samfélagið og opinberar stofnanir þurfa á að halda til ekki ríki stjórnleysi.

Píratar eru yfirlýstir andstæðingar stjórnfestu og vilja stjórnleysi. Píratar ætla að bylta stjórnskipuninni með nýrri stjórnarskrá. Reglulegar þjóðaratkvæðagreiðslur komi í stað þingkosninga sem afgerandi þáttur stjórnmálanna.

Enginn meirihluti verður til í stjórnskipulagi Pírata, aðeins síkvikt múgræði sem vill eitt í dag og annað á morgun. Litlar klíkur hingað og þangað um samfélagið munu keppast um að finna stærsta samnefnarann hverju sinni en almenningur verður afhuga og kosningaþátttaka minnkar.

Eftir upplausnarástand Pírata kemur krafa um sterka leiðtoga sem sjái til þess að fólk fái frið fyrir stjórnmálum.

„Óábyrgt að fara frá borði“

Rússar kljúfa Nató

Rússar gefa til kynna að þeir séu tilbúnir að styðja Kúrda til sjálfstæðs ríkis. Til að svara Rússum verða Bandaríkin að sýnast hliðhollir Kúrdum.

Nató-þjóðin Tyrkland telur kröfur Kúrda um sjálfstætt ríki ógna þjóðaröryggi sínu. Í stríðinu í Sýrlandi styðja Tyrkir alla sem stríða við Kúrda - jafnvel öfgahópa eins og Ríki íslams.

Bandaríkin eru á fallanda fæti í miðausturlöndum. Aðalbandamaður þeirra í heimshlutanum, fjölskylduríkið Sádí Arabía, sýnir veikleikamerki. Bandaríkin þora ekki að missa velvild Kúrda en gætu tapað Tyrkjum komi þeir til móts við Kúrda.

Pútín Rússlandsforseti er með frumkvæðið á skákborði alþjóðastjórnmála um þessar mundir.

Vestrið velji Tyrkland eða Kúrda

Verðtrygging skiptir ekki máli - í engri verðbólgu

Verðtrygging skiptir ekki máli þegar verðbólga er lítil sem engin. Komi verðbólguskot hækka verðtryggð lán, sem nær eingöngu eru langtímalán, og afborgarnir hækka.

Verðtrygging verður ekki til umræðu í kosningabaráttunni ef verðbólgan er lág.

Framsóknarflokkurinn ætti ekki að hafa áhyggjur af umræðu um verðtrygginu ef ríkisfjármálin eru í lagi og þensla valdi ekki verðbólgu.

Framsókn hefur „miklar áhyggjur“

Draugur nasista vaknar í Þýskalandi

Innviðir Þýskalands eru við það að brota vegna flóttamannastraums frá múslímaríkjum í miðausturlöndum og Norður-Afríku. AfD-flokkurinn, sem stofnaður var til höfuðs ESB, er orðinn að heimili þeirra sem andsnúnir eru múslímavæðingu Þýskalands.

AfD mælist með 12 prósent fylgi og aldrei fengið jafn mikinn byr í seglin. Leiðtogi flokksins, Frauke Petry, sagði að nota ætti vopna til að stöðva flóttamannastrauminn ef ekki væru aðrar leiðir færar. Fjórði hver Þjóðverji er sammála Petry, samkvæmt könnun.

Þetta er nasísk orðræða, segja gagnrýnendur Petry og AfD.

Flóttamannastefna byggist á skynsemi

Bandaríkin/ESB tapa í Sýrlandi, Rússar sigra

Með stuðningi Rússa og Írana er stjórnarher Assads búinn að umkringja stærstu borg Sýrlands, Aleppo, sem að stærstum hluta hafa verið undir stjórn uppreisnarmanna sem njóta stuðnings Bandaríkjanna og Nató.

Falli Aleppo yrði það stórsigur Rússa. Að sama skapi er umræðan í Bandaríkjunum afar gagnrýnin á frammistöðu Obama forseta og hann sakaður um svik við uppreisnarmenn.

Pútín Rússlandsforseti ákvað að beita sér í Sýrlandi af krafti í framhaldi af Úkraínudeilunni við Bandaríkin og ESB.

Sterkari staða Rússa í Sýrlandi bætir stöðu Pútíns á alþjóðavettvangi, þar með talið í Úkraínudeilunni.

Evrópusambandið er að kikna undan straumi flóttamanna frá Sýrlandi. Án samkomulags við Rússa verður enginn friður í miðausturlöndum. Lausn í miðausturlöndum er nátengd Úkraínudeilunni.

 

 

Sýrlendingar streyma að landamærunum

Vinstrapopúlistaáhlaup Kára misheppnaðist

Pólitískir hópar i landinu eru í grófum dráttum þrír: vinsrimenn, hægrimenn og miðjumenn. Til að búa til samstöðu um eitthvert þjóðþrifamál þarf að ná tveim af þrem þessum hópum. Það tókst í Icesave-málinu; í framhaldi var skipt um ríkisstjórn og Ólafur Ragnar var endurkjörinn forseti á sömu forsendum.

Kári Stefánsson fékk með sér í undirskriftarsöfnunina vinstrihópinn heilan og óskiptan, en fáa miðjumenn og enn færri hægrimenn.

Kári viðurkenndi ósigur í hádegisfréttum RÚV og við getum snúið okkur að næsta umræðefni.

 

„Þessi skítur er á minni ábyrgð“