Steingrímur J. klýfur Vg

Vinstrihreyfingin grænt framboð stendur á tímamótum. Forysta flokksins sagði skilið við veigamesta stefnumið sitt, að Ísland skuli standa utan Evrópusambandsins, og um leið sagði forystan skilið við almenna félagsmen og kjósendur flokksins.

Steingrímur J. Sigfússon formaður flokksins ber höfuðábyrgð á því hvernig komið er fyrir flokknum.

Valið stendur á milli formennsku Steingríms J. og klofnings í Vinstrihreyfingunni grænu framboði.

Vonbrigðin eru öll okkar, Steingrímur J.

Þúsundum saman flykktust kjósendur til Vinstrihreyfingarinnar græns framboðs við síðustu kosningar, þar á meðal höfundur þessara orða. Framboð Vg gekk út á heiðarleika, orðheldni og stefnufestu. Frá stofnun hafði flokkurinn barist gegn aðild Íslands að Evrópusambandinu og fyrir kosningar var ekkert slegið af með þá stefnu að hagsmunum Íslands væri betur borgið utan Evrópusambandsins.

Eftir kosningar fór lítið fyrir heiðarleika, orðheldni og stefnufestu Vinstrihreyfingarinnar græns framboðs. Steingrímur J. og forystan keypti ríkisstjórnarþátttöku því verði að fórna andstöðunni við inngöngu Íslands í Evrópusambandið.

ESB-undanhaldið hélt áfram þegar Bretar og Hollendingar gerðu kröfu um endurgreiðslu vegna Icesave-reikninga. Steingrímur J. ber sem fjármálaráðherra höfuðábyrgð á landráðasamningum sem þjóðin felldi í mars 2010.

Steingrímur J. segist hafa orðið fyrir gríðarlegum vonbrigðum með að þrír þingmenn Vg sitja hjá við afgreiðslu fjárlagafrumvarpsins. Þau vonbrigði eru hjóm eitt í samanburði við þúsundir kjósenda Vinstrihreyfingarinnar græns framboðs sem Steingrímur J. sveik eftir síðustu kosningar.

„Gríðarleg vonbrigði“

Ríkisstjórnin starfar á undanþágu

Hugsjónaþingmenn Vinstri grænna gefa ríkisstjórn Jóhönnu Sig. gult spjald. Á bakvið áminninguna eru fleiri en þeir þrír þingmenn sem munu sitja hjá við atkvæðagreiðslu um fjárlagafrumvarpið. Í reynd starfar ríkisstjórnin á undanþágu frá þingflokki Vg.

Á alþingi ríkir þrátefli þar sem veik stjórn og veikari stjórnarandstaða geta sig hvergi hrært. Lamandi ótti stjórnmálaflokka við almenning er það eina sem kemur í veg fyrir kosningar.

Á nýju ári er það spurning hvaða stjórnmálaflokkur það verður sem þorir að krefjast kosninga.

Lilja, Atli og Ásmundur á móti

Þingmenn Vg á móti stjórninni

Þrír þingmenn Vinstri grænna munu sitja hjá við atkvæðagreiðslu um fjárlagafrumvarpið. Á bakið þessa þrjá eru aðrir þingmenn Vg sem munu láta gott heita í þetta sinn og hleypa frumvarpinu í gegn. Ríkisstjórnin má þó vita að önnur mál, t.d. Icesave og umsóknin um aðild að ESB, gætu framkallað fleiri stjórnarandstöðuþingmenn innan raða Vg.

Á alþingi er loftið þykkt af heift. Trúnaður milli þingmanna er í lágmarki. Þeir sem áður heilsuðust og töldust í sama liði þykjast ekki sjá hvern annan.

Við þessar kringumstæður kveikir neisti bál. 

 

Óvissa um meirihlutann

Írskir þrælar Evrópusambandsins

Írska stjórnarandstaðan segir það nöturlegt að fátæklingar séu látnir borga fyrir viðskiptaævintýri braskara. Tilefnið er sparnaðaraðgerðir þar sem skattar hækka, laun lækka og velferðakerfið skorið niður við trog. Stjórnarandstaðan vill að þeir sem lánuðu írskum bönkum fé til að braska með beri hluta skaðans.

Fjármálaráðherra Írlands, Brian Lenihan, sagði írsku stjórnarandstöðuna lifa í draumaheimi ef hún héldi að hægt væri að ganga gegn óskum Evrópska seðlabankans um að höfuðlánveitendum yrði tryggð greiðsla. Samkvæmt Telegraph 

Brian Lenihan, the finance minister, accused Fine Gael of playing with fire. “Those who think we can unilaterally renege on senior bondholders against the wishes of the ECB are living in fantasy land,” he said.

Írar eru orðnir efnahagslegir þrælar Evrópusambandsins.

Fátæktarklám

Ókeypis framfærsla verður að vana. Þeir sem eiga pening en enga sjálfsvirðingu fara í biðröð eftir ókeypis mat og setja krónurnar í skemmtilegheit en ekki framfærslu. Á meðan einhverjir verja tíma og fjármunum til að úthluta ókeypis mat handa þeim sem þess óska ættu allir að vera ánægðir. Þeim sem gefa líður vel og þiggjendur væru líklega ekki að þessu nema af því þeir telja það sér til hagsbóta.

Leiðindin koma til sögunnar þegar biðraðir eftir mat eru sagðar vera eitthvað annað en ósk um ókeypis framfærslu.

„Aðrir voru ævareiðir“

Sólheimar taka samfylkingu á stjórnina

Það er orðið opinbert sem flestir vissu: vinstrimenn misþyrma fötluðum með því að taka frá þeim þær naumu bjargir sem samfélagið hafði þó skaffað. Ríkisstjórnin lætur sér ekki nægja að stela frá skattgreiðendum heldur getur hún ekki varið þá sem höllustum fæti standa.

Samfylkingin er spunaflokkur Íslands númer eitt, tvö og þrjú. Innsta eðli Samfylkingar er spuninn.

Þegar samfylkingarfólk hrekkur í kút yfir spuna annarra finnur barnið til bragðsins.

Þjónustu við fatlaða hætt

Íþyngjandi fyrir Jón Ásgeir

Hádegisfréttir RÚV fluttu viðtal við Jón Ásgeir Jóhannesson fyrrum Baugsstjóra sem kvað lífsreynsluna að hafa verið dregin fyrir dóm í New York vera sér og sínum ,,íþyngjandi." Viðtalið var, note bene, ekki tekið í biðröð Fjölskylduhjálparinnar heldur millilenti Jón Ásgeir hér á ferð sinni frá London í lúxusíbúðina sem hann á í New York í boði Landsbankans.

Jón Ásgeir sagðist hafa þurft að borga á þriðja hundrað milljónir vegna málssóknarinnar og ætlar í mál við slitastjórn Glitnis og peningana endurgreidda.

Fréttamaður RÚV innti Jón Ásgeir ekki eftir því hvert þeir ættu að snúa sér sem töpuðu á viðskiptaævintýrum hans á dögum útrásar.

Ofur-Grímur og Icesave sem má hafna

Jóhanna Sig. forsætisráðherra þakkar það Steingrími J. fjármálaráðherra að ekki skall á efnahagsleg ísöld þegar þjóðin hafnaði Icesave-samkomulagi þeirra skötuhjúa í mars. Steingrímur J. hafi tryggt gjaldeyrisflæði inn í landið. Við getum andað rólega og hafnað nýjum Icesave-samningi, sem ku vera ódýrari er nemur 100 ti 400 milljörðum plús mínus, þar sem við stýri stendur Ofur-Grímur.

Jóka og Ofur-Grímur munu vitanlega láta öllum illum látum líkt og þau gerðu liðinn vetur. Það sprikl er til útflutnings, einkum á breskan markað og hollenskan.

Ofur-Grímur mun áfram sjá um innflæði gjaldeyris til landsins enda heita menn á hann til gæfta og gæfu.

Áttum kost á Icesave-samningi í mars

Svíar segja nei við evru

Um 58 prósent Svía hafna því í skoðanakönnun að landið fórni krónunni fyrir evru. Innan við þriðjugur Svía er hlynntur upptöku evru. Svíar höfnuðu í þjóðaratkvæðagreiðslu árið 2003 að taka upp evru. Aðeins einu sinni á liðnum sjö árum hafa mælingar sýnt að Svíar hafi hug á evruvæðingu.

Rúmur helmingur Svía styður þátttökuna í Evrópusambandinu en tæpur fimmtungur er á móti aðild.